સુબ્રહ્મણ્યભુજઙ્ગમ્ · અધ્યાય 1

સદા બાલરૂપાપિ વિઘ્નાદ્રિહન્ત્રી
મહાદન્તિવક્ત્રાપિ પઞ્ચાસ્યમાન્યા ।
વિધીન્દ્રાદિમૃગ્યા ગણેશાભિધા મે
વિધત્તાં શ્રિયં કાપિ કલ્યાણમૂર્તિઃ

ન જાનામિ શબ્દં ન જાનામિચાર્થં
ન જાનામિ પદ્યં ન જાનામિ ગદ્યમ્ ।
ચિદેકા ષડાસ્યા હૃદિ દ્યોતતે મે
મુખાન્નિઃસરન્તે ગિરશ્ચાપિ ચિત્રમ્

મયૂરાધિરૂઢં મહાવાક્યગૂઢં
મનોહારિદેહં મહચ્ચિત્તગેહમ્ ।
મહીદેવદેવં મહાવેદભાવં
મહાદેવબાલં ભજે લોકપાલમ્

યદા સન્નિધાનં ગતા માનવા મે
ભવામ્ભોધિપારં ગતાસ્તે તદૈવ ।
ઇતિ વ્યઞ્જયન્સિન્ધુતીરે ય આસ્તે
તમીડે પવિત્રં પરાશક્તિ પુત્રમ્

યથાબ્ધેસ્તરઙ્ગા લયં યાન્તિ તુઙ્ગા-
સ્થૈવાપદઃ સન્નિધૌ સેવતાં મે ।
ઇતીવોર્મિપઙ્ગક્તીર્નૃણાં દર્શયન્તં
સદા ભાવયે હૃત્સરોજે ગુહં તમ્

ગિરૌ મન્નિવાસે નરા યેઽધિરૂઢા-
સ્તદા પર્વતે રાજતે તેઽધિરૂઢાઃ ।
ઇતીવ બ્રુવન્ ગન્ધશૈલાધિરૂઢઃ
સ દેવો મુદે મે સદા ષણ્મુખોઽસ્તુ

મહામ્ભોધિતીરે મહાપાપચોરે
મુનીન્દ્રાનુકૂલે સુગન્ધાખ્યશૈલે ।
ગુહાયાં વસન્તં સ્વભાસા લસન્તં
જનાર્તિં હરન્તં શ્રયામો ગુહં તમ્

લસત્વર્ણગેહે નૃણાં કામદોહે
સુમસ્તોમસંછન્નમાણિક્યમઞ્ચે ।
સમુદ્યત્સહસ્રાર્કતુલ્યપ્રકાશં
સદા ભાવયે કાર્તિકેયં સુરેશમ્

રણદ્ધંસકે મઞ્જુલેઽત્યન્તશોણે
મનોહારિલાવણ્યપીયૂષપૂર્ણે ।
મનઃષટ્પદો મે ભવત્ક્લેશતપ્તઃ
સદા મોદતાં સ્કન્દ તે પાદપદ્મે

સુવર્ણાભદિવ્યામ્બરૈર્ભાસમાનાં
ક્વણત્કિઙ્કિણીમેખલાશોભમાનામ્ ।
લસદ્ધેમપટ્ટેન વિદ્યોતમાનાં
કટિં ભાવયે સ્કન્દ તે દીપ્યમાનામ્

પુલિન્દેશકન્યાઘનાભોગતુઙ્ગ્-
સ્તનાલિઙ્ગનાસક્તકાશમીરરાગમ્ ।
નમસ્યામહં તારકરે તવોરઃ
સ્વભક્તાવને સર્વદા સાનુરાગમ્

વિધૌકૢપ્તદણ્ડાન્સ્વલીલાધૃતાણ્ડા-
ન્નિરસ્તેભશુણ્ડાન્દ્વિષત્કાલદણ્ડાન્ ।
હતેન્દ્રારિષણ્ડાઞ્જગત્રાણશૌણ્ડાન્
સદા તે પ્રચણ્ડાઞ્શ્રયે બાહુદણ્ડાન્

સદા શારદાઃ ષણ્મૃગાઙ્કા યદિ સ્યુઃ
સમુદ્યન્ત એવ સ્થિતાશ્ચેત્સમન્તાત્ ।
સદા પૂર્ણબિમ્બાઃ કલઙ્કૈશ્ચ હીના-
સ્તદા ત્વન્મુખાનાં બ્રુવે સ્કન્દ સામ્યમ્

