अथर्ववेद · अध्याय 13.5

१३.५
कीर्तिश्च यशश्चाम्भश्च नभश्च ब्राह्मणवर्चसं चान्नं चान्नाद्यं च

य एतं देवमेकवृतं वेद

न द्वितीयो न तृतीयश्चतुर्थो नाप्युच्यते

न पञ्चमो न षष्ठः सप्तमो नाप्युच्यते

नाष्टमो न नवमो दशमो नाप्युच्यते

स सर्वस्मै वि पश्यति यच्च प्राणति यच्च न

तमिदं निगतं सहः स एष एक एकवृदेक एव

सर्वे अस्मिन् देवा एकवृतो भवन्ति

इति चतुर्थेऽनुवाके द्वितीयं पर्यायसूक्तम्।