વિષ્ણુસ્મૃતિ · અધ્યાય 32

ગુરુપત્ની તુ યુવતિર્ નાભિવાદ્યેહ પાદયોઃ
પૂર્ણવિંશતિવર્ષેણ ગુણદોષૌ વિજાનતા ॥

કામં તુ ગુરુપત્નીનાં યુવતીનાં યુવા ભુવિ
વિધિવદ્ વન્દનં કુર્યાદ્ અસાવ્ અહમ્ ઇતિ બ્રુવન્ ॥

વિપ્રોષ્ય પાદગ્રહણમ્ અન્વહં ચાભિવાદનમ્
ગુરુદારેષુ કુર્વીત સતાં ધર્મમ્ અનુસ્મરન્ ॥

વિત્તં બન્ધુર્ વયઃ કર્મ વિદ્યા ભવતિ પઞ્ચમી
એતાનિ માનસ્થાનાનિ ગરીયો યદ્ યદ્ ઉત્તરમ્ ॥

બ્રાહ્મણં દશવર્ષં ચ શતવર્ષં ચ ભૂમિપમ્
પિતાપુત્રૌ વિજાનીયાદ્ બ્રાહ્મણસ્ તુ તયોઃ પિતા ॥

વિપ્રાણાં જ્ઞાનતો જ્યૈષ્ઠ્યં ક્ષત્રિયાણાં તુ વીર્યતઃ
વૈશ્યાનાં ધાન્યધનતઃ શૂદ્રાણામ્ એવ જન્મતઃ ॥