ઉડ્ડામરેશ્વરતન્ત્ર · ભાગ 120

ઉડ્ડામરેશ્વરતન્ત્ર
ઉડ્ડામરેશ્વરતન્ત્ર, પ્રથમઃ પટલઃ
ઉડ્ડીશેન સમાકીર્ણા યોગિવૃન્દસમાકુલા ।
પ્રણમ્ય શિરસા દેવી ગૌરી પૃચ્છતિ શંકરમ્ ॥ ઉત્_1.1
ઈશ્વર શ્રોતુમ્ ઇચ્છામિ લોકનાથ જગત્પ્રભો ।
પ્રસાદં કુરુ દેવેશ બ્રૂહિ ધર્માર્થસાધકમ્ ॥ ઉત્_1.2
વશીકરણમ્ ઉચ્ચાટં મોહનં સ્તમ્ભનં તથા ।
શાન્તિકં પૌષ્ટિકં વાથ કરણાનિ બહૂનિ ચ ॥ ઉત્_1.3
ચક્ષુર્હાનિં મહેશાન શ્રુતિહાનિં તથૈવ ચ ।
જ્ઞાનહાનિં ક્રિયાહાનિં કીલકં ચ તથાપરમ્ ॥ ઉત્_1.4
કાર્યસ્તમ્ભં સુરેશાન શોષણં પૂરણં તથા ।
મન્ત્રધ્યાનં વિશેષેણ તત્ સર્વં વદ મે પ્રભો ॥ ઉત્_1.5
અન્યચ્ ચ વિવિધં કાર્યં પ્રસાદાદ્ બ્રૂહિ ભૈરવ ।
યસ્ય વિજ્ઞાનમાત્રેણ મનુષ્યો ભુવિ દુર્લભઃ ॥ ઉત્_1.6
શ્રીર્ ઈશ્વર ઉવાચ ।
શૃણુ ત્વં હિ વરારોહે સિદ્ધ્યર્થં યદિ પૃચ્છસિ ।
તદ્વદ્ ઇષ્યામિ તે દેવિ તત્ સર્વં સમુદાહૃતમ્ ॥ ઉત્_1.7
ઔષધૈર્ મન્ત્રજાપૈશ્ ચ રિપું હન્યાન્ ન સંશયઃ ।
ઉડ્ડીશાત્ સારમ્ આકૃષ્ય મયોક્તં તવ ભક્તિતઃ ॥ ઉત્_1.8
ઉડ્ડીશં ચ નમસ્કૃત્ય રુદ્રં ચૈવ સુદુર્લભમ્ ।
કપર્દિનં વિરૂપાક્ષં સર્વભૂતભયાપહમ્ ॥ ઉત્_1.9
વક્ષ્યે રુદ્રોદ્ભવાન્ યોગાન્ સર્વશત્રુવિનાશકાન્ ।
તૈસ્ તુ પ્રયોજિતૈઃ સઃ પ્રાણાન્ હન્તિ ન સંશયઃ ॥ ઉત્_1.10
પ્રથમં ભૂતકરણં દ્વિતીયોન્માદનં તથા ।
તૃતીયં દ્વેષણં ચાથ તુર્યમ્ ઉચ્ચાટનં તથા ॥ ઉત્_1.11
ગ્રામોચ્ચાટં પઞ્ચમં ચ જલસ્તમ્ભં ચ ષષ્ઠકમ્ ।
વહ્નેઃ સ્તમ્ભકરં ચાથ વશીકરણમ્ ઉત્તમમ્ ॥ ઉત્_1.12
અન્યાન્ અપિ પ્રયોગાંશ્ ચ બહૂન્ શૃણુ વરાનને ।
શિવેન કથિતા યોગા ઉડ્ડીશે શાસ્ત્રનિશ્ચયે ॥ ઉત્_1.13
અન્ધીકરણં મૂકીકરણં બધિરીકરણં તથા ।
ભૂતજ્વરસ્ય કરણમ્ અસ્ત્રશસ્ત્રસ્ય દૂષણમ્ ॥ ઉત્_1.14
જલદોષપ્રશમનં દધ્નો મધુવિનાશનમ્ ।
વિનાશં મત્તકરણં ગજવાજિપ્રકોપનમ્ ॥ ઉત્_1.15
આકર્ષણં ભુજંગાનાં માનવાનાં તથા ધ્રુવમ્ ।
વહ્નેર્ વિનાશનં કુર્યાત્ પર્ણાનાં હિ વિનાશનમ્ ॥ ઉત્_1.16
ગર્દભસ્યાત્મકરણં પરકાયપ્રવેશનમ્ ।
વેતાલપાદુકાસિદ્ધિમ્ ઉલ્વકાજ્ જ્વલનં તથા ॥ ઉત્_1.17
અન્યાન્ બહુપ્રયોગાંશ્ ચ રૌદ્રાન્ રોમપ્રહર્ષણાન્ ।
વિદ્યામન્ત્રપ્રયોગાદીન્ ઔષધાંશ્ ચાભિચારિકાન્ ॥ ઉત્_1.18
ગુપ્તાગુપ્તતરાઃ કાર્યા રક્ષિતવ્યાઃ પ્રયત્નતઃ ।

ઉડ્ડીશં યો ન જાનાતિ સ રુષ્ટઃ કિં કરિષ્યતિ ॥ ઉત્_1.19
સુમેરું ચાલયેત્ સ્થાનાત્ સાગરૈઃ પ્લાવયેન્ મહીમ્ ।
સૂર્યં ચ પાતયેદ્ ભૂમૌ નેદં મિથ્યા ભવિષ્યતિ ॥ ઉત્_1.20
યથૈવેન્દ્રસ્ય વજ્રં ચ પાશં હિ વરુણસ્ય ચ ।
યમસ્ય ચ યથા દણ્ડં કુબેરસ્ય ગદા યથા ॥ ઉત્_1.21
વહ્નેઃ શક્તિર્ યથા પ્રોક્તા ખડ્ગસ્ તુ નિરૃતેર્ યથા ।
યથા વાયોશ્ ચાઙ્કુશં હિ ત્રિશૂલં શૂલપાણિનઃ ॥ ઉત્_1.22
સ્કન્દસ્ય ચ યથા શક્તિર્ વિષ્ણોશ્ ચક્રં સુદર્શનમ્ ।
તથૈતે ચ મહાયોગાઃ પ્રયુક્તાઃ શત્રુકારણે ॥ ઉત્_1.23
અનિવૃત્તે નિવર્તન્તે અમોઘા નાત્ર સંશયઃ ।
સંતુષ્ટેન પ્રયુક્તેન સિધ્યન્તિ સુવિચારતઃ ॥ ઉત્_1.24
રતાનાં કરણં વક્ષ્યે શત્રુસાધનમ્ ઉત્તમમ્ ।
યેનૈવ કૃતમાત્રેણ ભૂતો ગૃહ્ણાતિ માનવમ્ ॥ ઉત્_1.25
નિમ્બકાષ્ઠં સમાદાય ચતુરઙ્ગુલમાનતઃ ।
શત્રુવિષ્ટાસમાલિપ્તં તથા નામ સમાલિખેત્ ॥ ઉત્_1.26
ચિતાઙ્ગારેણ તન્નામ્ના ધૂપં દદ્યાન્ મહેશ્વરિ ।
ચિતાન્તઃ સંસ્થિતો ભૂત્વા યસ્ય ગાત્રમૃદાહરેત્ ॥ ઉત્_1.27
કૃષ્ણાષ્ટમ્યાં ચતુર્દશ્યામ્ અષ્ટોત્તરશતં જપેત્ ।
ભૂતો ગૃહ્ણાતિ તં શીઘ્રં મન્ત્રેણાનેન મન્ત્રિતઃ ॥ ઉત્_1.28
ઉઓં નમો ભગવતે સર્વભૂતાધિપતયે વિરૂપાક્ષાય નિત્યં ક્રૂરાય દંષ્ટ્રિણે વિકરાલિને ગ્રહયક્ષભૂતવેતાલેન સહ શંકર મનુષ્યં દહ દહ પચ પચ ગૃહ્ણ ગૃહ્ણ ગૃહ્ણાપય ગૃહ્ણાપય હું ફટ્ સ્વાહા ।
પ્રત્યાનયં યદીચ્છેત તસ્યૈષા ક્રિયતે ક્રિયા ।
દાપયેદ્ દેવમ્ ઈશાનં ઘૃતેન વચયા સહ ॥ ઉત્_1.29
ગુગ્ગુલં પ્રદદેદ્ ધૂપં ઘૃતમિશ્રં સમન્તતઃ ।
મન્ત્રેણ મન્ત્રયિત્વા તુ તતઃ સ્વાસ્થ્યં ભવેત્ કિલ ॥ ઉત્_1.30
મન્ત્રઃ ઉઓં નમઃ શિવાય શાન્તાય પ્રભાય મુક્તાય દેવાધિદેવાય શુભ્રબાહવે વ્યાધિં શમય શમય અમુકઃ સ્વસ્થો ભવતુ નમો ઽસ્તુ તે ।
ઇતિ સ્વાસ્થ્યમન્ત્રઃ ।
અથાન્યત્ સમ્પ્રવક્ષ્યામિ પ્રયોગં ભુવિ દુર્લભમ્ ।
યેનૈવ કૃતમાત્રેણ જ્વરો ગૃહ્ણાતિ માનવમ્ ॥ ઉત્_1.31
નિમ્બકાષ્ઠાકૃતિં કૃત્વા ચતુરઙ્ગુલમાનતઃ ।
તસ્યા હૃદિ વિષોન્મત્તરાજિકાલવણૈસ્ તથા ॥ ઉત્_1.32
નામ સંલિખ્ય પ્રકૃતૌ પાચ્યમાનાયાં તતઃ પરમ્ ।
તતસ્ તુ શત્રુનામ્ના ચ અષ્ટોત્તરશતં જપેત્ ॥ ઉત્_1.33
તતઃ સ પ્રહરાર્ધેન જ્વરભૂતેન ગૃહ્યતે ।
અથ જપમન્ત્રઃ ઉઓં બકામુખા ચામુણ્ડા અમુકસ્ય ક્ષીરમાંસશોણિતભોજિની અમુકં ખઃ ખઃ જ્વરેણ ગૃહ્ણ ગૃહ્ણ ગૃહ્ણાપય ગૃહ્ણાપય હું ફટ્ સ્વાહા ।
પ્રત્યાનયં યદીચ્છેત તસ્યૈષા ક્રિયતે ક્રિયા ॥ ઉત્_1.34
દુગ્ધસ્નાતનામાક્ષરાણિ તદા સ્વસ્થો ભવેદ્ ઇતિ ।
અથાન્યત્ સમ્પ્રવક્ષ્યામિ પ્રયોગં ભુવિ દુર્લભમ્ ॥ ઉત્_1.35
યેન વિજ્ઞાનમાત્રેણ શત્રોર્ ઉચ્ચાટનં ભવેત્ ।
બ્રહ્મદણ્ડી ચિતાભસ્મ ગોમયસ્ય તથૈવ ચ ॥ ઉત્_1.36
ક્ષારં ચાપિ સમાદાય કાકજઙ્ગાસમન્વિતમ્ ।

ક્ષિપેચ્ છિરસિ શત્રૂણાં તૂર્ણમ્ ઉચ્ચાટયેદ્ રિપુમ્ ॥ ઉત્_1.37
તતઃ સંસ્નાપયેદ્ એનં ગોક્ષીરેણ સમન્વિતમ્ ।
મુણ્ડનં ચાથ કેશાનાં તતઃ સ્વસ્થો ભવેદ્ ધ્રુવમ્ ॥ ઉત્_1.38
અથાન્યત્ સમ્પ્રવક્ષ્યામિ શત્રોર્ ઉચ્ચાટનં વરમ્ ।
ધૂપં નિર્ભેદકં નામ સ્વયં રુદ્રેણ ભાષિતમ્ ॥ ઉત્_1.39
બ્રહ્મદણ્ડી સમૂલા ચ કાકજઙ્ગા સમન્વિતા ।
નિર્મોકં સર્પરાજસ્ય ધૂપમ્ ઉચ્ચાટયેદ્ રિપૂન્ ॥ ઉત્_1.40
સર્પકઞ્ચુકમ્ આદાય કૃષ્ણોરગશિરસ્ તથા ।
નિખનેદ્ યસ્ય ચ દ્વારે તમ્ ઉચ્ચાટયતે હઠાત્ ॥ ઉત્_1.41
બ્રહ્મદણ્ડી સુરામાંસી કચ્છપસ્ય શિરસ્ તથા ।
શ્મશાનભસ્મસંયુક્તં કપાલે માનુષે ન્યસેત્ ॥ ઉત્_1.42
શત્રોર્ દ્વારે નિખાતેન તૂર્ણમ્ ઉચ્ચાટયેદ્ રિપૂન્ ।
સપ્તરાત્રૌ દેવેશિ સમૂલં નશ્યતે ગૃહમ્ ॥ ઉત્_1.43
અથ વિદ્વેષણં વક્ષ્યે શત્રૂણાં શૃણુ શંકરિ ।
યેનૈવ કૃતમાત્રેણ વિદ્વેષો જાયતે નૃણામ્ ॥ ઉત્_1.44
બ્રહ્મદણ્ડી સમૂલા ચ કાકમાંસેન સંયુતા ।
જાતીપુષ્પરસૈર્ ભાવ્યા સપ્તરાત્રં પુનઃ પુનઃ ॥ ઉત્_1.45
તતો માર્જારમૂત્રેણ સપ્તાહં ભાવયેત્ તતઃ ।
એષ ધૂપઃ પ્રદાતવ્યઃ શત્રુગોત્રસ્ય મધ્યતઃ ॥ ઉત્_1.46
યથા ગન્ધં સમાઘ્રાતિ પિતા પુત્રૈઃ સમં કલિઃ ।
વિદ્વેષણં પરં તેષાં સુહૃદ્ભિર્ બાન્ધવૈઃ સહ ॥ ઉત્_1.47
સ્વસ્થીકરણકં પ્રોક્તં ઘૃતગુગ્ગુલધૂપતઃ ।
અથ મારણમ્ ।
સુરાં માનુષમાંસં ચ સમાદાય વિચક્ષણઃ ॥ ઉત્_1.48
ગૃધ્રાસ્થિ શત્રુવિષ્ઠાં ચ દ્વારમધ્યે નિખાતયેત્ ।
સપ્તાહેન ભવેન્ મારો યથા રુદ્રેણ ભાષિતમ્ ॥ ઉત્_1.49
બ્રહ્મદણ્ડી ચિતાભસ્મ સુરામાંસીસમાયુતમ્ ।
અરિષ્ટસ્ય ચ પત્ત્રાણિ વિષં રુધિરમ્ એવ ચ ॥ ઉત્_1.50
મોહાય ચ પ્રયોક્તવ્યઃ શત્રૂણાં નામયોગતઃ ।
સપ્તરાત્રપ્રયોગેન સર્વશત્રુપ્રણાશનમ્ ॥ ઉત્_1.51
એતેષાં દુષ્ટયોગાનાં શત્રવે તદ્ ઉદાહૃતમ્ ।
શતમ્ અષ્ટોત્તરેણૈવ મન્ત્રયિત્વા વિચક્ષણઃ ॥ ઉત્_1.52
ઉઓં નમો ભગવતે શ્રીઉડ્ડામરેશ્વરાય અમુકમ્ ઉચ્ચાટય ઉચ્ચાટય વિદ્વેષય વિદ્વેષય સ્વાહા ।
એકરાત્રોષિતો ભૂત્વા કૃષ્ણાષ્ટમ્યાં સમાહિતઃ ।
દેવમ્ અભ્યર્ચ્ય ચેશાનં શતમ્ અષ્ટાધિકં જપેત્ ॥ ઉત્_1.53
મન્ત્રમ્ એતત્ પ્રયોક્તવ્યં સિદ્ધયે સિદ્ધિકામ્યયા ।
શત્રુસૈન્યે પ્રયોક્તવ્યં રાજ્ઞશ્ ચ વિજયાર્થિનઃ ॥ ઉત્_1.54
લાઙ્ગૂલં ગૃહગોધાયાઃ કૃકલાસસ્ય મસ્તકમ્ ।
ઇન્દ્રગોપકસંયુક્તં જમ્બૂકસ્ય શિરસ્ તથા ॥ ઉત્_1.55
એતાનિ સમભાગાનિ સૂક્ષ્મચૂર્ણાનિ કારયેત્ ।

