बोधसार · अध्याय 16.30

[प्. 469-]
अथ निशाव्यवहारनिर्णयः ।
यातेऽथ व्यवहारनाम्नि दिवसे भुक्ते च सन्ध्यासुखे जातायां निशि निश्चलेन मनसा दत्वा कपाटार्गलाः ।
पीत्वा संप्रति शुद्धबोधमधुरं क्षीरं यथेष्टं युवा पर्यङ्के सुसमाधिनामनि मुहुः काञ्चिद्भुनक्ति प्रियाम्

तन्वङ्गीं तरुणीं विलासरसिकां चित्ते चमत्कारिणीं जाते प्रेमणि नित्यमेव सुखदामानन्दलीलामयीम् ।
खेलन्तीमुरसि प्रियां निजकलामालिङ्ग्य तत्सङ्गमाद् भोगीन्द्रत्वमुपागतः सुखनिधिर्योगीन्द्रचूडामणिः