બોધસાર · અધ્યાય 16.30

[પ્. 469-]
અથ નિશાવ્યવહારનિર્ણયઃ ।
યાતેઽથ વ્યવહારનામ્નિ દિવસે ભુક્તે ચ સન્ધ્યાસુખે જાતાયાં નિશિ નિશ્ચલેન મનસા દત્વા કપાટાર્ગલાઃ ।
પીત્વા સંપ્રતિ શુદ્ધબોધમધુરં ક્ષીરં યથેષ્ટં યુવા પર્યઙ્કે સુસમાધિનામનિ મુહુઃ કાઞ્ચિદ્ભુનક્તિ પ્રિયામ્

તન્વઙ્ગીં તરુણીં વિલાસરસિકાં ચિત્તે ચમત્કારિણીં જાતે પ્રેમણિ નિત્યમેવ સુખદામાનન્દલીલામયીમ્ ।
ખેલન્તીમુરસિ પ્રિયાં નિજકલામાલિઙ્ગ્ય તત્સઙ્ગમાદ્ ભોગીન્દ્રત્વમુપાગતઃ સુખનિધિર્યોગીન્દ્રચૂડામણિઃ