અમુક્તે હિ પ્રયોક્તવ્યં સર્વં જનશતં હરેત્ ॥ ઉત્_1.56
નૃકપાલં સમૂત્રં ચ પેચકસ્ય શિરસ્ તથા ।
વૃશ્ચિકસ્ય તુ લાઙ્ગૂલં હાલાહલકમ્ એવ ચ ॥ ઉત્_1.57
શ્વેતમણ્ડૂકમાંસં ચ મૂત્રં ચૈવ ગજોષ્ટ્રયોઃ ।
ગૃહીત્વા સમભાગાનિ સૂક્ષ્મચૂર્ણાનિ કારયેત્ ॥ ઉત્_1.58
એતાનિ શોષયિત્વા તુ કલ્કં કૃત્વા પુનઃ પુનઃ ।
ઉઓં હીં યમાય શત્રુનાશનાય સ્વાહા ।
અન્ને પાને પ્રદાતવ્યં રિપુસૈન્યવિનાશનમ્ ॥ ઉત્_1.59
સ્પૃષ્ટમાત્રેણ તેનૈવ વિસ્ફોટાસ્ તુ સમન્તતઃ ।
તસ્ય દેહે જ્વરસ્ તીવ્રો ભવેત્ તીવ્રા ચ વેદના ॥ ઉત્_1.60
મ્રિયતે સપ્તરાત્રૌ પ્રત્યાનયનવર્જિતઃ ।
અથાન્યત્ સમ્પ્રવક્ષ્યામિ યસ્ય ધ્યાનેન સાધનમ્ ॥ ઉત્_1.61
કથિતં ચૈવ રુદ્રેણ ત્રિદશેભ્યઃ પ્રસાદતઃ ।
રુધિરં કૃષ્ણસર્પસ્ય કુક્કુટસ્ય તુ કસ્યચિત્ ॥ ઉત્_1.62
કચ્છપસ્ય મયૂરાણાં રોચનં જાત્યઞ્જનં તથા ।
કુઙ્કુમં ભદ્રમુસ્તં ચ તગરં કૃષ્ણમ્ એવ ચ ॥ ઉત્_1.63
એતાનિ સમભાગાનિ પુષ્યાર્કે ચ સમાહરેત્ ।
અશ્લેષાયાં તુ પિષ્ટાનિ કૃત્વા પાત્રે ચ રાજતે ॥ ઉત્_1.64
દશાહં સ્થાપયેદ્ ભૂમ્યાં પશ્ચાદ્ ઉદ્ધૃત્ય લેપયેત્ ।
અસિધારાઙ્ગદા નામ સ્વયં રુદ્રેણ ભાષિતા ॥ ઉત્_1.65
અથાલિપેત્ તુ ગાત્રાણિ સ કૃત્વાસ્થીન્ય્ અથાપિ વા ।
ફલપુષ્પે તથા પત્ત્રે ધૂપસત્તૈસ્ તથૈવ ચ ॥ ઉત્_1.66
અગદો ઽયં મહામન્ત્રો ભૂતાનાં ચ ભયાવહઃ ।
અન્ને પાને મન્ત્રયિત્વા પ્રયુઞ્જીત વિધાનતઃ ॥ ઉત્_1.67
ઉઓં નમો ભગવતે રુદ્રાય શાન્તાય દિવ્યયોગાય દિવ્યરૂપાય જટિલબ્રહ્મચારિણે અગદોક્ષિત્રિદશૈવ મહાબલશતં મનોહં ઠઃ ઠઃ સ્વાહા ।
પીડ્યમાનં જપેન્ મન્ત્રં શુચિર્ ભૂત્વા સમાહિતઃ ।
અષ્ટોત્તરસહસ્રં તુ તતો મન્ત્રમ્ ઇમં જપેત્ ॥ ઉત્_1.68
કન્યયા પેષયચ્ ચૈવ ગોષ્ઠમધ્યે પ્રયત્નતઃ ।
તદશક્તૌ ચિતાયાં તુ યથાશક્તિ પુનઃ પુનઃ ॥ ઉત્_1.69
સ્વયં રુદ્રેણ સમ્પ્રોક્તં સર્વકાર્યપ્રસાધકમ્ ।
સર્વે ચૈવ પ્રયોક્તવ્યાઃ સર્વશત્રુવિનાશકાઃ ॥ ઉત્_1.70
તસ્માત્ સર્વપ્રયત્નેન રક્ષિતવ્યાઃ પ્રયોગવાન્ ।
અભુક્તે નૈવ પ્રોક્ત યં ક્રૂરે પાપજને તથા ॥ ઉત્_1.71
દાતવ્યં ભક્તિયુક્તાય શાસ્ત્રજ્ઞાયામરેશ્વરિ ।
ઇતિ પાર્વતીશિવસંવાદે વીરભદ્રેશ્વરતન્ત્રોદ્ધૃતે ઉડ્ડામરેશ્વરમહાતન્ત્રે પ્રથમઃ પટલઃ ॥ ઉત્_1.72
ઉડ્ડામરેશ્વરતન્ત્ર, દ્વિતીયઃ પટલઃ
અથાન્યત્ સમ્પ્રવક્ષ્યામિ જલસ્તમ્ભનમ્ ઉત્તમમ્ ।
કુમ્ભીરવેલ્વદંષ્ટ્રાનિ રુધિરં માંસમ્ એવ ચ ॥ ઉત્_2.1
હૃદયં કચ્છપસ્યૈવ શિશુમારં પુનઃ પુનઃ ।
વિભીતકસ્ય તૈલેન સર્વાન્ એકત્ર કારયેત્ ॥ ઉત્_2.2

ન્યાસકર્મ તતઃ કૃત્વા જલે તિષ્ઠેદ્ યથાસુખમ્ ।
મદ્રકસ્ય રસં ગ્રાહ્યં લક્ષણસ્ય મકરસ્ય ચ ॥ ઉત્_2.3
ડુણ્ડુભસ્ય શિરો ગ્રાહ્યં સર્વાન્ એકત્ર કારયેત્ ।
વિભીતકસ્ય તૈલે તુ પચ્યમાને ચ દાપયેત્ ॥ ઉત્_2.4
ન્યાસકર્મ પ્રકુર્વીત સપ્તાહં તિષ્ઠતે જલે ।
તત્ તૈલં પાચયેત્ લૌહે કૃષ્ણાષ્ટમ્યાં સમાહિતઃ ॥ ઉત્_2.5
ચતુર્માસોષિતો ભૂત્વા દેવમ્ અભ્યર્ચ્ય શંકરમ્ ।
અભિમન્ત્ર્ય ચ મન્ત્રેણ મૃત્તિકાસ્નાનદક્ષિણમ્ ॥ ઉત્_2.6
અષ્ટાધિકસહસ્રં તુ જપિત્વા હોમમ્ આચરેત્ ।
અનેન મન્ત્રયિત્વા તુ તતઃ સિધ્યતિ નાન્યથા ॥ ઉત્_2.7
ઉઓં નમો ભગવતે ઉડ્ડામરેશ્વરાય જલં સ્તમ્ભય સ્તમ્ભય હું ફટ્ સ્વાહા ।
વક્ષ્યે ઽથ લૂતાકરણં તં શૃણુષ્વ સમાસતઃ ।
ભલ્લાતકરસં ગુઞ્જા વિષં ચિત્રકમ્ એવ ચ ॥ ઉત્_2.8
કપિકચ્છપરોમાણિ ચૂર્ણાં કૃત્વા પ્રદાપયેત્ ।
એતત્ સર્વસમાયુક્તો લૂતાકરણમ્ ઉત્તમમ્ ॥ ઉત્_2.9
તસ્ય રૂપં પ્રવક્ષ્યામિ જાયતે યસ્ તુ લક્ષણૈઃ ।
અઙ્ગાનિ ધૂમમ્ આયાન્તિ મૂર્છયન્તિ મુહુર્ મુહુઃ ॥ ઉત્_2.10
એતદ્ રૂપં ભવેત્ તસ્ય લૂતાવિકૃતલક્ષણમ્ ।
ચિકિત્સાં તસ્ય વક્ષ્યામિ યેન સમ્પદ્યતે સુખમ્ ॥ ઉત્_2.11
ઉશીરં ચન્દનં ચૈવ પ્રિયઙ્ગુતગરં તથા ।
રક્તચન્દનકુષ્ઠં ચ લેપો લૂતાવિનાશનઃ ॥ ઉત્_2.12
ઉઓં નમો ભગવતે ઉડ્ડામરેશ્વરાય કુહલીકુર્વની સ્વાહા ।
મન્ત્રાભિમન્ત્રિતં કૃત્વા તતઃ સ્વસ્થો ભવિષ્યતિ ।
કૃષ્ણસર્પશિરો ગ્રાહ્યં મુખે નિઃક્ષિપ્ય સર્ષપાન્ ॥ ઉત્_2.13
ભલ્લાતકેન સંયુક્તં કૃષ્ણસૂત્રેણ વેષ્ટયેત્ ।
વલ્મીકસ્ય મૃદઃ કોશે અન્તર્ધૂમેન પાચયેત્ ॥ ઉત્_2.14
કપિકચ્છપરોમાણિ સંયુક્તં ષોડશાંશકૈઃ ।
વિષસ્ય ચૂર્ણં કૃત્વા તુ શત્રૂણાં મૂર્ધ્નિ નિઃક્ષિપેત્ ॥ ઉત્_2.15
શરદ્ગ્રીષ્મવસન્તેષુ લૂતાકરણમ્ ઉત્તમમ્ ।
પ્રસ્વિન્ને ચ તતો ગાત્રે લગ્નાસ્ તસ્મિંસ્ તુ સર્ષપાઃ ॥ ઉત્_2.16
લૂતાં ચ સવિષાં કુર્યાન્ નાત્ર કાર્યા વિચારણા ।
વેદનાજાતમાત્રેણ મન્ત્રજાપં તુ પૂર્વવત્ ॥ ઉત્_2.17
પૂર્વો વિધાનેન સ્વસ્થો ભવતિ પૂર્વવત્ ।
અથ શસ્યવિનાશં ચ કથયામિ સમાસતઃ ॥ ઉત્_2.18
યેનૈવ કૃતમાત્રેણ વજ્રં કૃત્વા વિચક્ષણઃ ।
ક્ષેત્રે સમ્પાતયેદ્ યસ્મિંસ્ તસ્મિઞ્ શસ્યવિનાશનમ્ ॥ ઉત્_2.19
માહેન્દ્રેણ ક્ષિપેત્ તત્ર પ્રયોગેણ તુ મન્ત્રવિત્ ।
અથ મન્ત્રં પુનર્ વક્ષ્યે પ્રયોગેષુ પ્રયોજકમ્ ॥ ઉત્_2.20
અષ્ટોત્તરશતેનૈવ મન્ત્રેણાનેન મન્ત્રયેત્ ।
ઉઓં નમો ભગવતે ઉડ્ડામરેશ્વરાય વજ્રં વિનાશય વજ્રં સુરપતિર્ આજ્ઞાપય હું ફટ્ સ્વાહા ।

ઇમં યોગં પ્રયુઞ્જાનો વિધિપૂર્વેણ કર્મણા ।
પર્ણાનાં ચૈવ યોગેન ક્ષિપેત્ પર્ણં વિનશ્યતિ ॥ ઉત્_2.21
પુનર્ ઉચ્ચાટનં વક્ષ્યે શૃણુ પુત્ર યથાતથા ।
યેનૈવ કૃતમાત્રેણ ગ્રામસ્યોચ્ચાટનં ભવેત્ ॥ ઉત્_2.22
ગ્રામે ચતુર્ણાં ચ પથાં મૃદમ્ આદાય બુદ્ધિમાન્ ।
ગોમયેનાકૃતિં કૃત્વા ગ્રામસ્ય ચ ચતુર્દિશઃ ॥ ઉત્_2.23
ચિતાકાષ્ઠાનલં કૃત્વા કોકિલાકાકપક્ષકૈઃ ।
હુત્વા ચાહુતિસાહસ્રં તતો ભસ્મ સમાહરેત્ ॥ ઉત્_2.24
અભેદેન સમુત્સાર્ય કૃત્વા મુષ્ટિં સભસ્મકમ્ ।
શતવારાભિજપ્તેન અનેનૈવ તુ મન્ત્રિતઃ ॥ ઉત્_2.25
ઉઓં નમો ભગવતે મહાકાલરુદ્રાય ત્રિપુરવિનાશનકારણાય દહ દહ ધમ ધમ પચ પચ મથ મથ મોહય મોહય ઉન્માદય ઉન્માદય ઉચ્છેદય ઉચ્છેદય શ્રીમહારુદ્ર આજ્ઞાપયતિ શબ્દકરી મોહિની ભગવતી ખેં ખેં હું ફટ્ સ્વાહા ।
ગ્રામે વા નગરે વાપિ ભસ્મપ્રક્ષેપણેન ચ ।
ઉચ્છેદનં ભવત્ય્ એવ રિપૂણાં નાત્ર સંશયઃ ॥ ઉત્_2.26
દૂરીકૃતં પુનર્ ભસ્મ નગરે વસતે પુનઃ ।
કુલ્વીકારં પ્રવક્ષ્યામિ શૃણુ યોગં સમાસતઃ ॥ ઉત્_2.27
યેન યોજિતમાત્રેણ પુનઃ કુલ્વો ભવિષ્યતિ ।
પાદપાંશુસમાયુક્તૈર્ અન્તરા ઘૃતગોમયૈઃ ॥ ઉત્_2.28
વૃષભસ્ય પુનઃ શત્રોઃ કૃત્વા ચૈવાકૃતિં બુધઃ ।
એકવિંશતિવારં હિ મન્ત્રેણાનેન મન્ત્રિતામ્ ॥ ઉત્_2.29
છેદયેત્ તીવ્રશસ્ત્રેણ તતઃ કુલ્વો ભવિષ્યતિ ।
ઉઓં નમો ભગવતે ઉડ્ડામરેશ્વરાય કામપ્રભઞ્જનાય અમુકં ચ્છઃ ચ્છઃ સ્વાહા ।
પ્રસ્થિતાનાં ચ કરણે મન્ત્રેણાનેન મન્ત્રવિત્ ॥ ઉત્_2.30
કૃત્વા મધુ ઘૃતાક્તં ચ સ્થાને હ્ય્ અત્ર પ્રયોજયેત્ ।
સ્નાત્વા ચ ગવ્યદુગ્ધેન તતઃ સ્વસ્થો ભવિષ્યતિ ॥ ઉત્_2.31
અથ ઉન્મત્તીકરણમ્ ।
મૂલં કનકબીજસ્ય ઘૃતચૂર્ણં સમન્તતઃ ।
ગૃહચટકસ્ય વિષ્ટા ચ તથા કરઞ્જબીજકમ્ ॥ ઉત્_2.32
એતદ્ ઉન્મત્તકરં ચૂર્ણં ભક્ષણાત્ તત્કરં વ્રજેત્ ।
એકવિંશતિવારં ચ મન્ત્રેણાનેન મન્ત્રિતમ્ ॥ ઉત્_2.33
ખાને પાને પ્રદાતવ્યમ્ ઉન્મત્તઃ સ્યાન્ ન સંશયઃ ।
ઉઓં નમો ભગવતે ઉડ્ડામરેશ્વરાય અમુકમ્ ઉન્માદય ઉન્માદય ચ્છઃ ચ્છઃ સ્વાહા ।
અજક્ષીરેણ શોણિતેન પિબેત્ તુ શતપુષ્પિકામ્ ॥ ઉત્_2.34
ઘૃતેન સહ વા પીત્વા તતઃ સમ્પદ્યતે સુખમ્ ।
ઇત્ય્ ઉન્મત્તીકરણમ્ ।
એકવિંશતિવારં હિ મન્ત્રિતં લવણં ખરમ્ ॥ ઉત્_2.35
કરવીરકકાષ્ઠાગ્નૌ મન્ત્રૈર્ ધૂમેન પાચયેત્ ।
લવણં તન્તુ સંગૃહ્ય ચૂર્ણં કૃત્વા વિચક્ષણઃ ॥ ઉત્_2.36
ખાને પાને પ્રદાતવ્યં મન્ત્રેણાનેન મન્ત્રિતમ્ ।
મન્ત્રિતં શતવારં ચ શત્રોર્ વા યસ્ય કસ્યચિત્ ॥ ઉત્_2.37
ભક્ષણાચ્ ચ ભવેદ્ અન્ધો નાત્ર કાર્યા વિચારણા ।

