અથર્વવેદ · અધ્યાય 13.5

૧૩.૫
કીર્તિશ્ચ યશશ્ચામ્ભશ્ચ નભશ્ચ બ્રાહ્મણવર્ચસં ચાન્નં ચાન્નાદ્યં ચ

ય એતં દેવમેકવૃતં વેદ

ન દ્વિતીયો ન તૃતીયશ્ચતુર્થો નાપ્યુચ્યતે

ન પઞ્ચમો ન ષષ્ઠઃ સપ્તમો નાપ્યુચ્યતે

નાષ્ટમો ન નવમો દશમો નાપ્યુચ્યતે

સ સર્વસ્મૈ વિ પશ્યતિ યચ્ચ પ્રાણતિ યચ્ચ ન

તમિદં નિગતં સહઃ સ એષ એક એકવૃદેક એવ

સર્વે અસ્મિન્ દેવા એકવૃતો ભવન્તિ

ઇતિ ચતુર્થેઽનુવાકે દ્વિતીયં પર્યાયસૂક્તમ્।