તૈત્તિરીયોપનિષદ · અધ્યાય 1.3
સહ નૌ યશઃ । સહ નૌ બ્રહ્મવર્ચસમ્ । અથાતઃ સંહિતાયા ઉપનિષિદં વ્યાખ્યાસ્યામઃ । પઞ્ચસ્વધિકરણેષુ । અધિલોકમધિજ્યૌતિષમધિવિદ્યમધિપ્રજમધ્યાત્મમ્ । તા મહાસંહિતાયા ઇત્યાચક્ષતે । અથાધિલોકમ્ । પૃથિવી પૂર્વરૂપમ્ । દ્યૌરુત્તરરૂપમ્ । આકાશઃ સન્ધિઃ ॥
વાયુઃ સન્ધાનમ્ । ઇત્યધિલોકમ્ । અથાધિજૌતિષમ્ । અગ્નિઃ પૂર્વરૂપમ્ । આદિત્ય ઉત્તરરૂપમ્ । આપઃ સન્ધિઃ । વૈદ્યુતઃ સન્ધાનમ્ । ઇત્યધિજ્યૌતિષમ્ । અથાધિવિદ્યમ્ । આચાર્યઃ પૂર્વરૂપમ્ ॥
અન્તેવાસ્યુત્તરરૂપમ્ । વિદ્યા સન્ધિઃ । પ્રવચનં સન્ધાનમ્ । ઇત્યધિવિદ્યમ્ । અથાધિપ્રજમ્ । માતા પૂર્વરૂપમ્ । પિતોત્તરરૂપમ્ । પ્રજા સન્ધિઃ । પ્રજનનં સન્ધાનમ્ । ઇત્યધિપ્રજમ્ ॥
અથાધ્યાત્મમ્ । અધરા હનુઃ પૂર્વરૂપમ્ । ઉત્તરા હનુરુત્તર રૂપમ્ । વાક્સન્ધિઃ । જિહ્વાસન્ધાનમ્ । ઇત્યધ્યાત્મમ્ । ઇતીમા મહાસંહિતાઃ । ય એવમેતા મહાસંહિતા વ્યાખ્યાતા વેદ । સન્ધીયતે પ્રજયા પશુભિઃ । બ્રહ્મવર્ચસેનાન્નાદ્યેન સુવર્ગ્યેણ લોકેન ॥
મૂળ પાઠ: Taittirīya-Upaniṣad with Śaṃkarabhāṣya · Edition: Ten Principal Upaniṣads with Śaṅkarabhāṣya, Works of Śaṅkarācārya in original Sanskrit, vol. 1, Delhi: Motilal Banarsidass (first edition 1964, reprint 2007) Aitareya-Āraṇyaka Aitareya-Brāhmaṇa Aitareya-Upaniṣad Bṛhadāraṇyaka-Upaniṣad Bhagavad-Gītā Chāndogya-Upaniṣad Īśā-upaniśad Kaṭha-Upaniṣad Kauṣītaki-Upaniṣad Mānava-Dharma-Śastra Mahābhārata Muṇḍaka-Upaniṣad Praśna-Upaniśad Śatapatha-Brāhmaṇa · Data entry Ivan Andrijanić · GRETIL (Göttingen) · CC BY-NC-SA 4.0