ઉઓં નમ ઉડ્ડામરેશ્વરાય શરીરમ્ અન્ધં કુરુ ઠઃ ઠઃ સ્વાહા ।
અથાન્યત્ સમ્પ્રવક્ષ્યામિ કુષ્ઠીકરણમ્ ઉત્તમમ્ ॥ ઉત્_2.38
યેન સમ્પીતમાત્રેણ કુષ્ઠી ભવતિ માનવઃ ।
ભલ્લાતકરસં ગુઞ્જા તથા મણ્ડલકારિકા ॥ ઉત્_2.39
ગૃહગોધાસમાયુક્તા ભક્ષે પાને પ્રદાપયેત્ ।
સપ્તાહાજ્ જાયતે કુષ્ઠં તત્પીતં ચ સમેધિતમ્ ॥ ઉત્_2.40
એતસ્ય શમનં કુર્યાદ્ યથા રુદ્રેણ ભાષિતમ્ ।
ધત્રીખદિરનિમ્બાનિ શર્કરાસહિતાનિ ચ ॥ ઉત્_2.41
વિચૂર્ણ્ય મધુસર્પિર્ભ્યાં જીર્ણાનિ દાપયેદ્ ભિષક્ ।
શાલિભક્તં પટોલં ચ ઘૃતયુક્તં તુ પાયસમ્ ॥ ઉત્_2.42
સોષ્ણં વા મુદ્ગચૂર્ણં તુ શાલિયુક્તમ્ અથાપિ વા ।
એતેન દત્તમાત્રેણ નરઃ સમ્પદ્યતે સુખમ્ ॥ ઉત્_2.43
જલજીવં તુ સંગૃહ્ય શોષયેદ્ આતપે નરઃ ।
તસ્ય સંદાપયેદ્ ધીમાન્ યસ્ય ઇચ્છેત્ તુ જીવિતમ્ ॥ ઉત્_2.44
અઙ્ગદાહેન તીવ્રેણ ધમેત્ તં નષ્ટચેતસમ્ ।
યદીચ્છેજ્ જીવિતં તસ્ય અઙ્ગં પ્રક્ષાલયેદ્ ધ્રુવમ્ ॥ ઉત્_2.45
પદમૂલસ્ય ચૂર્ણં તુ ક્ષાલયેત્ કાઞ્જિકેન તુ ।
તૈલેનોદ્વર્તયેલ્ લિઙ્ગં ક્ષાલયેત્ શીતવારિણા ॥ ઉત્_2.46
અનેન ક્રિયમાણેન નરઃ સમ્પદ્યતે સુખમ્ ।
અથાન્યત્ સમ્પ્રવક્ષ્યામિ વશ્યાદિકરણં પરમ્ ॥ ઉત્_2.47
યેન વિજ્ઞાનમાત્રેણ લોકો ભવતિ કિંકરઃ ।
પુરાણિકસ્ય હૃદયં તથા કુષ્ઠેન ભાવિતમ્ ॥ ઉત્_2.48
શિવનિર્માલ્યં સંચૂર્ણં યસ્ય મૂર્ધ્નિ વિનિક્ષિપેત્ ।
નિયતં કિંકરો ભૂત્વા યાવજ્ જીવં સ તિષ્ઠતિ ॥ ઉત્_2.49
સપ્તવારં મન્ત્રયિત્વા મન્ત્રેણાનેન મન્ત્રવિત્ ।
ઉઓં નમો ભગવતે ઉડ્ડામરેશ્વરાય સ્વાધિકારં સાધય સાધય સ્વાહા ।
ચન્દનં તગરં કુષ્ઠં પ્રિયઙ્ગુનાગકેસરમ્ ॥ ઉત્_2.50
કૃષ્ણધત્તૂરપઞ્ચાઙ્ગં સમભાગં તુ કારયેત્ ।
છાયાયાં વટિકા કાર્યા પ્રદેયા ખાનપાનતઃ ॥ ઉત્_2.51
પુરુષં ચાથ વા નરીં યાવજ્ જીવં વશં નયેત્ ।
સપ્તાહં મન્ત્રિતં કૃત્વા મન્ત્રેણાનેન મન્ત્રવિત્ ॥ ઉત્_2.52
ઉઓં નમો ભગવતે મોહમાલિને ઠઃ ઠઃ સ્વાહા ।
શઙ્ખપુષ્પી હ્ય્ અધઃપુષ્પી તથા સંકોચપુષ્પિકા ।
શ્વેતા ચ ગિરિકર્ણી ચ સમં સપ્તાહભાવિતાઃ ॥ ઉત્_2.53
સ્વશુક્રેણ સમાયુક્તા ખાને પાને પ્રદાપયેત્ ।
તં વશીકરણં પ્રોક્તં યાવજ્ જીવં ન સંશયઃ ॥ ઉત્_2.54
વજ્રં વાથાભયા લોધ્રં મઞ્જિષ્ઠા હિઙ્ગુપત્ત્રિકા ।
દિવ્યં વચા વિશાલાક્ષા કમ્બુગ્રીવા સુશોભના ॥ ઉત્_2.55
કુમારીત્વચાઙ્ગલેપેન સપ્તહસ્તપ્રમાણતઃ ।
દદાતિ દશમીના ચ મન્ત્રઃ કશ્ચિત્ પ્રગૃહ્યતે ॥ ઉત્_2.56

વિષસુપ્તપતિત્વેન નાત્ર કાર્યા વિચારણા ।
જલમધ્યે સહા ચૌરં કુરુતે વર્તિકો મમ ॥ ઉત્_2.57
દધિ મધુ નવનીતં પિપ્પલી શૃઙ્ગવેરં મરિચમ્ અપિ તુ દદ્યાત્ સપ્તમં સૈન્ધવેન ।
યદિ ભવતિ સરોષં તક્ષકેણાપિ દષ્ટં ગદમ્ ઇહ ખલુ પીત્વા નિર્વિષં તત્ક્ષણં સ્યાત્ ॥ ઉત્_2.58
કુષ્ઠામૃતા ચાતિવિષા હરિદ્રાયા વિલેપનમ્ ।
ગરુડોક્તં વિષહરમ્ ઔષધં પ્રાણિજીવનમ્ ॥ ઉત્_2.59
ઉલૂકસ્ય જમ્બુકસ્ય ગૃધ્રસ્ય મહિષસ્ય ચ ।
બિડાલસ્ય વરાહસ્ય કાકભેકસ્ય ચ ત્વચઃ ॥ ઉત્_2.60
મૂષકસ્ય તુ નેત્રં ચ સૂક્ષ્મચૂર્ણાનિ કારયેત્ ।
અનેનાઞ્જિતનેત્રો હિ રાત્રૌ પશ્યેદ્ યથા દિવા ॥ ઉત્_2.61
એતેષાં યોગમન્ત્રો ઽયં મનુહીનો ન સિધ્યતિ ।
ઉઓં નમો ભગવતે રુદ્રાય શિવાય જ્યોતિષાં પતયે દેહિ જ્યોતીંષિ મતિવીર્યકરણાય સ્વાહા ।
એકરાત્રોષિતો ભૂત્વા કૃષ્ણાષ્ટમ્યાં સમાહિતઃ ॥ ઉત્_2.62
લિઙ્ગસમ્પૂજનં કૃત્વા જલં ચૈવાભિમન્ત્રયેત્ ।
દક્ષિણસ્યાં દિશિ સ્થિત્વા શતમ્ અષ્ટોત્તરં જપેત્ ॥ ઉત્_2.63
તતઃ સિધ્યન્તિ મન્ત્રાણિ ચાઞ્જનાનિ સમન્તતઃ ।
ઉઓં નમો ભગવતે ઉડ્ડામરેશ્વરાય અઞ્જનમન્ત્રસિદ્ધિં દેહિ મે સ્વાહા ઇત્ય્ અઞ્જનાધિકારઃ ।
અથ પિશાચીકરણમ્ ।
કનકસ્ય ચ બીજાનિ પ્રિયઙ્ગુ ગુગ્ગુલસ્ તથા ॥ ઉત્_2.64
આત્માનં ધૂપયિત્વા તુ યોજયેદ્ રાજસંસદિ ।
યોગમ્ ઇમં સમાઘ્રાતિ સ વશ્યો જાયતે ભૃશમ્ ॥ ઉત્_2.65
કનકસ્ય તુ બીજાનિ શ્વેતાર્કચન્દ્રકેસરમ્ ।
કુષ્ઠં ચ દેવદારું ચ સર્વમ્ એકીકૃતં તથા ॥ ઉત્_2.66
પિષ્ટ્વા તેન લિપ્તગાત્રો યોગશક્ત્યા બલિષ્ઠયા ।
યત્ર યત્ર પ્રવિષ્ટસ્ તુ તત્ર તત્ર જયી ભવેત્ ॥ ઉત્_2.67
ઉડ્ડામરેશ્વરતન્ત્ર, તૃતીયઃ પટલઃ
કાકસ્ય પક્ષૌ સંગૃહ્ય સર્પકઞ્ચુકમ્ એવ ચ ।
શ્મશાનભસ્મસંયુક્તં શત્રોર્ ઉચ્ચાટનં ભવેત્ ॥ ઉત્_3.1
ઇત્ય્ ઉચ્ચાટનાધિકારઃ ।
ભૂતવાદં પ્રવક્ષ્યામિ યથા ગરુડભાષિતમ્ ।
યેનૈવ જ્ઞાતમાત્રેણ શત્રવો યાન્તિ વશ્યતામ્ ॥ ઉત્_3.2
શત્રુનિર્યાસં સંગૃહ્ય ચૂર્ણં સત્ત્વં ચ તસ્ય વૈ ।
ભાવયેત્ સપ્તરાત્રં તુ ભોજનૈઃ સહ દાપયેત્ ॥ ઉત્_3.3
દત્તમાત્રેણ તેનૈવ પિશાચૈર્ ગૃહ્યતે તુ સઃ ।
સ્વસ્થીકારે પ્રદાતવ્યા જયા તુ મધુયષ્ટિકા ॥ ઉત્_3.4
નિર્યાસૈઃ શાલસમ્ભૂતૈર્ બીજાનિ કતકસ્ય ચ ।
ભાવયેત્ સપ્તરાત્રં તુ ભોજનૈઃ સહ દીયતે ॥ ઉત્_3.5
તસ્ય ભક્ષણમાત્રેણ ગ્રહૈઃ સંગૃહ્યતે નરઃ ।
શર્કરાદુગ્ધપાનેન સ્વસ્થો ભવતિ નાન્યથા ॥ ઉત્_3.6
વાસ્તુકસ્ય તુ નિર્યાસં બીજાનિ કતકસ્ય ચ ।

