વિષ્ણુસ્મૃતિ · અધ્યાય 57

આહૂયાભ્યુદ્યતાં ભિક્ષાં પુરસ્તાદ્ અનુચોદિતામ્
ગ્રાહ્યાં પ્રજાપતિર્ મેને અપિ દુષ્કૃતકર્મણઃ ॥

નાશ્નન્તિ પિતરસ્ તસ્ય દશ વર્ષાણિ પઞ્ચ ચ
ન ચ હવ્યં વહત્ય્ અગ્નિર્ યસ્ તામ્ અભ્યવમન્યતે ॥

ગુરૂન્ ભૃત્યાન્ ઉજ્જિહીર્ષુર્ અર્ચિષ્યન્ પિતૃદેવતાઃ
સર્વતઃ પ્રતિગૃહ્ણીયાન્ ન તુ તૃપ્યેત્ સ્વયં તતઃ ॥

એતેષ્વ્ અપિ ચ કાર્યેષુ સમર્થસ્ તત્પ્રતિગ્રહે
નાદદ્યાત્ કુલટાષણ્ઢ પતિતેભ્યસ્ તથા દ્વિષઃ ॥

ગુરુષુ ત્વ્ અભ્યતીતેષુ વિના વા તૈર્ ગૃહે વસન્
આત્મનો વૃત્તિમ્ અન્વિચ્છન્ ગૃહ્ણીયાત્ સાધુતઃ સદા ॥

અર્ધિકઃ કુલમિત્રં ચ દાસગોપાલનાપિતાઃ
એતે શૂદ્રેષુ ભોજ્યાન્ના યશ્ ચાત્માનં નિવેદયેત્ ॥