યોગયાત્રા · અધ્યાય 31

વિદ્વિષ્ટપ્રવરનરપ્રતાપહીના નિઃશૌચા મૃતવરવારણાશ્ ચ યોધાઃ।
સોત્પાતપ્રકૃતિવિપર્યયાનુયાતા શોકાર્તા રિપુવશમ્ આશુ યાતિ સેના॥

સંગ્રામે વયમ્ અમરદ્વિજપ્રસાદાજ્ જ્યોષ્યામો રિપુબલમ્ આશ્વ્ અસંશયેન।
યસ્યૈવં ભવતિ બલે જનપ્રવાદઃ સો ઽલ્પો ઽપિ પ્રચુરબલં રિપું નિહન્તિ॥

પ્રોત્ક્ષિપ્તક્ષુપપાંશુપત્રવિહગચ્છત્રધ્વજાગ્રાન્તકૃદ્
દુર્ગન્ધિઃ કરિદાનશેષજનકઃ સાવર્ત્તલોષ્ટોત્કરઃ।
યાતુર્ વાયુર્ અનિષ્ટદઃ શુભકરો યાત્રાનુલોમોદ્યમઃ
પ્રહ્લાદી સુરભિપ્રદક્ષિણગતિઃ સ્વાદુશ્ ચ સિદ્ધિપ્રદઃ॥

પૃથુઘનમ્ અનુલોમં સ્નિગ્ધમ્ અમ્ભોદવૃન્દં તરુનગનગરેષ્ટદ્રવ્યસત્વાનુકારિ।
જયદમ્ ઉભયપાર્શ્વાધિષ્ઠિતં પૃષ્ઠતો વા ન શુભકરમ્ અતો ઽન્યદ્ યાનકાલે નૃભર્તુઃ॥

નિન્દિતસત્ત્વપિશાચવિચિત્રાઃ પિશિતમૃગાકૃતયઃ પરુષાશ્ ચ।
વજ્રમુચઃ ક્ષતજાશ્મમુચો વા બલભયમ્ આશુ જનાઃ કથયન્તિ॥

ભૃશં ક્ષરન્તો રુધિરારુણા વા સશક્રચાપા ખરરૂક્ષનાદાઃ।
રણોપયોજ્યાકૃતિચિત્રરૂપા રણાય દૃષ્ટા ગગને ઽમ્બુવાહાઃ॥

સપ્તાહાન્તર્બલભયકરી વૃષ્ટિર્ અન્યર્તુજાતા
કેચિદ્ યાત્રામ્ અસિતજલદૈઃ પ્રોત્થિતાં પૂજયન્તિ।
ચિત્રાભ્રાયાં બલપતિવધો રુક્ ચ પીતામ્બુદાયાં
ક્ષ્ચ્ ચોષ્ણાયાં ભવતિ ન ચિરાદ્ અમ્બુદાયાં વિનાશઃ॥

વાહનાનિ સવ્યગો હન્તિ યોષિતો ઽન્યથા।
પંજરાકૃતિસ્થિતઃ સર્વતો બલેશ્વરમ્॥

ચાપમ્ ઐન્દ્રમ્ અનુલોમમ્ અખણ્ડં પ્રોજ્જ્વલં બહુલમ્ આયતમ્ ઇષ્ટમ્।
સ્ફૂર્જનં સલિલકુમ્ભનિષેકં ક્ષોભિતાર્ણવસમં વિજયાય॥

તન્વી પ્રલમ્બા વિજયાય દીર્ઘા તડિદ્ ઘનસ્ફૂર્જથુવર્જિતા ચ।
શસ્તાશનિશ્ ચાપ્ય્ અસમીપજાતઃ પ્રદક્ષિણેનાપ્સ્યતિ પાતશબ્દઃ॥

લગ્ને ઽર્કેન્દૂ નિઘ્નતી શસ્તિ પૌરાન્ ઉલ્કા હન્યાદ્ યાતુપૌરાન્ ગ્રહાશ્ ચ।
યાતુઃ શસ્તા સમ્ભૃતા વા ધ્રુવર્ક્ષે નેષ્ટાતો ઽન્યા ધૂમિની શ્યાવરક્તા॥

હન્યાન્ નૃપપૌરરાષ્ટ્રિકાન્ ભૃત્યામ્ભોરુહતસ્કરાન્ દ્વિજાંશ્ ચ।
વેલા ક્રમશો દિનાદિતઃ કાષ્ઠાયાં ચ સ યત્ર ભૂસ્વનશ્ ચ॥

શસ્તા શાન્તદ્વિજમૃગઘુષ્ટા સન્ધ્યા સ્નિગ્ધા મૃદુષવના ચ।
પાંશુધ્વસ્તા જનપદનાશં ધત્તે રૂક્ષા રુધિરનિભા વા॥એ13