મર્દિત્વા યાતયામાભ્યાં ગૃહ્યતે બ્રહ્મરાક્ષસૈઃ ॥ ઉત્_3.7
શર્કરાદુગ્ધપાનેન સ્વસ્થો ભવતિ નાન્યથા ।
કપિકચ્છુકનિર્યાસૈર્ માતુલુઙ્ગસ્ય બીજકમ્ ॥ ઉત્_3.8
ભાવયેત્ સપ્તરાત્રં તુ ભક્ષ્યે પાને પ્રદાપયેત્ ।
ઉઓં નમો ભગવતે ઉડ્ડામરેશ્વરાય મહેશ્વરો નામ સ્વાહા ।
આમલક્યાશ્ ચ ચૂર્ણેન સ્ત્રીદુગ્ધસહિતેન ચ ॥ ઉત્_3.9
પાયયિત્વા વિષ્કૃતં તુ સ્વાસ્થ્યં સંજાયતે ધ્રુવમ્ ।
શર્કરાપદ્મકિઞ્જલ્કપદ્મકેસરકલ્કકૈઃ ॥ ઉત્_3.10
ચૂર્ણીકૃતૈસ્ તચ્ ચૂર્ણં તુ દુગ્ધેન સહ દાપયેત્ ।
તદા દુષ્ટગ્રહૈર્ મુક્તઃ સ્વસ્થશ્ ચ જાયતે નરઃ ॥ ઉત્_3.11
ઉડ્ડામરેશ્વરતન્ત્ર, ચતુર્થઃ પટલઃ
અથાતઃ સમ્પ્રવક્ષ્યામિ ભૂતવાદે સુદુર્લભમ્ ।
યેન વિજ્ઞાનમાત્રેણ સર્વસિદ્ધિઃ પ્રજાયતે ॥ ઉત્_4.1
ઉઓં હ્રીં કાલી કઙ્કાલી કિલ કિલ સ્વાહા ।
ઇદં મન્ત્રં પૂર્વં સહસ્રદશકં જપેત્ ।
તતઃ સહસ્રં જુહુયાત્ કઙ્કાલી વરદા ભવતિ સુવર્ણમાષચતુષ્ટયં પ્રત્યહં દદાતિ ।
અથ સર્વજનમુખસ્તમ્ભનમ્ અન્તઃ ઉઓં હ્રીં નમો ભગવતી દુર્વચતી કિલિ વાચાભઞ્જની સર્વજનમુખસ્તમ્ભિની હ્રાં હ્રીં હ્રૈં હ્રૌં હ્રઃ સ્વાહા ।
અનેન મન્ત્રેણ બિલ્વમરિચં ઘૃતાક્તં સહસ્રહવનં કુર્યાત્ સમસ્તજનપદાઃ કિંકરા ભવન્તિ ।
એતન્મન્ત્રેણ યદિ ન્યગ્રોધસમિધં ઘૃતાક્તાં સહસ્રૈકં હોમયેત્ તદા સ્ત્રીવશ્યં ભવતિ ।
ઉઓં રૌં હ્રીં હૂં હૂં એં વદ વદ વાગ્વાદિની વાગીશ્વરી નમઃ સ્વાહા ।
અનેન મન્ત્રેણ સહસ્રજપ્તેન કવિત્વં કરોતિ નાત્ર સંદેહઃ ।
ઉઓં ઉઓં ઉઓં ઈં ઈં ઈં ઐં ઐં ઐં નમઃ સ્વાહા ।
અનેન મન્ત્રેણ દશસહસ્રજપ્તેન કવિત્વં કરોતિ ॥ ઉત્_4.2
ઉડ્ડામરેશ્વરતન્ત્ર, પઞ્ચમઃ પટલઃ
શૃણુ પુત્ર પ્રવક્ષ્યામિ યથા ત્રૈલોક્યમોહનમ્ ।
પરપુરુષા વશં યાન્તિ યથાવત્ કથયામિ તે ॥ ઉત્_5.1
એલા કુષ્ઠં ચ લોધ્રં ચ વચા ચ રક્તચન્દનમ્ ।
શ્મશાનભસ્મસંયુક્તં પ્રયોગં મારણાન્તકમ્ ॥ ઉત્_5.2
મારણં સંકોચકરણમ્ ।
કુલત્થં બિલ્વપત્ત્રં ચ રોચના ચ મનઃશિલા ।
એતાનિ સમભાગાનિ સ્થાપયેત્ તામ્રભાજને ॥ ઉત્_5.3
સપ્તરાત્રે સ્થિતે પાત્રે તૈલમ્ એભિઃ પચેદ્ બુધઃ ।
તૈલેન ભગમ્ આલિપ્ય ભર્તારમ્ ઉપગચ્છતિ ॥ ઉત્_5.4
સમ્પ્રાપ્ય મૈથુનં ભર્તા દાસો ભવતિ નાન્યથા ।
નાગરૈઃ મધુસંયુક્તૈર્ ગુટિકાં કારયેદ્ બુધઃ ॥ ઉત્_5.5
અશ્વમૂત્રેણ સંયુજ્ય પુરુષાણાં વશંકરમ્ ।
કુઙ્કુમં શતપુષ્પં ચ પ્રિયઙ્ગુ રોચનં તતઃ ॥ ઉત્_5.6
અજાક્ષીરેણ દાતવ્યં યા ભાર્યા દુર્ભગા ભવેત્ ।
તતઃ સા સુભગા નિત્યં પતિદાસત્વમ્ આપ્નુયાત્ ॥ ઉત્_5.7
માતુલુઙ્ગસ્ય બીજાનિ પઙ્કજસ્ય ફલાનિ ચ ।

સમુદ્રજં રક્તચૂર્ણં મધુના સહ લેપયેત્ ॥ ઉત્_5.8
તૈલયોજિતમાત્રેણ પતિર્ દાસો ભવેદ્ ધ્રુવમ્ ।
અધુના સમ્પ્રવક્ષ્યામિ યોગાનાં સારમ્ ઉત્તમમ્ ॥ ઉત્_5.9
યેન વિજ્ઞાતમાત્રેણ નરી ભવતિ કિંકરી ।
ઉશીરં ચન્દનં ચૈવ મધુના સહ સંયુતમ્ ॥ ઉત્_5.10
ગજહસ્તપ્રયોગો ઽયં સર્વનરીપ્રયોજકઃ ।
કેવલં શશિના યુક્તં કુઙ્કુમં લેપયેદ્ ભગે ॥ ઉત્_5.11
નિજવજ્ જાયતે સાઙ્ગં જાયતે યોનિસંચયમ્ ।
લવંગં સૈન્ધવં ક્ષૌદ્રં પિપ્પલી મરિચાનિ ચ ॥ ઉત્_5.12
નરસ્ય લેપયેદ્ ગાત્રં સ ભવેદ્ ગજહસ્તવત્ ।
વરટાવેશ્મસમ્બાનં શીતતોયેન પેષયેત્ ॥ ઉત્_5.13
તેનૈવ લિપ્તમાત્રેણ ભગે રન્ધ્રો ન જાયતે ।
તત્ર પ્રક્ષાલિતેનાથ પ્રસવત્વં ભવિષ્યતિ ॥ ઉત્_5.14
યઃ સ્વરેતઃ સમાદાય રત્યન્તે સવ્યપાણિના ।
વામપાદં સ્ત્રિયો લિમ્પેત્ સા તસ્ય વશગા ભવેત્ ॥ ઉત્_5.15
યા ભોગશેષે કાન્તસ્ય લિઙ્ગં વામાઙ્ઘ્રિણા સ્પૃશેત્ ।
યાવદ્ આયુર્ ભવેદ્ દાસઃ સ તસ્યા નાત્ર સંશયઃ ॥ ઉત્_5.16
કપોતવિષ્ઠા સિન્ધૂત્થમધુકૈઃ સમભાગિકૈઃ ।
લિપ્ત્વા લિઙ્ગં ભજેદ્ યાં તુ સા વશ્યા સ્યાદ્ વરાઙ્ગના ॥ ઉત્_5.17
ઘનસારં સતલ્લવ્યં મેઢ્રં ચ મધુના સહ ।
પિષ્ટ્વા લિપ્ત્વા રજો યાં ચ ભજેત્ સા વશ્યગા ભવેત્ ॥ ઉત્_5.18
રોચના કનકં શમ્ભુબીજં કર્પૂરચન્દનમ્ ।
એભિર્ વિલિપ્તલિઙ્ગો યાં ભજતે સા વશા ભવેત્ ॥ ઉત્_5.19
ઉડ્ડામરેશ્વરતન્ત્ર, ષષ્ઠઃ પટલઃ
કૃષ્ણચ્છાગરોમકૃષ્ણમાર્જારરોમકૃષ્ણકાકરોમાણિ કૃષ્ણાષ્ટમ્યાં કૃષ્ણચતુર્દશ્યાં વા શનિભૌમયોર્ વારે ઽશ્લેષાનક્ષત્રે આર્દ્રાનક્ષત્રે વા સમભાગાનિ કૃત્વા કૂપતડાગનદીપયસા પેષયિત્વા ગુટિકાં કૃત્વા સંગ્રામે ચોપવિશેત્ ।
રણપાંશુના તિલકં કુર્યાત્ ।
અથાનન્તરં યે ઽન્યે પુરુષા દર્શનં કુર્વન્તિ તે કમ્પયન્તિ મૂર્છયન્તિ ઉત્પતન્તિ પલાયન્તે ।
યે પિષ્ટ્વા લેપં કુર્વન્તિ તેષાં શુચિ કાપિ પતતિ ન મુઞ્ચતિ ।
એષ યોગો મયા પ્રોક્તો દેવાનામ્ અપિ દુર્લભઃ ।
નિવેદનીયઃ કસ્યાપિ ન કદાચિદ્ ઇતિ બ્રુવે ॥ ઉત્_6.1
અથાતઃ સમ્પ્રવક્ષ્યામિ શરીરજ્ઞાનમ્ ઉત્તમમ્ ।
યેન વિજ્ઞાનમાત્રેણ જાયતે ચ શુભાશુભમ્ ॥ ઉત્_6.2
જીવિતં મરણં ચૈવ લાભાલાભં જયાજયમ્ ।
સુખદુઃખં ભવાભાવૌ ગમનાગમનં તથા ॥ ઉત્_6.3
હિમાલયસુતા વૈ હિ પૃષ્ટવતી વૃષધ્વજમ્ ।
અથ પૃથિવ્યપ્તેજોવાય્વાકાશાનિ તત્ત્વાનિ તત્ર ગુરોર્ બૃહત્પ્રસાદેન શાસ્ત્રાણિ ચ યેન યોગેનાતીતેન ત્રૈલોક્યં સચરાચરં જાતમ્ એવ ।
યેષાં સમયોગાનિ સ્થૂલસૂક્ષ્માણિ કથ્યન્તે ।
સ ચ સમ્પ્રેત્ય ચેષ્ટાયાં લક્ષ્યતે તસ્યાઃ કિં નામ તસ્ય ચ કા જિજ્ઞાસા યથાપદ્ ઉચ્યતે ચાહુસ્ તતઃ પઞ્ચતત્ત્વાનિ પઠ્યન્તે ।
સમ્પ્રતિ દૂતો યદ્ આગત્ય વદતિ તસ્ય વાગ્ ઉદેતિ પઞ્ચતત્ત્વાક્ષરાણિ જ્ઞાત્વા યસ્ય તત્ત્વાક્ષરસ્ય વક્ત્રે તત્ત્વાક્ષરાણિ ભવન્તિ પ્રશ્નચિન્તાયાં સ તત્ત્વં જપતિ ।
યદિ પ્રશ્નચિન્તાયાં પૃથિવીતત્ત્વાક્ષરાણિ ભવન્તિ તદા પૃથ્વીતત્ત્વં ભવતિ ।

યદ્ય્ એષામ્ અધિકા ભવન્તિ તદા પાનીયતત્ત્વાનિ ભવન્તિ તત્ત્વાક્ષરાણીત્ય્ અર્થઃ ।
અઆઇઈઉઊઋૠઌૡ એતાનિ પૃથ્વીતત્ત્વાક્ષરાણિ ।
એઐઓઔઅંઅઃ એતાનિ જલતત્ત્વાક્ષરાણિ ।
કખગઘઙચછજઝઞ એતાનિ તેજસ્તત્ત્વાક્ષરાણિ ।
ટઠડઢણતથદધનપફબભમ એતાનિ વાયુતત્ત્વાક્ષરાણિ ।
યરલવશષસહ તાન્ય્ આકાશતત્ત્વાક્ષરાણિ ।
એતાનિ વર્ધિતવાક્યેનાધિકાક્ષરાણિ ભવન્તિ ।
વિવિધપ્રકારચિન્તાઃ સમવિષમાક્ષરાણિ પૃથ્વીતત્ત્વાનિ જ્ઞાતવ્યાનીતિ ।
જીવિતમરણલાભાલાભજયપરાજયસુખદુઃખગમનાગમનાનિ ચ યાનિ સમાનિ વિષમાણિ અપ્તત્ત્વાનિ નિર્વાચિતવ્યાનિ ।
યદા ચિત્તં ભવતિ કૃતસ્ય વાક્યવિષયે પૃથિવીવિષયે તદા સલિલતત્ત્વાક્ષરાણિ ભવન્તિ તદા સ જપ્તં જપતિ ।
અપ્ચિન્તાયાં યદા પૃથિવીતત્ત્વાક્ષરાણિ ભવન્તિ તદા પૃથ્વીતત્ત્વં ભવતિ ।
એવમ્ અન્યેષ્વ્ અપિ બોદ્ધવ્યમ્ ।
અક્ષરાણિ યેન કથયતિ ।
લાભચિન્તાયાં તેજાકાશાક્ષરાણિ અધિકાનિ ભવન્તિ તદા તે ઽશુભો ઽધિકતરો ભવિતા ।
યદા દેશાત્ તત્ત્વાદ્ વા ગમનાદિકં તેજસઃ ગ્રામચલિતે સંગ્રામગમને અહેતુ અકે ડકે તૈજસાક્ષરાણ્ય્ અધિકાનિ ભવન્તિ ।
પૃથિવ્યપ્તેજોવાય્વાકાશા એતેષામ્ અક્ષરાણિ વિવાહકાલે એતેષુ તેજોઽક્ષરાણિ શુભહારકાણિ ભવન્તિ ॥ ઉત્_6.4
ઉડ્ડામરેશ્વરતન્ત્ર, સપ્તમઃ પટલઃ
અથૌષધીકરણં નિરૂપ્યતે ।
ઓષધી પરમા શ્રેષ્ઠા ગોપિતવ્યા પ્રયત્નતઃ ।
યસ્યાઃ પ્રયોગમાત્રેણ દેવતા યાન્તિ વશ્યતામ્ ॥ ઉત્_7.1
ઓષધી સા બુધૈઃ પ્રોક્તા ચાણ્ડાલી લોકવિશ્રુતા ।
સુરાસુરગણૈઃ પૂજ્યા સર્વકાર્યાર્થસાધિની ॥ ઉત્_7.2
એકપત્ત્રી દ્વિપત્ત્રી ચ ત્રિપત્ત્રી તુર્યપત્ત્રિકા ।
અનેન વિધિના દેવિ ચતુશ્ચરણગામિની ॥ ઉત્_7.3
માનુષાણાં વિશેષેણ વશ્યકર્મણિ યોજિતા ।
એકપત્ત્રી તુ સ્વાઙ્ગમલસંયુક્તા સ્ત્રિયં વશમ્ આનયતિ દ્વિપત્ત્રી રાજ્ઞો રાજપુરુષાન્ ।
ત્રિપત્ત્રી શ્રીશાકમરિચસહિતા દુષ્ટાં ચમૂં વશમ્ આનયતિ ચતુષ્પત્ત્રી ચ કન્દુસહિતા મત્તદુષ્ટગજં વશમ્ આનયતિ ।
અથોત્પાટનવિધિઃ કથ્યતે શનિવારે શુચિર્ ભૂત્વા સાયં સંધ્યાદિકં વિધાય ગન્ધપુષ્પધૂપદીપનૈવેદ્યાદિભિઃ પઞ્ચોપચારૈઃ પૂજાદિકં વિધાય અક્ષતં ફલં હસ્તે ગૃહીત્વા ઓષધિસમીપે સ્થિત્વાભિમન્ત્રણં કુર્યાત્ ।
તતો ઽનુદિતે ભાનૌ ખદિરકાષ્ઠકલિકેન ખનયેત્ ।
તત્ર મન્ત્રઃ યેન ત્વાં ખનતે બ્રહ્મા હૃષીકેશો મહેશ્વરઃ ।
શચીપતિઃ પિતૃપતિર્ જલેશશ્ ચ ધનાધિપઃ ।
તેન ત્વાં ખનયિષ્યામિ તિષ્ઠ તિષ્ઠ મહૌષધિ ।
ઇતિ પઠિત્વા ખનયેત્ ।
શુચિર્ આરભ્ય એકાન્તે પ્રભાતે મન્ત્રમુક્તિતઃ ॥ ઉત્_7.4
સંગ્રાહ્યમ્ ઔષધં સિદ્ધ્યૈ ન ભવન્તિ હિ કાષ્ઠવત્ ।
નમો ઽસ્ત્વ્ અમૃતસમ્ભૂતે બલવીર્યવિવર્ધિનિ ॥ ઉત્_7.5
બલમ્ આયુશ્ ચ મે દેહિ પાપં મે નય દૂરતઃ ।
યેન ચાનેન મન્ત્રેણ ખનિત્વોત્પાટ્યમાનં કૃત્વા યઃ પૂર્વમ્ આનીતો યો ઽન્યથા ભવેત્ ।
અત્રૈવ તિષ્ઠ કલ્યાણિ મમ કાર્શ્યકરી ભવ ॥ ઉત્_7.6
મમ કાર્યે કૃતે સિદ્ધે ઇતસ્ ત્વં હિ ગમિષ્યસિ ।

