યોગાવતાર · ભાગ 11

યોગાવતારઃ
નમસ્તારાયૈ
શ્રુત્વા શાસ્ત્રમુદારં નિશ્ચિત્ય પારમાર્થિકં તત્ત્વમ્ ।
મૃદ્વાસનોપવિષ્ટઃ સશ્રદ્ધો યોગમારભેદ્ [યોગી] ॥ 1 ॥
ગ્રાહ્યગ્રાહકમુભયં નોભયમહમેવ નિર્વૃતિર્મગ્ન ઇતિ ।
બહુવિધવિકલ્પજાલં પ્રવિજ્ઞાય મનઃસમાપત્તિઃ ॥ 2 ॥
જ્ઞેયં વિલોક્ય સકલં મા યોગમેવ નિર્ભાસમ્ ।
પ્રવિવાચ્યે દેહે યત્ તત્તથતાજ્ઞાનવજ્રેણ ॥ 3 ॥
સર્વાકારવિવર્જિતમાદ્યન્તવિભાગરહિતમવિકલ્પમ્ ।
નિમર્લસહસ્રદીધિતિનિર્ભિન્નમેતિ સર્વં ગગનમિવ ॥ 4 ॥
સ્વાકારમાત્રશેષં પશ્યતિ ચિત્તં સ્વમાદ્યનુત્પન્નમ્ ।
યેનાપિ પશ્યતીદં તદપિ તથૈવાવલોકયતિ ॥ 5 ॥
સો ઽનુપલમ્ભો ઽચિત્તં તથતાજ્ઞાનં તત્કોટિઞ્ચ ।
એવં તમસો ઽભ્યાસાત્ પ્રજ્ઞાવેદિતનિરોધમાપ્નોતિ ॥ 6 ॥
તાભિર્યુક્તો યોગી સત્ત્વાર્થમનેકધા કુરુતે ।
અસ્મિન્ પરિનિષ્પન્ને તિષ્ઠતિ યોગી સદાર્યમધ્વાનમ્ ॥ 7 ॥
............દનઘવાયૌ નિષ્કમ્પ્યં ક્લેશમારાદ્યૈઃ ।
પ્રજ્ઞાપારમિતાં વાસ્મિન્ સર્વદા પ્રવૃત્તસ્ય ॥ 8 ॥
સિદ્ધ્યન્ત્યન્યે બહવઃ સમાધિયોગદાનરાગાદ્યાઃ ॥ 9 ॥
॥ યોગાવતારઃ સમાપ્તઃ ॥
॥ કૃતિરિયમાર્યદિગ્ નાગપાદાનામિતિ ॥