તિકનિકયાત્ર · અધ્યાય 1

ઘનતિમિરનાગસિંહસ્ત્રિભુવનભવનાધિપો જગચ્ચક્ષુઃ।
ઉદયાસ્તાચ(લ)મૌલિર્ જયતિ રવિર્ ગગનતિલકૈકઃ॥

મૂર્ધ્ના ગણેશં ચ સરસ્વતીં ચ સલોકપાલં પરમેશ્વરં ચ।
પદ્મોદ્ભવં પદ્મધનં હરિં ચ ત્રૈલોક્યદીપં પ્રણમામિ ભાનુમ્॥

યાત્રાવિધિર્ અત ઊર્ધ્વં વિજિગીષોર્ વિદિતજન્મસમયસ્ય।
પ્રત્યબ્દમાસવાસરવિભક્તસુખદુઃખનિષ્ઠસ્ય॥

વિદિતે હોરારાશૌ સ્થાનબલપરિગ્રહે ગ્રહાણાં ચ।
આયુષિ ચ પરિજ્ઞાતે શુભમ્ અશુભં વા ફલં વાચ્યમ્॥

પ્રસ્તુતવિરોધ એવં સ્થિતવિષયે ભવતિ શાસ્ત્રનિર્દેશઃ।
જન્મસમયં ચ કેચિદ્ વદન્તિ ન વદન્તિ બહુવો ઽન્યે॥

જન્મર્ક્ષોદયલગ્ને તદ્ અપિ યયોર્ વા યિયાસતઃ પ્રશ્ને।
ત્રિષડેકાદશશીર્ષોદયેષુ માર્ગેષુ ચ જયઃ સ્યાત્॥

શત્રોર્ હોરારાશિસ્ તદ્ અધિપતિર્ જન્મભં તદીશો વા॥
યદ્ય્ અસ્તે હિબુકે વા તથાપિ શત્રુર્ હતો વાચ્યઃ॥

પ્રશ્ને મનોરમા ભૂર્ મઙ્ગલ્યદ્રવ્યદર્શનં શસ્તમ્।
યદિ ચાદરેણ પૃચ્છતિ દૈવજ્ઞો નિર્દિશેદ્ વિજયમ્॥

નન્દા ભદ્રા વિજયા રિક્તા પૂર્ણા ચ નામસદૃશફલાઃ।
ન્યૂનસમેષ્ટા દશમે તિથયઃ શુક્લે કૃષ્ણે પ્રતીપાસ્ તાઃ॥

નક્ષત્રપુટાકિરણં પશ્ચાત્ સન્ધ્યાગતં ગ્રહૈર્ ભિન્નમ્।
ક્રૂરનિપીડિતમ્ ઉત્પાતદૂષિતં ચાશુભં સર્વમ્॥

ચિત્રાસ્વાતિવિશાખાભરણીપિત્ર્યેષકૃત્તિકાશ્લેષાઃ।
નાતિશુભદાનિ યાને શેષાણિ શુભાનિ ધિષ્ણ્યાનિ॥

શત્રુવિષયં દિધક્ષોર્ અન્યત્રાર્કોદયાચ્ છુભાગ્નેયી।
ન વિશાખારોહિણ્યુત્તરેષુ દિવસસ્ય પૂર્વાહ્ણે॥

જ્યેષ્ઠામૂલાશ્લેષારૌદ્રેષુ વિવર્જયેચ્ ચ મધ્યાહ્ણમ્।
સ્વાત્યાશ્વિપુષ્યહસ્તેષ્વ્ અપરાહ્ણે વર્જયેદ્ યાત્રામ્॥

મૈત્રેન્દવચિત્રારેવતીષુ યાયાત્ પ્રદોષમ્ ઉત્સૃજ્ય।
પૂર્વેષુ ત્રિષુ યામ્યે પિત્ર્યે ચ વિહાય મધ્યનિશમ્॥

ન નિશાપશ્ચિમભાગે પુનર્વસૌ ત્રિષુ ચ વૈષ્ણવાદ્યેષુ।
સર્વે ઽપિ શુભાઃ કાલાઃ શ્રવણેન્દ્રવહસ્તપુષ્યેષુ॥

પ્રાચ્યાદિ સપ્ત સપ્ત ક્રમેન ધિષ્ણ્યાનિ કૃત્તિકાદીનિ।
અનુલોમાન્ય્ એકત્વં પૂર્વોત્તરશ્ રોણિતરયોશ્ ચ॥

અનલાનિલદિગ્રેખાં પરિઘાખ્યાં યાન્તિ યે સમુત્ક્રમ્ય।
આજ્ઞામ્ ઇવ કુલિશભૃતઃ પતન્તિ ન ચિરેણ તે વ્યસને॥

સર્વદ્વારિકસંજ્ઞં નક્ષત્રચતુષ્ટયં સમુદ્દિષ્ટં।
પુષ્યો હસ્તાશ્વિન્યૌ નક્ષત્રં મિત્રદેવં ચ॥

જ્યેષ્ઠા પ્રાગ્ભાદ્રપદા રોહિણ્ય્ અથોત્તરા ચ ફલ્ગુન્યા।
શૂલાનિ પ્રાચ્યાદિષુ તેષુ ગતો ઽત્યેતિ યદિ ચિત્રમ્॥

તારાસ્ તુ જન્મસમ્પદ્વિપત્કરા ક્ષેમા (?) ઽપાયશુભકષ્ટા।
મૈત્રાતિમૈત્રસંજ્ઞાશ્ ચૈતાઃ સંજ્ઞાનુરૂપફલાઃ॥એ20