ઉઓં હીં રક્તચામુણ્ડે હૂં ફટ્ સ્વાહા ।
અનેન મન્ત્રેણ પુષ્યર્ક્ષે હસ્તર્ક્ષે વા નક્ષત્રે સર્વાશ્ ચૌષધ્ય ઉત્પાટનીયા યૈર્ નરૈશ્ ચ ઉદિતે ભાનૌ ઓષધ્યઃ ખન્યન્તે ઉત્પાટ્યન્તે ઉત્પદ્યન્તે વા તાસાં રવિકિરણપીતપ્રભાવેનાવીર્યપ્રભાવો ભવતિ ।
સિદ્ધિકારિકા ન ભવન્તિ ।
યદ્ય્ ઉદિતે ભાસ્કરે ઉત્પાટ્યન્તે તદા તાસાં પૂજા કર્તવ્યા ।
જપારક્તોત્પલરક્તકરવીરરક્તચન્દનકુઙ્કુમેન ગવ્યગોમયેન સપાદહસ્તભૂમિં સંલિપ્ય તન્મધ્યે ચતુરસ્રં કારયેત્ ।
રક્તચન્દનકુઙ્કુમાભ્યાં તન્મધ્યે વર્તુલં વિતસ્તિમાત્રં ભાનું પૂજયેત્ ।
પાર્શ્વે ચન્દ્રાદિગ્રહાન્ પૂજયેત્ ।
તતો રક્તભક્તપુષ્પરક્તૈર્ વક્ષ્યમાણમન્ત્રેણ બલિં દદ્યાત્ ।
ઉઓં દ્રાં દ્રીં દ્રૂં દ્રૈં દ્રૌં દ્રઃ સઃ સ્વાહા ।
અનેન મન્ત્રેણ પૂજાં કૃત્વોત્પાટયેદ્ વીર્યયુક્તા ભવતિ સર્વકાર્યક્ષમા ભવતિ ॥ ઉત્_7.7
ઉડ્ડામરેશ્વરતન્ત્ર, અષ્ટમઃ પટલઃ
અથાન્યત્ સમ્પ્રવક્ષ્યામિ નારીણાં ગર્ભધારણમ્ ।
પદ્મબીજં ગવ્યપયસા સહ યા નરી પિબતિ સા ગર્ભવતી ભવતિ સત્યમ્ એવ આદિત્યવારે નિમન્ત્રયેત્ ચન્દ્રવારે ભક્ષયેત્ ।
પૂર્વદિગ્ભાગસ્થિતં શરીષમૂલં ગવ્યઘૃતેન સહ ઋતુસમયે ભક્ષયેત્ સા સંવત્સરેણ ગર્ભવતી ભવતિ ।
અનપત્યા ચ યા નરી કપિત્થં ભક્ષયેત્ સદા ।
અભિમન્ત્ર્ય તુ મન્ત્રેણ સાપિ પુત્રવતી ભવેત્ ॥ ઉત્_8.1
એકવૃક્ષતટે નારી સ્નાનં કૃત્વાભિમન્ત્રયેત્ ।
આદિવન્ધ્યાપિ દેવેશિ ભવેદ્ ગર્ભવતી હિ સા ॥ ઉત્_8.2
દેવઃ શિવો ભવેદ્ યત્ર નદીસઙ્ગમ્ અસંનિધૌ ।
તસ્યાં નદ્યાં દિશિ સ્વાહા વન્ધ્યા પુત્રવતી ભવેત્ ॥ ઉત્_8.3
વિધિર્ અત્રોચ્યતે કપિલાગોમયેનાથ ભૂમિં સંલિપ્ય યત્નતઃ ।
સ્નાત્વા વિધિપ્રકારેણ મણ્ડલં કારયેત્ તતઃ ॥ ઉત્_8.4
ચતુરસ્રં ચતુષ્કોણં તન્મધ્યે વર્તુલં સ્મૃતમ્ ।
તન્મધ્યે વિલિખેત્ પશ્ચાદ્ અષ્ટપત્ત્રં સકર્ણિકમ્ ॥ ઉત્_8.5
મધ્યે તુ પૂજયેદ્ દેવં પત્ત્રે શક્તિં પ્રપૂજયેત્ ।
નિર્વ્રણમણ્ડલસ્યાગ્રે કમલં સ્થાપયેદ્ બુધઃ ॥ ઉત્_8.6
શિખિપત્ત્રનખવર્ણેન લિખેત્ ।
ભૃઙ્ગતા કુલસપ્તપર્વતમૃત્તિકા [... ઔ5 zએઇછેન્ઝ્] સ્વમલામૃત્તિકાવલ્મીકમૃત્તિકાનિમ્બમૂલમૃત્તિકા સુવર્ણરજતતામ્રકાંસ્યસહસ્રમૂલસર્વતીર્થાનિ સમુદ્રાઃ સરિતઃ સર્વાઃ સર્વૌષધયઃ સર્વદેવતાઃ સર્વસિદ્ધયઃ સર્વયોગિન્યઃ સર્વે ગિરયઃ સર્વે નાગાઃ પઞ્ચજાત્યાનિ ફલાનિ પઞ્ચપ્રકારાક્ષતાનિ પઞ્ચ સુવર્ણપુષ્પાણિ સ્થિરચિત્તેન મન્ત્રિતકલશે પરિકલ્પયેત્ ।
અથ મન્ત્રઃ ક્ષં ક્ષીં ક્ષૂં ક્ષૈં ક્ષૌં ક્ષઃ ।
અનેન મન્ત્રેણ યા નરી વિધાનેન નિરતવર્જિતા અબ્રહ્મચારિણી દેવી વન્ધ્યા પઞ્ચપતિવર્જિતા ।
અપુત્રા લભતે પુત્રાન્ દુર્ભગા સુભગા ભવેત્ ।
અનેનૈવ વિધાનેન કન્યા પ્રાપ્નોતિ સત્પતિમ્ ॥ ઉત્_8.7
મન્ત્રૌષધીપ્રયોગાશ્ ચ યે ચાન્યે ચૂર્ણકીર્ણકાઃ ।
નવાભિચારિતાઃ કૂરાઃ શુદ્ધદેહા ભવન્તિ તે ॥ ઉત્_8.8
યે ચાન્યે વિઘ્નકર્તારશ્ ચરન્તિ ભુવિ રાક્ષસાઃ ।
તે સર્વે પ્રલયં યાન્તિ સત્યં દેવિ મયોદિતમ્ ॥ ઉત્_8.9
સકૃદ્ ઉચ્ચરિતે મન્ત્રે મહાપુણ્યં પ્રજાયતે ।
બ્રહ્મહત્યાદયો દોષાઃ ક્ષયં યાન્તિ ન સંશયઃ ॥ ઉત્_8.10
અથ પ્રથમોપાય ઉચ્યતે નાગકેસર 10 માષકં ગવ્યઘૃતેન સહર્તુસ્નાનદિવસે પિબેત્ ।
તદનન્તરં ભર્ત્રા સહ રાત્રૌ સંયોગં કુર્યાત્ ।

સા અવશ્યમ્ એવ ગર્ભવતી ભવતિ ।
અથ દ્વિતીયોપાયઃ શ્વેતજીરકમ્ 17 માષમાત્રકં રાત્રૌ મૃન્મયપાત્રે જલેન સહ નિરાવરણસ્થાને સમગ્રરાત્રૌ સ્થાપયેત્ ।
અગ્નિમદિવસે શિલાયાં પિષ્ટ્વા પર્યુષિતજલેન યા સ્ત્રી ઋતુસ્નાનદિને પીત્વા રાત્રૌ ભર્ત્રા સહ સંયોગં કુર્યાદ્ અવશ્યં સા ગર્ભવતી ભવતિ ।
અથ તૃતીયોપાય દકાલ્વદ્મદીપિ 10 માષકં ગવ્યદુગ્ધેન સહ યા ઋતુસ્નાનદિવસે પીત્વા રાત્રૌ ભર્ત્રા સહ સંયોગં કુર્યાત્ સા અવશ્યમ્ એવ ગર્ભવતી ભવતિ ।
ઇતિ તૃતીયોપાયઃ ।
ઉઓં ઘણ્ટાકર્ણાય સ્વાહા ઇમં સપ્તધા જપ્ત્વા ગ્રામે નગરે વા પ્રવિશેત્ તત્ર વિશિષ્ટં ભોજનં પ્રાપ્નોતિ ।
અન્યચ્ ચ ભો અલ્લ મે સિદ્ધા અનેનાષ્ટોત્તરશતં જપેત્ ।
શિરીષમૂલમૃદઃ ક્ષેત્રસ્ય ચતુષ્કોણેષુ મોક્ષયેત્ તદા શશકમૂષકવરાહચતુષ્પાદપ્રભૃતીનાં મુખબન્ધનં ભવતિ ।
અધુના સમ્પ્રવક્ષ્યામિ મન્ત્રાન્ મે ફલદાયકાઃ ।
યે સિધ્યતિ દશાન્યૂનં મન્ત્રસાધનમુક્તિદાઃ ॥ ઉત્_8.11
શત્રુમિત્રોદાસીનસાધ્યસિદ્ધસ્ય લક્ષણમ્ ।
મન્ત્રાક્ષરાણિ લિખિત્વા સાધકસ્ય તસ્ય યદાપિ ચ પ્રથમવર્ગાક્ષરો ભવતિ તદા મિત્રં દ્વિતીયવર્ગાક્ષરો ભવતિ તદા સિદ્ધઃ ।
તૃતીયવર્ગસ્ય યદા ભવતિ તદા સાધ્યઃ ચતુર્થવર્ગાક્ષરો ભવતિ તદોદાસીનઃ પઞ્ચમવર્ગાક્ષરો યદા ભવતિ તદા શત્રુર્ જ્ઞાતવ્યઃ ।
એતાન્ ભેદાન્ જ્ઞાત્વા મન્ત્રશોધનમ્ આરભેત્ તદા સાધકાનાં સુખાવહો ભવતિ અથ કલ્પવૃક્ષષણ્ડમૂલાનિ યાનિ પ્રક્ષાલિતાનિ ગવ્યદધિમિશ્રિતાયાં રાજિકાયાં સંસ્કાર્યાણિ ।
તતો નિયમપૂર્વકં ભક્ષયેત્ ।
નિર્વ્યાધિયોગેષ્વ્ અમું સ્વમુખે નિયોજયેત્ ।
વિધાનમ્ અસ્યા બ્રવીમીતિ દેવી ।
અથ મન્ત્રઃ ઉઓં નમઃ ષણ્મુખાય શક્તિહસ્તાય મયૂરવાહનાય ઔષધીકેન દેહિ મે ભવ સ્વાહા ।
અનેન મન્ત્રેણ ચતુર્દશ્યાં શુચિર્ ભૂત્વા મયૂરશિખામ્ ઉત્પાટયેત્ તદા મહાપ્રભાવયુક્તા ભવતિ ।
ગવ્યઘૃતેન સહ સંગૃહ્યેત તદા ઇન્દ્રિયબલો ભવતિ ।
પઞ્ચમલેન સ્વર્ણકારો ભવતિ ।
અન્યચ્ ચ શ્વેતકરવીરમૂલશ્વેતગિરિકર્ણિકામૂલહેવચનાઙ્ભીકૃતજાતાઞ્જલી પઞ્ચમલસમાયુક્તા ખાને પાને પ્રદાતવ્યા મરણાન્તં વશીકરણમ્ ॥ ઉત્_8.12
અન્યચ્ ચ શ્વેતગિરિકર્ણિકામૂલં સ્વવીર્યેણ સહ સ્વકીયપઞ્ચમલહરવીર્યશ્વેતાર્કમૂલમ્ એતાનિ હસ્તર્ક્ષે પુષ્યર્ક્ષે વા એકીકૃત્ય કુમારિકાહસ્તાભ્યાં મર્દયિત્વા અષ્ટમ્યાં ચતુર્દશ્યાં વા ગજમદેન સહ હસ્તે ગુટિકાં કારયેત્ ।
યસ્યૈ એકાપિ દીયતે સા વશ્યા ભવતિ નાન્યથા ।
શુક્લપક્ષે ઽપિ સર્પાણાં દીયતે તે સર્પા અપિ વશ્યા ભવન્તિ શ્રીમહાભૈરવસ્ય વચો યથા કુઙ્કુમેન સહ દીયતે તદા વૈ ગજો વશીભવતિ ।
રોચનયા કુઙ્કુમેન સહ યદા તિલકં ક્રિયતે તદા સા સ્ત્રી પૃષ્ઠલગ્ના ભ્રમતિ ।
ગુરુદારેભ્યઃ તિલકો ન દર્શયિતવ્યઃ ।
રાજદ્વારે તથા ન્યાયે વિવાહે યુદ્ધે જયાવહે ત્રૈલોક્યમોહનમ્ એતત્ ।
ત્રિફલા 5 માષાઃ નિમ્બ 1 માષ કદમ્બ 2 માષ નીપ 3 માષ તિરાઇતા 4 માષ કરઞ્જ 5 માષ ભૃઙ્ગરાજ 6 માષ મયૂરશિખા 7 માષાઃ એતાનિ સમભાગાનિ સૂક્ષ્મચૂર્ણાનિ કારયેત્ ।
તદનન્તરં મધુના સહ પેષયેત્ ।
ભોજનં ચ યથાહારં કુરુતે નાત્ર સંશયઃ ।
એતચ્ ચૂર્ણં સુરેભ્યો ઽપિ દુર્લભમ્ ।
રાત્રિચૂર્ણં શિરીષવલ્કલચૂર્ણં ચ ગવ્યઘૃતેન સહ યસ્યૈ વનિતાયૈ ઋતુસ્નાનદિવસે પાનાર્થં દીયતે સા સ્ત્રી વન્ધ્યાપિ ગર્ભવતી ભવતિ નાત્ર સંશયઃ ।
એતચ્ ચૂર્ણં કપિત્થફલેન સહ ઋતુસમયે અપુત્રવતી ભક્ષયતિ સા સ્ત્રી પુત્રમ્ આપ્નોતિ ।
એતચ્ ચૂર્ણં શ્વેતકઙ્કોલીમૂલં લક્ષ્મણાચૂર્ણં ચ સમં કૃત્વા કુઙ્કુમક્વાથેન સહર્તુસમયે સદા ભક્ષણાર્થં દીયતે તદા તસ્યાઃ શરીરશુદ્ધિર્ ભવતિ ।
પશ્ચાદ્ ઋતુસમયોપરિ પઞ્ચ દિનાનિ ભક્ષયેત્ તદા સા ગર્ભધારણક્ષમા ભવતિ નાત્ર સંશયઃ ॥ ઉત્_8.13
ઉડ્ડામરેશ્વરતન્ત્ર, નવમઃ પટલઃ
અથાન્યત્ સમ્પ્રવક્ષ્યામિ ઔષધં પરમદુર્લભમ્ ।
આસ્ફોટી નામ વિખ્યાતા નાગદમનીતિ વિશ્રુતા ॥ ઉત્_9.1
અસ્યા વિધાનં વક્ષ્યામિ દુર્લભં ત્રિદિવૌકસામ્ ।

