તન્ત્રાલોક · અધ્યાય 33

અથાવસરસંપ્રાપ્ત એકીકારો નિગદ્યતે । 0બ્
યદુક્તં ચક્રભેદેન સાર્ધં પૂજ્યમિતિ ત્રિકમ્ ।
તત્રૈષ ચક્રભેદાનામેકીકારો દિશાનયા ॥ 1

વિશ્વા તદીશા હારૌદ્રી વીરનેત્ર્યમ્બિકા તથા ।
ગુર્વીતિ ષડરે દેવ્યઃ શ્રીસિદ્ધાવીરદર્શિતાઃ ॥ 2

માહેશી બ્રાહ્મણી સ્કાન્દી વૈષ્ણવ્યૈન્દ્રી યમાત્મિકા ।
ચામુણ્ડા ચૈવ યોગીશીત્યષ્ટાઘોર્યાદયો@થવા ॥ 3

અગ્નિનિરૃતિવાય્વીશમાતૃભિર્દ્વાદશાન્વિતાઃ ।
નન્દા ભદ્રા જયા કાલી કરાલી વિકૃતાનના ॥ 4

ક્રોષ્ટુકી ભીમમુદ્રા ચ વાયુવેગા હયાનના ।
ગમ્ભીરા ઘોષણી ચેતિ ચતુર્વિંશત્યરે વિધિઃ ॥ 5

સિદ્ધિર્વૃદ્ધિર્દ્યુતિર્લક્ષ્મીર્મેધા કાન્તિઃ સુધા ધૃતિઃ ।
દીપ્તિઃ પુષ્ટિર્મતિઃ કીર્તિઃ સુસ્થિતિઃ સુગતિઃ સ્મૃતિઃ ॥ 6

સુપ્રભા ષોડશી ચેતિ શ્રીકણ્ઠાદિકશક્તયઃ ।
બલિશ્ચ બલિનન્દશ્ચ દશગ્રીવો હરો હયઃ ॥ 7

માધવઃ ષડરે ચક્રે દ્વાદશારે ત્વમી સ્મૃતાઃ ।
દક્ષશ્ચણ્ડો હરઃ શૌણ્ડી પ્રમથો ભીમમન્મથૌ ॥ 8

શકુનિઃ સુમતિર્નન્દો ગોપાલશ્ચ પિતામહઃ ।
શ્રીકણ્ઠો@નન્તસૂક્ષ્મૌ ચ ત્રિમૂર્તિઃ શંબરેશ્વરઃ ॥ 9

અર્ઘીશો ભારભૂતિશ્ચ સ્થિતિઃ સ્થાણુર્હરસ્તથા ।
ઝણ્ઠિભૌતિકસદ્યોજાનુગ્રહક્રૂરસૈનિકાઃ ॥ 10

દ્વ્યષ્ટૌ યદ્વામૃતસ્તેન યુક્તાઃ પૂર્ણાભતદ્દ્રવાઃ ।
ઓઘોર્મિસ્યન્દનાઙ્ગાશ્ચ વપુરુદ્ગારવક્ત્રકાઃ ॥ 11

તનુસેચનમૂર્તીશાઃ સર્વામૃતધરો@પરઃ ।
શ્રીપાઠાચ્છક્તયશ્ચૈતાઃ ષોડશૈવ પ્રકીર્તિતાઃ ॥ 12

સંવર્તલકુલિભૃગુસિતબકખઙ્ગિપિનાકિભુજગબલિકાલાઃ ।
દ્વિશ્છગલાણ્ડૌ શિખિશોણમેષમીનત્રિદણ્ડિ સાષાઢિ ॥ 13

દેવીકાન્તતદર્ધૌ દારુકહલિસોમનાથશર્માણઃ ।
જયવિજયજયન્તાજિતસુજયજયરુદ્રકીર્તનાવહકાઃ ॥ 14

તન્મૂર્ત્યુત્સાહદવર્ધનાશ્ચ બલસુબલભદ્રદાવહકાઃ ।
તદ્વાન્દાતા ચેશો નન્દનસમભદ્રતન્મૂર્તિઃ ॥ 15

