તૈત્તિરીયોપનિષદ · અધ્યાય 2.6

અસન્નેવ સ ભવતિ । અસદબ્રહ્મેતિ વેદ ચેત્ । અસ્તિ બ્રહ્મેતિ ચેદ્વેદ । સન્તમેનં તતો વિદુરિતિ । તસ્યૈષ એવ શારીર આત્મા । યઃ પૂર્વસ્ય । અથાતો ઽનુપ્રશ્નાઃ । ઉતાવિદ્વાનમું લોકં પ્રેત્ય । કશ્ચન ગચ્છતી3 આહો વિદ્વાનમું લોકં પ્રેત્ય કશ્ચિત્સમશ્નુતા3ઉ । સો ઽકામયત । બહુ સ્યાં પ્રજાયેયેતિ । સ તપો ઽતપ્યત । સ તપસ્તપ્ત્વા । ઇદં સર્વમસૃજત । યદિદં કિઞ્ચ । તત્સૃષ્ટ્વા । તદેવાનુપ્રાવિશત્ । તદનુપ્રવિશ્ય । સચ્ચ ત્યચ્ચાભવત્ । નિરુક્તં ચાનિરુક્તં ચ । નિલયનં ચાનિલયનં ચ । વિજ્ઞાનં ચાવિજ્ઞાનં ચ । સત્યં ચાનૃતં ચ સત્યમભવત્ । યદિદં કિઞ્ચ । તત્સત્યમિત્યાચક્ષતે । અ તદપ્યેષ શ્લોકો ભવતિ ॥