વિષાઃ સર્વે વિનશ્યન્તિ લેપનાદ્ ભક્ષણાત્ ક્ષણાત્ ॥ ઉત્_9.2
પત્ત્રહસ્તે તાં પ્રલિપ્ય સર્પો ધ્રિયતે ધૃતમાત્રે સર્પો ન નશ્યતિ નૈવ ક્ષતાનિ પ્રલિપ્ય નાગપૂજિતમન્ત્રેણ સર્પો વિનશ્યતિ ।
નાગદમનીમૂલં ખનનાન્ નાડીલલાટલેપનાન્ નાશયતિ સમન્તતઃ આમવાતં પિત્તવાતં શ્લેષ્મવાતમ્ એતે વાતા વિનશ્યન્તિ ભક્ષણાન્ નાત્ર સંશયઃ ।
અથ કથયામ્ય્ ઓષધીકરણે કરણકારણાનિ ।
પુત્રમય વશીકરણકારકપુત્રપુત્રં કંસં કાતરાપિ વશં પરં મહિલાજનસ્યૈકશ અપ્ય્ અસ્ય દીયતે સા પતિં પરિત્યજ્ય પશ્યતાં લોકાનાં નગ્ના ભૂત્વા ભ્રમતિ ।
અથ કથયામિ તાન્ત્રિકવિધિમ્ ।
તામ્રવેદીપરોર ઇતિ લોકૈર્ ઉચ્યતે શનિવારે તામ્ અભિમન્ત્ર્ય દિગમ્બરો મુક્તકેશો ભૂત્વાનુદિતે ભાનૌ ગ્રહણં કુર્યાત્ ।
પિષ્ટ્વા સમ્યક્પ્રકારેણ સ્ત્રીપઞ્ચમલેન ચ કામાતુરેણ કૃત્વા તામ્બૂલેન સહ ભગિનીકૃત્વા દીયતે સા વશ્યા ભવતિ નાન્યથા ।
માતાપિ પુત્રં પરિત્યજ્ય તત્પરા ભૂત્વા પૃષ્ઠતો નગ્ના ભવતિ યત્ર કુત્રાપિ તથા તમ્ અનુયાતિ ન સંશયઃ ।
કાકજઙ્ઘેતિ વિખ્યાતા મહૌષધિર્ ગ્રામે સર્વત્ર તિષ્ઠતિ શનિવારે સંધ્યાસમયે તસ્યા અભિમન્ત્રણં કુર્યાત્ તદન્તરં બ્રાહ્મે મુહૂર્તે ઉત્થાયાનુદિતે ભાનૌ પુષ્યર્ક્ષે હસ્તર્ક્ષે વા યોગે ખદિરકીલકેન તાં સમૂલામ્ ઉત્પાટયેત્ ।
પુનસ્ તાં સપ્તમ્યામ્ અષ્ટમ્યાં નવમ્યાં વા એતાસુ તિથિષુ પુનર્વસુપુષ્યહસ્તર્ક્ષયુક્તાસુ સ્વપઞ્ચમલેન સહ પિષ્ટ્વા સ્વવીર્યં સ્વરક્તમ્ અપિ તસ્મિન્ દત્ત્વા યસ્યૈ વનિતાયૈ દીયતે સા સ્ત્રી વશ્યા ભવતિ સત્યમ્ એવ મન્ત્રેણાનેન મન્ત્રયેત્ ।
ઉઓં નમો ભગવતિ ત્રિપુરે ત્રૈલોક્યમોહિનિ ઐં દ્રાં શ્રીં ક્લીં સૌં અમુકનામ્નીં શીઘ્રં મે વશમ્ આનય સ્વાહા ।
ઇતિ મન્ત્રઃ ।
અથ ગુઞ્જાકલ્પો લિખ્યતે શ્વેતગુઞ્જાં શનિવારે સંધ્યાસમયે ઽભિમન્ત્રિતાં કૃત્વા તતો બ્રાહ્મે મુહૂર્તે ઉત્થાયાનુદિતે ભાનૌ ખદિરકીલકેન દિગમ્બરો ભૂત્વા સમૂલામ્ ઉત્પાટયેત્ ।
પુષ્યર્ક્ષે હસ્તર્ક્ષે વા સ્ત્રીપુષ્પેણ સહ ગોરોચનકશ્મીરકુઙ્કુમશ્વેતચન્દનરક્તચન્દનકસ્તૂરીકર્પૂરહસ્તિમદેન સહાભિમન્ત્ર્ય તિલકં કુર્યાત્ તદા સ્ત્રી કામબાણવિમોહિતા વિહ્વલા ભવતિ ।
મન્ત્રેણાનેન મન્ત્રયેત્ ઉઓં ઐં હ્રીં શ્રીં ક્લીં હૂં ફટ્ સ્વાહા ।
ઇતિ કામબાણતિલકમ્ ।
અથાન્યતન્ત્રોક્તં વશીકરણાદિકં લિખ્યતે સારમ્ ઉદ્ધૃત્ય સંક્ષેપાદ્ વશીકરણમોહને ।
કામિનાં પ્રીતિજનકં કિંચિત્ તદ્ અપિ ગદ્યતે ॥ ઉત્_9.3
તત્રાદૌ તિલકવિધિઃ ।
લજ્જાં મધૂકં કવ્યં ચ નલિનીમૂલમ્ એવ ચ ।
એતાન્ પિષ્ટ્વા સ્વવીર્યેણ યઃ કુર્યાત્ તિલકં પુમાન્ ॥ ઉત્_9.4
તત્ક્ષણાદ્ એવ નયતિ વશ્યતાં ભુવનત્રયમ્ ।
વાત્સ્યાયનેન મુનિના પ્રોક્તં યોગમ્ અનુત્તમમ્ ॥ ઉત્_9.5
સિતાષ્ટમૂલમઞ્જિષ્ઠા વચા મુસ્તા સકુષ્ઠકા ।
સ્ત્રીયોનિશોણિતે ચૈતદ્ એકીકૃત્ય લલાટકે ॥ ઉત્_9.6
શુભં તિલકમ્ આધત્તે યઃ સ લોકત્રયં ક્રમાત્ ।
કૃતજ્ઞઃ સ્વવશં કુર્યાન્ મોદતે ચ ચિરં ભુવિ ॥ ઉત્_9.7
તગરં પિપ્પલીમૂલં મેષશૃઙ્ગી કણા જટા ।
એતત્ સમં સ્વપઞ્ચાઙ્ગમલે નીત્વૈકતાં સુધીઃ ॥ ઉત્_9.8
મધુના તિલકં કુર્યાદ્ યઃ ક્ષોણીસુતવાસરે ।
જગત્ સર્વં વશીકુર્યાત્ સ પુમાન્ નાત્ર સંશયઃ ॥ ઉત્_9.9
ગોરોચનં ચ સંભાવ્ય સ્વપુંસો રુધિરેણ યા ।
કુર્યાત્ સા તિલકં ભાલે પતિં ચ મોહયેદ્ ભૃશમ્ ॥ ઉત્_9.10
અથાઞ્જનવિધિઃ ।
મહાષ્ટમીદિને યસ્ તુ શ્મશાને નરમસ્તકે ।
પાતિતં કજ્જલં વિશ્વં મોહયેન્ નયનાઞ્જનાત્ ॥ ઉત્_9.11
રોચનાં કેસરં કન્યાં શિલાં ચેતિ વિશોધયન્ ।
યાજયેદ્ દૃષ્ટિપથગં સર્વમ્ એવ વિમોહયેત્ ॥ ઉત્_9.12
તાલીશકુષ્ઠનાગરૈઃ કૃત્વા ક્ષોણીશવર્તિકામ્ ।

સિદ્ધાર્થતૈલે નિઃક્ષિપ્ય કજ્જલં નરમસ્તકે ॥ ઉત્_9.13
પાતયેદ્ અઞ્જનં તસ્ય સર્વદા ભુવનત્રયે ।
દૃષ્ટિગોચરમ્ આયાતઃ સર્વો ભવતિ દાસવત્ ॥ ઉત્_9.14
શિલાકિઞ્જલ્કફલિની રોચનાનાં તથાઞ્જનમ્ ।
પુષ્યર્ક્ષયોગે વિહિતં દમ્પત્યોર્ મોહનં પરમ્ ॥ ઉત્_9.15
ઇતિ અથ ચૂર્ણવિધિઃ ।
કાકજઙ્ઘા શિલા પક્ષૌ ભ્રામરૌ કૃષ્ણમ્ ઉત્પલમ્ ।
તગરજં ચૈષાં ચૂર્ણં ક્ષિપ્તં વિમોહને ॥ ઉત્_9.16
વાતપૈત્તિકદલં પુંસો મલં માલાસવસ્ય ચ ।
પક્ષાવલેર્ ઇદં ચૂર્ણં ક્ષિપ્તં શિરસિ મોહનમ્ ॥ ઉત્_9.17
અથ ભક્ષણવિધિઃ ।
અન્ત્રાદિ સર્વં નિષ્કાસ્ય ખઞ્જરીટોદરં કુલૈઃ ।
પૂરયિત્વા સ્વવીર્યેણ સારમેયગલે ક્ષિપેત્ ॥ ઉત્_9.18
મુદ્રાં કૃત્વા તદેકાન્તે સપ્તાહં ધારયેત્ સુધીઃ ।
પશ્ચાન્ નિષ્કાસ્ય સંશોધ્ય વટીં કુર્યાદ્ વિશોષયેત્ ॥ ઉત્_9.19
સા ભક્ષણવિધાનેન દીપમાલા પરસ્પરમ્ ।
દમ્પત્યોઃ પ્રીતિજનની કીર્તિતા નિયમોત્તમા ॥ ઉત્_9.20
અન્યત્ સુમતમ્ ।
અથાન્યત્ સમ્પ્રવક્ષ્યામિ તિલકં સર્વકામિકમ્ ।
ગોરોચનં વંશલોચનં મત્સ્યપિત્તં કશ્મીરકુઙ્કુમકેસરસ્વયમ્ભૂકુસુમસ્વવીર્યશ્રીખણ્ડરક્તચન્દનકસ્તૂરીકર્પૂરકાકજઙ્ઘામૂલાનિ સમભાગાનિ કૃત્વા કૂપતડાગનદીજલેન મર્દયિત્વા કુમારિકાપાર્શ્વકાં ગુટિકાં કૃત્વા છાયાં ગુટિકાં કારયેત્ ।
તયા લલાટે તિલકં કૃત્વા યાં યાં સ્ત્રિયં પશ્યતિ સા સા વશ્યા ભવતિ ।
દ્રૌં વાં ધાં ક્ષૌં અં કં છઃ ઇત્ય્ અનેન મન્ત્રેણ મહિષાસ્થિમયં કીલકમ્ એકોનવિંશત્યઙ્ગુલં સહસ્રેણાભિમન્ત્રિતં યસ્ય નામ્ના કૂપતટે નિખનેત્ સ મહિષેણ વધ્યતે ।
ઉઓં ચ્છઃ ચ્છઃ ૡં અમુકં હું ઈં ચ્છઃ ચ્છઃ ઉઓં ઇતિ ।
અનેન મન્ત્રેણ મયૂરાસ્થિમયં કીલકં ત્ર્યઙ્ગુલં સહસ્રેણાભિમન્ત્રિતં યસ્ય નામ્ના ચતુષ્પથે નિખનેત્ સ તત્ર ભ્રમતિ ।
તત્રાનેનાવતિષ્ઠતિ પર્યટતિ ક્ષણમાત્રેણ ઉત્તોલનેન શાન્તિર્ ભવતિ ।
ઉઓં શ્રીં શ્રીં વ્રાં વ્રીં ઈં ઈં ચ્છઃ ચ્છઃ સ્વાહા ।
અનેન મન્ત્રેણ મેષાસ્થિમયં કીલકં દ્વાદશાઙ્ગુલં સહસ્રેણાભિમન્ત્રિતં કૃત્વા યસ્ય ગૃહે નિખનેત્ સર્વસિદ્ધિર્ અસિદ્ધા તસ્ય ભવતિ ।
દ્રીં બન્ધૂકપુષ્પસંકાશં ધ્યાતવ્યં મન્ત્રદીપકે ।
કુમ્ભકેન વરારોહે શૃણુ વક્ષ્યામિ ષડ્ગુણમ્ ॥ ઉત્_9.21
ધ્યાત્વા તુ માસમ્ એકં તુ મહાસ્ત્રીમ્ આનયેદ્ ધ્રુવમ્ ।
માસેનૈકેન મનુના આનયેન્ નાગકન્યકામ્ ॥ ઉત્_9.22
દેવકન્યાં ત્રિભિર્ માસૈઃ સાયાહ્ને નાન્યથા ભવેત્ ।
ઉઓં હં હઃ ઇતિ ।
અનેનૈવ તુ મન્ત્રેણ ધ્યાતવ્યાઃ ક્રોધયાજકાઃ ॥ ઉત્_9.23
યાજ્યસ્ય રુદ્રસંકાશં રુદ્રહસ્તં સુરાસુરૈઃ ।
માસેન માનુષં લોકં નાગલોકં દ્વિમાસતઃ ॥ ઉત્_9.24
ત્રિભિર્ માસૈસ્ તુ દેવેશિ સ્વર્ગલોકં ન સંશયઃ ।
ષણ્માસાભ્યાસયોગેન ત્રૈલોક્યં નિશ્ચલં કુરુ ॥ ઉત્_9.25
ઉઓં રક્તહટા રક્તગટા મુકુટધારિણી એધતિ સ્વાહા ।
મન્ત્રરાજ ઉલ્ટા વેધા ।