શિવદસુમનઃસ્પૃહણકા દુર્ગો ભદ્રાખ્યકાલશ્ચ ।
ચેતો@નુગકૌશિકકાલવિશ્વસુશિવાસ્તથાપરઃ કોપઃ ॥ 16

શ્રુત્યગ્ન્યરે સ્યુરેતે સ્ત્રીપાઠાચ્છક્તયસ્ત્વેતાઃ ।
જુંકારો@થાગ્નિપત્નીતિ ષડરે ષણ્ઠવર્જિતાઃ ॥ 17

દ્વાદશારે તત્સહિતાઃ ષોડશારે સ્વરાઃ ક્રમાત્ ।
હલસ્તદ્દ્વિગુણે@ષ્ટારે યાદ્યં હાન્તં તુ તત્ત્રિકે ॥ 18

દ્વાત્રિંશદરકે સાન્તં બિન્દુઃ સર્વેષુ મૂર્ધનિ ।
એવમન્યાન્બહૂંશ્ચક્રભેદાનસ્માત્પ્રકલ્પયેત્ ॥ 19

એક એવ ચિદાત્મૈષ વિશ્વામર્શનસારકઃ ।
શક્તિસ્તદ્વાનતો માતા શબ્દરાશિઃ પ્રકીર્તિતૌ ॥ 20

તયોરેવ વિભાગે તુ શક્તિતદ્વત્પ્રકલ્પને ।
શબ્દરાશિર્માલિની ચ ક્ષોભાત્મ વપુરીદૃશમ્ ॥ 21

તથાન્તઃસ્થપરામર્શભેદને વસ્તુતસ્ત્રિકમ્ ।
અનુત્તરેચ્છોન્મેષાખ્યં યતો વિશ્વં વિમર્શનમ્ ॥ 22

આનન્દેશોર્મિયોગે તુ તત્ષટ્કં સમુદાહૃતમ્ ।
અન્તઃસ્થોષ્મસમાયોગાત્તદષ્ટકમુદાહૃતમ્ ॥ 23

તદામૃતચતુષ્કોનભાવે દ્વાદશકં ભવેત્ ।
તદ્યોગે ષોડશાખ્યં સ્યાદેવં યાવદસંખ્યતા ॥ 24

વિશ્વમેકપરામર્શસહત્વાત્પ્રભૃતિ સ્ફુટમ્ ।
અંશાંશિકાપરામર્શાન્ પર્યન્તે સહતે યતઃ ॥ 25

અતઃ પઞ્ચાશદૈકાત્મ્યં સ્વરવ્યક્તિવિરૂપતા ।
વર્ગાષ્ટકં વર્ણભેદ એકાશીતિકલોદયઃ ॥ 26

ઇતિ પ્રદર્શિતં પૂર્વમ્ અર્ધમાત્રાસહત્વતઃ ।
સ્વરાર્ધમપ્યસ્તિ યતઃ સ્વરિતસ્યાર્ધમાત્રકમ્ ॥ 27

તસ્યાદિત ઉદાત્તં તત્કથિતં પદવેદિના ।
ઇત્થં સંવિદિયં યાજ્યસ્વરૂપામર્શરૂપિણી ॥ 28

અભિન્નં સંવિદશ્ચૈતચ્ચક્રાણાં ચક્રવાલકમ્ ।
સ્વામ્યાવરણભેદેન બહુધા તત્પ્રયોજયેત્ ॥ 29

પરાપરા પરા ચાન્યા સૃષ્ટિસ્થિતિતિરોધયઃ ।
માતૃસદ્ભાવરૂપા તુ તુર્યા વિશ્રાન્તિરુચ્યતે ॥ 30

તચ્ચ પ્રકાશં વક્ત્રસ્થં સૂચિતં તુ પદે પદે ।
તુર્યે વિશ્રાન્તિરાધેયા માતૃસદ્ભાવસારિણિ ॥ 31

તથાસ્ય વિશ્વમાભાતિ સ્વાત્મતન્મયતાં ગતમ્ ।
ઇત્યેષ શાસ્ત્રાર્થસ્યોક્ત એકીકારો ગુરૂદિતઃ ॥ 32