ઉઓં હ્રીં શ્રીં ધ્રીં વિકૃતાનના બાહ્યે ફટ્ સ્વાહા ।
મન્ત્રમ્ ઇમં યન્ત્રે લિખિત્વા યસ્ય ઈક્ષિતં દીયતે સ ઐકાહિકદ્વ્યાહિકત્ર્યાહિકવિષમજ્વરેણ ગૃહ્યતે તત્ક્ષણાદ્ એવ નશ્યતિ નાત્ર સંશયઃ ।
ઉઓં બન્ધુન ક્ષયં દ્રીં દ્રીં અમુકસ્યાત્માનં નિત્યજ્વરેણ પત્ત્રીબન્ધનમાત્રસ્ય સ્ફુર સ્વાહા ।
ઇતિ નિત્યજ્વરશોધનપત્ત્રિકા ।
ઉઓં ક્ષઃ સ્વાહા ।
અનેન મન્ત્રેણ મન્ત્રિતં જલં ભૃશં કૃત્વા જ્વરિતાઙ્ગં સેચયેત્ તેન જ્વરવિમુક્તિર્ ભવતિ નિશ્ચિતમ્ ।
ખરવાહનસિંહસ્ય ક્રમાદ્ એવાનુશાસનમ્ ।
ઋક્ષતુરગગતો વાયુર્ જીમૂત ઇવ ગર્જિતઃ ॥ ઉત્_9.26
રવિવારે શ્લોકમ્ ઇમં લિખિત્વા શિરસિ ન્યસેત્ ।
તેન સ્થાપિતમાત્રેણ ત્રૈમાસિકજ્વરં હરેત્ ॥ ઉત્_9.27
વાનેયસ્ય બિડાલસ્ય ગૃહીત્વા રુધિરં તતઃ ।
પદ્મસૂત્રોત્થવર્તિં ચ ભાવયેત્ સપ્તવારકમ્ ॥ ઉત્_9.28
શિવાગ્રે તજ્જતૈલેન પાતયેત્ કજ્જલં તતઃ ।
તેનાઞ્જિતલોચનસ્ તુ અદૃશ્યો ભવતિ ધ્રુવમ્ ॥ ઉત્_9.29
હેભિરિહેભેરિહે ।
અનેનોદકમ્ આદાયાલોક્ય સહસ્રવારં પરિજપ્ય અનેનૈવાઞ્જનેન ત્રિરાત્રેણ સિદ્ધિઃ ।
પદ્મસૂત્રવર્તિકસ્ય તૈલેન કજ્જલં પાતયેત્ તેનાઞ્જિતનેત્રસ્ તુ અદૃશ્યો ભવતિ ।
તતો ગોમૂત્રેણ ચક્ષુષી પ્રક્ષાલ્ય પુનઃ પ્રત્યક્ષો ભવતિ ॥ ઉત્_9.30
અથ ડાકિનીદમનમન્ત્રઃ અક્ષઃ ક્ષાં ક્ષૌકાજસિનૌ દેવતા તત્ત્વધૂલિની ઘોનાશાલિની ભમન્ત્રિ બન્ધુશનાદૈવતં લઘુકણ્ટકેન પુરુમ્ અભિશાસનો દેવતાં મહાભૈરવ મણ્ડલમ્ અચલ ઉઓં ચ્છઃ ચ્છઃ ચ્છઃ ડાકિનીમતબન્ધુ નમઃ ।
ઉઓં નમો ભગવતે વજ્રાય ચણ્ડેશ્વરાય ઈં ઈં ફટ્ સ્વાહા ।
ઇતિ સર્વભૂતડાકિનીદમનમન્ત્રઃ ।
દમન સર્પલઙ્ગ એભલિસિમ્ અજબન્ધનિશિ નાગપાશમ્ અચલઃ ઇતિ દમનમન્ત્રં બન્ધનં ચ ।
ઉઓં રંસ્ત્રીં શીઘ્રં હ સ્વાહા ।
ત્રિપુરાં સિન્દૂરશઙ્ખચૂર્ણાભ્યાં ઉદનાલપત્ત્રે લિખિત્વા શોધયિતવ્યઃ સ દિવસત્રયેણ જ્વરેણાગત્ય મિલતિ ।
ઉઓં અહોહઃ અમુકનમ્નીં શીઘ્રમ્ આનય સ્વાહા ઇત્ય્ આકર્ષણમ્ ॥ ઉત્_9.31
ઉઓં સ્ત્રીં સ્ત્રીં વલીં વલીમ્ ઈં અહઃ ફટ્ સ્વાહા ।
મજ્જનસ્વસ્થો ભવતિ ।
અપ્સરણીં અમુકીં જીવ ।
તેન અનેન મન્ત્રેણ સપ્તવારં જલં પ્રજપ્ય કામિન્યૈ પાનાર્થં દાતવ્યમ્ ।
ઉઓં નમો જલે મોહે કુલે ફલાનિ સંકુલે સ્વાહા ।
અનેન મન્ત્રેણ સપ્તવારાભિમન્ત્રિતં યસ્ય દીયતે સ વશ્યો ભવતિ ।
ઉઓં નમો જલે મોહે દ્રાં અબ્જિનિ ફટ્ સ્વાહા ।
અનેન મન્ત્રેણ પ્રત્યૂષે પાનીયેન મુખં પ્રક્ષાલયેત્ સર્વજનપ્રિયો ભવતિ સર્વસિદ્ધીશ્વરો ભવતિ ॥ ઉત્_9.32
ઉઓં ભૂર્ ભુવઃ સ્વઃ સ્વાહા ।
તામ્બૂલં મન્ત્રયિત્વા યસ્ય દીયતે સ વશ્યો ભવતિ ।
ઉઓં નમો જલે મોહે હન હન દહ દહ પચ પચ મથ મથ અમુકં મે વશમ્ આનય સ્વાહા ।
અથ યક્ષિણીમન્ત્રસાધનં સુરસુન્દરીમનોહારિણીકનકાવતીરતિકરીકામેશ્વરીનટ્યનુરાગિણીપદ્મિની એતા અષ્ટૌ યક્ષિણ્યઃ કામનાયાં સાધનમ્ ।
અથ સુરસુન્દરીસાધનમ્ ઉઓં હ્રીં આગચ્છ આગચ્છ સુરસુન્દરિ સ્વાહા ।
વજ્રપાણિગૃહં ગત્વા ગુગ્ગુલધૂપં દત્ત્વા ત્રિસંધ્યં પૂજયેત્ સહસ્રં ત્રિસંધ્યં માસપર્યન્તં જપેત્ તતો માસાભ્યન્તરે પ્રત્યક્ષા ભવતિ અન્તિમદિને રક્તચન્દનેનાર્ઘ્યં દદ્યાત્ ।
તત આગત્ય માતા ભગિની ભાર્યા વા ભવતિ તાસાં યાનિ કર્માણિ તાન્ય્ એવ કરોતિ ।

યદિ માતા ભવતિ તદા સિદ્ધદ્રવ્યાણિ રસાયનાનિ દદાતિ ।
યદિ ભગિની ભવતિ તદા પૂર્વવદ્ અમૂલ્યં વસ્ત્રં દદાતિ ।
યદિ ભાર્યા ભવતિ તદા સર્વમ્ ઐશ્વર્યં પરિપૂરયતિ ।
પરં તુ વર્જનીયમ્ ઇહાન્યયા સહ શયનં સા ચ મૈથુનપ્રિયા ભવતિ અન્યથા નશ્યતિ ॥ ઉત્_9.33
અથ મનોહારિણીસાધનમ્ ઉઓં હીં આગચ્છ આગચ્છ મનોહરિ સ્વાહા ।
ઇહ નદીસંગમે ગત્વા ચન્દનેન મણ્ડલં કૃત્વા અગુરુધૂપં દત્ત્વા સહસ્રૈકં મન્ત્રં માસપર્યન્તં પ્રત્યહં જપેત્ ।
તતો માસાન્તે ચન્દનોદકેનાર્ઘ્યં દદ્યાત્ પુષ્પફલેનૈકચિત્તેન તસ્યા અર્ચનં કર્તવ્યં તતો ઽર્ધરાત્રસમયે નિયતમ્ આગચ્છતિ આગતા સતી તદાજ્ઞાં કરોતિ સુવર્ણશતં તસ્મૈ સાધકાય પ્રત્યહં દદાતિ ॥ ઉત્_9.34
અથ કનકાવતીસાધનમ્ ઉઓં હ્રીં કનકાવતિ મૈથુનપ્રિયે આગચ્છ આગચ્છ સ્વાહા ।
વટવૃક્ષસમીપે સ્થિત્વા મદ્યમાંસાદિનૈવેદ્યં તસ્યૈ મૂલમન્ત્રેણ દત્ત્વા શેષં સ્વયમ્ અપ્ય્ અઙ્ગીકૃત્ય સહસ્રમ્ એકં મૂલમન્ત્રં જપેત્ ।
એવં સપ્તદિનપર્યન્તં કુર્યાત્ ।
અષ્ટમ્યાં રાત્રાવ્ અર્ધરાત્રસમયે વસ્ત્રાલંકારભૂષિતા અષ્ટૌ પરિવારાન્ આદાયોપગચ્છતિ ।
આગતા સા કામયિતવ્યા ભાર્યા વા ભવતિ દ્વાદશજનાનાં વસ્ત્રાલંકારભોજનં ચ દદાતિ અષ્ટૌ કલા નિત્યં સાધકાય પ્રયચ્છતિ ॥ ઉત્_9.35
અથ કામેશ્વરીસાધનમ્ ઉઓં હીં આગચ્છ આગચ્છ કામેશ્વરિ સ્વાહા ।
ઇહ ગોરોચનયા ભૂર્જપત્ત્રોપરિ સ્ત્રીરૂપાં પ્રતિમાં સંલિખ્ય ષોડશોપચારૈઃ પઞ્ચોપચારૈર્ વા સમ્પૂજ્ય તતઃ શય્યાયામ્ એકાકી એકાન્તે ઉપવિશ્ય તન્મના ભૂત્વા સહસ્રં જપેત્ તતો માસાન્તે તદ્બુદ્ધ્યા સ્વકીયાં ભાર્યાં પૂજયેત્ ।
તતો મધુસર્પિર્ભ્યાં પ્રતિરાત્રં દીપં પ્રજ્વાલ્ય પશ્ચાન્ મૌનં કૃત્વા મૂલમન્ત્રં સહસ્રસંખ્યં જપેત્ ।
તતો ઽર્ધરાત્રસમયે નિયતમ્ આગચ્છતિ પરં ત્વ્ અન્યાઃ સ્ત્રિયો વર્જનીયાઃ ॥ ઉત્_9.36
અથ રતિપ્રિયાસાધનમ્ ઉઓં હીં આગચ્છ આગચ્છ રતિકરિ સ્વાહા ।
અત્ર પટે ચિત્રરૂપિણી લેખ્યા વસ્ત્રકનકાલઙ્કારભૂષિતા ઉત્પલહસ્તા કુમરી જાતીપુષ્પૈઃ પ્રપૂજનં કુર્યાત્ ગુગ્ગુલેન ધૂપં દદ્યાત્ તતો ઽષ્ટસહસ્રં પ્રત્યહં જપેત્ ।
માસાન્તે તુ વિધિવત્ પૂજનં કુર્યાત્ ।
ધૂપદીપૌ પ્રજ્વાલનીયૌ તતો ઽર્ધરાત્રસમયે ઽવશ્યમ્ આગચ્છતિ આગતા સા સ્ત્રીભાવેન કામયિતવ્યા ભાર્યા ભવતિ સાધકસ્ય પરિવારં પાલયતિ દિવ્યં કામિકં ભોજનં ચ દદાતિ ॥ ઉત્_9.37
અથ પદ્મિનીસાધનમ્ ઉઓં હીં આગચ્છ આગચ્છ પદ્મિનિ સ્વાહા ।
સ્વગૃહે ચન્દનેન મણ્ડલં કૃત્વા શિરઃસ્થં કારયેત્ ગુગ્ગુલેન ધૂપં દત્ત્વા સહસ્રમ્ એકં પ્રત્યહં જપેત્ તતો માસાન્તે પૌર્ણમાસ્યાં રાત્રૌ વિધિવત્ પૂજાં કૃત્વા જપેત્ ।
જપાન્તે ઽર્ધરાત્રસમયે નિયતમ્ આગચ્છતિ આગતા સા કામયિતવ્યા ભાર્યા ભૂત્વા સર્વકામપ્રદા ભવતિ રસં રસાયનં સિદ્ધદ્રવ્યં પ્રત્યહં સાધકાય પ્રયચ્છતિ ॥ ઉત્_9.38
અથ નટીસાધનમ્ ઉઓં હ્રીં આગચ્છ આગચ્છ નટિ સ્વાહા ।
અત્રાશોકતલે ગત્વા મત્સ્યમાંસાદ્યાહારગન્ધપુષ્પાદિધૂપદીપબલિં દત્ત્વા સહસ્રં પ્રત્યહં જપેત્ તતઃ સા માસાન્તે નિયતમ્ આગચ્છતિ આગતા સા માતા ભગિની ભાર્યા વા ભવતિ ।
યદિ માતા ભવતિ તદા દિવ્યં કામિકં ભોજનં દદાતિ વસ્ત્રસુગન્ધિસુવર્ણશતં દદાતિ ચ ।
યદિ ભગિની ભવતિ તદા શતયોજનાદ્ ઉત્તમાં સ્ત્રિયમ્ આનીય દદાતિ ।
યદિ ભાર્યા ભવતિ તદા દિવ્યં વસ્ત્રં રસાયનમ્ અષ્ટદિનાન્તરેણ દદાતિ ॥ ઉત્_9.39
અથાનુરાગિણીસાધનમ્ ઉઓં હ્રીં અનુરાગિણિ આગચ્છ આગચ્છ સ્વાહા ।
ઇહ કશ્મીરકુઙ્કુમેન ભૂર્જપત્ત્રે સ્ત્રીસદૃશીં પ્રતિમાં વિલિખ્યાવાહનાદિકં કૃત્વા ગન્ધપુષ્પધૂપદીપાદિકં દત્ત્વા તામ્બૂલાનિ નિવેદ્ય સહસ્રં પ્રત્યહં જપેત્ ।
માસમ્ એકં ત્રિસંધ્યં જપેત્ માસાન્તે પૌર્ણમાસ્યાં વિધિવત્ પૂજાં કૃત્વા ઘૃતદીપં પ્રજ્વાલ્ય સમગ્રરાત્રૌ મન્ત્રં પ્રજપેત્ ।
તતઃ પ્રભાતસમયે નિયતમ્ આગચ્છતિ આગતા સા સર્વકામપ્રદા ભવતિ દિવ્યરસાયનાનિ દદાતિ પ્રત્યહં ચ દીનારાણાં સહસ્રં દદાતિ ।
તસ્યાઃ પ્રસાદેન વર્ષસહસ્રાણ્ય્ આયુશ્ ચ ભવતિ ॥ ઉત્_9.40
અથ ષટ્ત્રિંશદ્ યક્ષિણ્યઃ ।
વિચિત્રા વિભ્રમા હંસી ભીષણી જનરઞ્જિની ।
વિશાલા મદના ઘણ્ટા કાલકર્ણી મહાભયા ॥ ઉત્_9.41
માહેન્દ્રી શઙ્ખિની ચાન્દ્રી શ્મશાના વટયક્ષિણી ।
મેખલા વિકલા લક્ષ્મીર્ માલિની શતપત્ત્રિકા ॥ ઉત્_9.42
સુલોચના સુશોભાઢ્યા કપાલિની વિશાલિની ।
નટી કામેશ્વરી સ્વર્ણરેખા ચ સુરસુન્દરી ॥ ઉત્_9.43

મનોહરા પ્રમોદાનુરાગિણી નખકેશિકા ।
ભામિની પદ્મિની ચૈવ સ્વર્ણાવતી રતિપ્રિયા ॥ ઉત્_9.44
ષટ્ત્રિંશદ્ એતા યક્ષિણ્યઃ કથિતાઃ સિદ્ધિકામદાઃ ।
કરઙ્કિણીમતે તન્ત્રે મહાદેવેન વિસ્તરાત્ ॥ ઉત્_9.45
આરાધનં મહત્ તાસાં પ્રવક્ષ્યામિ સમાસતઃ ।
ફલં ચૈવ યથા તુષ્ટાઃ પ્રયચ્છન્તિ સમાહિતમ્ ॥ ઉત્_9.46
લક્ષદ્વયં જપેન્ મન્ત્રં વટવૃક્ષતલે શુચિઃ ।
પશ્ચાચ્ ચમ્પકપુષ્પૈશ્ ચ હોમં મધુઘૃતાન્વિતમ્ ॥ ઉત્_9.47
કુર્યાદ્ દશાંશતો મન્ત્રી શંકરેણોદિતં યથા ।
તતઃ સિદ્ધા ભવેદ્ દેવિ વિચિત્રા વાઞ્છિતપ્રદા ॥ ઉત્_9.48
ઉઓં વિચિત્રે ચિત્રરૂપિણિ મે સિદ્ધિં કુરુ 2 સ્વાહા ।
ઇતિ મન્ત્રઃ ।
લક્ષદ્વયં જપેન્ મન્ત્રં શ્મશાને નિભૃતે નિશિ ।
ઘૃતાક્તૈર્ ગુગ્ગુલૈર્ હોમે દશાંશેન કૃતે સતિ ॥ ઉત્_9.49
વિભ્રમા તોષમ્ આયાતિ પઞ્ચાશન્માનુષૈઃ સમમ્ ।
દદાતિ ભોજનં દ્રવ્યં પ્રત્યહં શંકરો ઽબ્રવીત્ ॥ ઉત્_9.50
ઉઓં હ્રીં વિભ્રમે વિભ્રમઙ્ગરૂપે વિભ્રમં કુરુ 2 ભગવતિ સ્વાહા ।
પ્રદેશે નગરસ્યાથ લક્ષસંખ્યં જપેન્ મનુમ્ ।
પદ્મપત્ત્રૈર્ ઘૃતોપેતૈઃ કૃતે હોમે દશાંશતઃ ॥ ઉત્_9.51
પ્રયચ્છત્ય્ અઞ્જનં હંસી યેન પશ્યતિ ભૂનિધિમ્ ।
સુખેન તં ચ ગૃહ્ણાતિ ન વિઘ્નૈઃ પરિભૂયતે ॥ ઉત્_9.52
ઉઓં દ્રીં નમો હંસિ હંસવાહિની ક્લીં ક્લીં સ્વાહા ।
ત્રિપથસ્થો જપેન્ મન્ત્રં લક્ષસંખ્યં દશાંશતઃ ।
ઉઓં શ્રીં દ્રીં વટવાસિનિ યક્ષકુલપ્રસૂતે વટયક્ષિણિ એહ્ય્ એહિ સ્વાહા ।
મધૂકવૃક્ષતલે મન્ત્રં ચતુર્દશદિનાવધિ ।
પ્રજપેન્ મેખલા તુષ્ટા દદાત્ય્ અઞ્જનમ્ ઉત્તમમ્ ॥ ઉત્_9.53
ઉઓં દ્રીં હું મદનમેખલાયૈ મદનવિડમ્બનાયૈ નમઃ સ્વાહા ।
ગુહાન્તઃસ્થો ઽધરે માસત્રયં મન્ત્રં જપેન્ નરઃ ।
તતઃ સિદ્ધા ભવેદ્ દેવિ વિકલા વાઞ્છિતપ્રદા ॥ ઉત્_9.54
ઓં વિકલે ઐં હ્રીં શ્રીં ક્લીં સ્વાહા ।
સ્વગૃહાવસ્થિતો રક્તૈઃ પ્રસૂનૈઃ કરવીરજૈઃ ।
લક્ષમ્ આવર્તયેન્ મન્ત્રી દૂર્વાજ્યાભ્યાં દશાંશતઃ ॥ ઉત્_9.55
હોમે કૃતે ભવેત્ સિદ્ધા લક્ષ્મીનમ્ની ચ યક્ષિણી ।
રસં રસાયનં દિવ્યં નિધાનં ચ પ્રયચ્છતિ ॥ ઉત્_9.56
ઉઓં ઐં હ્રીં શ્રીં લક્ષ્મિ કમલધારિણિ હંસઃ સો ઽહં સ્વાહા ।
ચતુષ્પથસ્થિતો લક્ષમ્ આપદિ પ્રજપેન્ મનુમ્ ।
માલિની જાયતે સિદ્ધા દિવ્યં ખઙ્ગં પ્રયચ્છતિ ॥ ઉત્_9.57
યત્ પ્રભાવેન લોકે ઽસ્મિન્ દુર્લભં રાજ્યમ્ આપ્નુયાત્ ।
ઉઓં દ્રીં ઉઓં નમો માલિની સ્ત્રિ એહ્ય્ એહિ સુન્દરિ હંસહંસિ સમીહાં મે સઙ્ગભય સ્વાહા ।
શતપત્ત્રવને યસ્ તુ મન્ત્રલક્ષં જપેન્ મુનિઃ ।

ક્ષીરાજ્યહોમૈઃ સંસિદ્ધા સિદ્ધિં યચ્છતિ ભૂનિધિમ્ ॥ ઉત્_9.58
ઉઓં દ્રીં શતપત્ત્રિકે દ્રીં દ્રીં શ્રીં સ્વાહા ।
નદીતીરસ્થિતો લક્ષત્રયં મન્ત્રી જપેન્ મનુમ્ ।
ઘૃતહોમે દશાંશેન કૃતે દેવી પ્રસીદતિ ॥ ઉત્_9.59
દદાતિ પાદુકાં તસ્મૈ યથારુચિ નભસ્તલે ।
મનઃપવનવેગેન યાતિ ચાયાતિ સાધકઃ ॥ ઉત્_9.60
ઉઓં દ્રીં ક્લીં સુલોચને સિદ્ધિં મે દેહિ દેહિ સ્વાહા ।
રક્તામ્બરધરો મન્ત્રી ચતુર્દશદિનાવધિ ।
જપેત્ સિદ્ધા ભવેદ્ દેવી શોભના ભોગદાયિની ॥ ઉત્_9.61
ઉઓં દ્રીં અશોકપલ્લવકરતલે શોભને શ્રીં ક્ષઃ સ્વાહા ।
મહાવ્રતધરો મન્ત્રી યઃ શાલ્યોદનભોજનૈઃ ।
લક્ષદ્વયં જપેન્ મન્ત્રં કપાલં લભતે મુનિઃ ॥ ઉત્_9.62
આકાશગમનં દૂરાત્ સ્વપ્નરૂપસમાગમઃ ।
દૂરાદ્ દર્શનમ્ ઇત્યાદિ સાધકાય પ્રયચ્છતિ ॥ ઉત્_9.63
ઉઓં ઐં કપાલિની દ્રાં દ્રીં ક્લાં ક્લીં ક્લૂં ક્લૈં ક્લૌં ક્લઃ હંસઃ સો ઽહં સકલહ્રીં ફટ્ સ્વાહા ।
સરિત્તીરે જપેન્ મન્ત્રમ્ અર્ધં લક્ષસ્ય દેશિકઃ ।
ઘૃતાક્તગુગ્ગુલૈર્ હોમે દેવી સૌભાગ્યદા ભવેત્ ॥ ઉત્_9.64
ઓં વરયક્ષિણી વરયક્ષવિશાલિનિ આગચ્છ 2 પ્રિયં મે ભવતુ હૈમે ભવ સ્વાહા ।
પુણ્યાશોકતલં ગત્વા ચન્દનેન સુમણ્ડલમ્ ।
કૃત્વા ચાભ્યર્ચયેદ્ દેવીં ધૂપં દત્ત્વા સહસ્રકમ્ ॥ ઉત્_9.65
મન્ત્રમ્ આરાધયેન્ માસં નક્તંભોજી રસઃ સદા ।
રાત્રૌ પૂજાં શુભાં કૃત્વા જપેન્ મન્ત્રં મુનિવ્રતઃ ॥ ઉત્_9.66
નટી દેવી સમાગત્ય નિધાનં રસમ્ અઞ્જનમ્ ।
દદાતિ મન્ત્રિણે મન્ત્રં દિવ્યયોગં ચ સિદ્ધિદમ્ ॥ ઉત્_9.67
ઉઓં દ્રીં નટિ મહાનટિ રૂપવતિ દ્રીં સ્વાહા ।
એકાસને શુચૌ દેશે ત્રિસંધ્યં ત્રિસહસ્રકમ્ ।
માસમ્ એકં જપેન્ મન્ત્રં તદા પૂજાં સમારભેત્ ॥ ઉત્_9.68
પુષ્પૈર્ ધૂપૈશ્ ચ નૈવેદ્યૈઃ પ્રદીપૈર્ ઘૃતપૂરિતૈઃ ।
રાત્રૌ દેવીં સમભ્યર્ચ્ય જપેન્ મન્ત્રં પ્રસન્નધીઃ ॥ ઉત્_9.69
અર્ધરાત્રે ગતે દેવી સમાગત્ય પ્રયચ્છતિ ।
રસં રસાયનં દિવ્યં વસ્ત્રાલંકરણાનિ ચ ॥ ઉત્_9.70
ઉઓં હ્રીં આગચ્છ આગચ્છ કામેશ્વરિ સ્વાહા ।
નદીતીરે શુભે રમ્યે ચન્દનેન સુમણ્ડલમ્ ।
વિધાય પૂજયેદ્ દેવીં તતો મન્ત્રાયુતં જપેત્ ॥ ઉત્_9.71
એકવિંશતિઘસ્રાન્તં પ્રસન્ના વિતરેત્ સદા ।
અર્ધરાત્રે ગતે દેવી દીનારાણાં સહસ્રકમ્ ॥ ઉત્_9.72
દદાતિ પ્રત્યહં તસ્મૈ વ્યયં કુર્યાદ્ દિને દિને ।
તદ્વ્યયાભાવતો ભૂયો ન દદાતિ પ્રકુપ્યતિ ॥ ઉત્_9.73
ઉઓં હીં સર્વકામદે મનોહરે સ્વાહા ।
અર્ધરાત્રે સમુત્થાય સહસ્રં પ્રજપેન્ મનુમ્ ।

માસમ્ એકં તતો દેવી નિધિં દર્શયતિ ધ્રુવમ્ ॥ ઉત્_9.74
ઓં હ્રીં પ્રમોદાયૈ સ્વાહા ।
કુઙ્કુમેન સમાલિખ્ય ભૂર્જે દેવીં સુલક્ષણામ્ ।
પ્રતિપત્તિથિમ્ આરભ્ય ધૂપદીપાદિભિર્ વરામ્ ॥ ઉત્_9.75
કૃત્વા દેવીં સહસ્રં ચ ત્રિસંધ્યં પરિવર્તયેત્ ।
માસમ્ એકં તતઃ પૂજાં રાત્રૌ કૃત્વા પુનર્ જપેત્ ॥ ઉત્_9.76
અર્ધરાત્રે ગતે દેવી સમાગત્ય પ્રયચ્છતિ ।
દીનારાણાં સહસ્રૈકં પ્રત્યહં પરિતોષિતા ॥ ઉત્_9.77
ઉઓં અનુરાગિણિ મૈથુનપ્રિયે યક્ષકુલપ્રસૂતે સ્વાહા ।
ગત્વા પક્ષિગૃહં મન્ત્રી નખકેશૈઃ પ્રપૂજયેત્ ॥ ઉત્_9.78
દિનૈકવિંશતિર્ યાવત્ પૂજાં કૃત્વા તતો નિશિ ।
આવર્તયેદ્ એકચિત્તો મન્ત્રી મન્ત્રં સુસંયતઃ ॥ ઉત્_9.79
નિશાર્ધે વાઞ્છિતં કાર્યં દેવ્ય્ આગત્ય પ્રયચ્છતિ ।
ઉઓં હીં નખકેશિકે સ્વાહા ।
દિનત્રયમ્ અનાહરી સોમસૂર્યગ્રહે સતિ ॥ ઉત્_9.80
સ્પર્શાદ્ વિમુક્તિપર્યન્તં જપેત્ તદ્ગતમાનસઃ ।
તતઃ પ્રસન્ના સા દેવી યચ્છત્ય્ અઞ્જનમ્ ઉત્તમમ્ ॥ ઉત્_9.81
તેનાઞ્જિતો નરો ઽદૃશ્યં નિધિં પશ્યતિ ભૂગતમ્ ।
ઉઓં હીં યક્ષિણિ ભામિનિ રતિપ્રિયે સ્વાહા ।
વટવૃક્ષતલે કૃત્વા ચન્દનેન સુમણ્ડલમ્ ॥ ઉત્_9.82
યક્ષિણીં પૂજયિત્વા તુ નૈવેદ્યમ્ ઉપદર્શયેત્ ।
શશમાંસં ઘૃતં ચીરં મન્ત્રમ્ આવર્તયેત્ તતઃ ॥ ઉત્_9.83
દિને દિને સહસ્રૈકં યાવત્ સપ્તદિનં ભવેત્ ।
અથાગત્ય સદા તસ્મૈ મન્ત્રમ્ અઞ્જનમુત્તમમ્ ॥ ઉત્_9.84
યત્પ્રભાવાન્તરે સર્વં પશ્યેન્ નિધિમ્ અશઙ્કિતઃ ।
ઉઓં હ્રીં આગચ્છ 2 સ્વર્ણાવતિ સ્વાહા ।
શઙ્ખલિપ્તપટે યસ્માદ્ દેવીં ગૌરીં ધૃતોત્પલામ્ ॥ ઉત્_9.85
સર્વાલંકારિણીં દિવ્યાં સમાલિખ્યાર્ચયેન્ નરઃ ।
જાતીપુષ્પૈઃ પ્રપૂજ્યાથ સહસ્રં પરિવર્તયેત્ ॥ ઉત્_9.86
સપ્તાહં મન્ત્રવિત્ તસ્યાઃ કુર્યાદ્ અર્ચાં શુભાં તતઃ ।
અર્ધરાત્રે ગતે દેવી સમાગત્ય પ્રયચ્છતિ ॥ ઉત્_9.87
પઞ્ચવિંશતિદીનારાન્ પ્રત્યહં પરિતોષિતા ।
વાઞ્છિતં મનસસ્ તસ્મૈ મન્ત્રજ્ઞાય ન સંશયઃ ॥ ઉત્_9.88
ઉઓં ઉઓં હીં રતિપ્રિયે સ્વાહા ।
ઉડ્ડામરેશ્વરતન્ત્ર, દશમઃ પટલઃ
તત્ર ચેટકસાધનમ્ ।
અથ ચેટકા લિખ્યન્તે ।
કામાતુરેણ ચિત્તેન નિશિ મન્ત્રં જપેત્ સદા ।
જપ્તો ઽવશ્યં વશ્યકરો મન્ત્રો ઽયં નાત્ર સંશયઃ ॥ ઉત્_10.1
ઓં ઐં સ્કીં ક્લીં ક્લીં સહવલ્લરિ ક્લીં કામપિશાચ ક્લીં હ્રીં કામપિશાચ અમુકીં કામિનીં કામયામ્ય્ અહં તાં કામેન ગ્રાહય 2 સ્વપ્ને મમ રૂપે નખૈર્ વિદારય 2 દ્રાવય 2 અસ્ત્રેણ બન્ધય 2 શ્રીં ફટ્ સ્વાહા ।