સ્ફુરન્મન્દહાસૈઃ સહંસાનિ ચઞ્ચ-
ત્કટાક્ષાવલીભૃઙ્ગસંઘોજ્જ્વલાનિ ।
સુધાસ્યાન્દિબિમ્બાધરાણીશસૂનો
તવાલોકયે ષણ્મુખામ્ભોરુહાણિ

વિશાલેષુ કર્ણાન્તદીર્ઘેષ્વજસ્ત્રં
દયાસ્યન્દિષુ દ્વાદશસ્વીક્ષણેષુ ।
મયીષત્કટાક્ષઃ સકૃત્પાતિતશ્ચે-
દ્ભવેતે દયાશીલ કા નામ હાનિઃ

સુતાઙ્ગોદ્ભવો મેઽસિ જીવેતિ ષડ્ધા
જપન્મન્ત્રમીશો મુદા ચિઘ્રતે યાન્ ।
જગદ્ભારભૃદ્ભ્યો જગન્નાથ તેભ્યઃ
કિરીટોજ્જ્વલેભ્યો નમો મસ્તકેભ્યઃ

સ્ફુરદ્રત્નકેયૂરહારાભિરામ-
શ્ચલત્કુણ્ડલશ્રીલસદ્ગણ્ડભાગઃ ।
કટૌ પીતવાસાઃ કરે ચારુ શક્તિઃ
પુરસ્તાન્મમાસ્તાં પુરારેસ્તનૂજઃ

ઇહાયાહિ વત્સેતિ હસ્તાન્પ્રસાર્યા-
હ્વયત્યાદરાચ્છંકરે માતુરઙ્કાત્ ।
સમુત્પત્ય તાતં શ્રયન્તં કુમારં
હરાશ્લિષ્ટગાત્રં ભજે બાલમૂર્તિમ્

કુમારેશસૂનો ગુહ સ્કન્દ સેના-
પતે શક્તિપાણે મયૂરાધિરૂઢ ।
પુલિન્દાત્મજાકાન્ત ભક્તાર્તિહારિન્
પ્રભો તારકરે સદા રક્ષ માં ત્વમ્

પ્રશાન્તેન્દ્રિયે નષ્ટસંજ્ઞે વિચેષ્ટે
કફોદ્ગારિવક્ત્રે ભયોત્કમ્પિગાત્રે ।
પ્રયાણોન્મુખે મય્યનાથે તદાનીં
દ્રુતં મે દયાલો ભવાગ્રે ગુહં ત્વમ્

કૃતાન્તસ્ય દૂતેષુ ચણ્ડેષુ કોપા-
દ્દહ ચ્છિન્દ્ધિ ભિન્દ્ધીતિ માં તર્જયત્સુ ।
મયૂરં સમારુહ્ય મા ભૈરિતિ ત્વં
પુરઃ શક્તિપાણિર્મમાયાહિ શીઘ્રમ્

પ્રણમ્યાસકૃતપાદયોસ્તે પતિત્વા
પ્રસાદ્ય પ્રભો પાર્થયેઽનેકવારમ્ ।
ન વક્તું ક્ષમોહં તદાનીં કૃપાબ્ધે
ન કાર્યાન્તકાલે મનાગપ્યુપેક્ષા

સહસ્રાણ્ડભોક્તા ત્વયા શૂરનામા
હતસ્તારકઃ સિંહવક્ત્રશ્ચ દૈત્યઃ ।
મમાન્તર્હૃદિસ્થં મનઃક્લેશમેકં
ન હંસિ પ્રભો કિં કરોમિ ક્વ યામિ

અહં સર્વદા દુઃખભારાવસન્નો
ભવાન્ દીનબન્ધુસ્ત્વદન્યં ન યાચે ।
ભવદ્ભક્તિરોધં સદા ક્લૃપ્તબાધં
મમાધિં દુતં નાશયોમાસુત ત્વમ્

અપસ્મારકુષ્ટક્ષયાર્શઃપ્રમેહ-
જ્વરન્માદિગુલ્માદિરોગા મહાન્તઃ ।
પિશાચાશ્ચ સર્વે ભવત્પત્રભૂતિં
વિલોક્યક્ષણાત્તરકારે દ્રવન્તે

દૃશિ સ્કન્દમૂર્તિઃ શ્રુતૌ સ્કન્દકીર્તિ-
ર્મુખે મે પવિત્રં સદા તચ્ચરિત્રમ્ ।
કરે તસ્ય કૃત્યં વપુસ્તસ્ય ભૃત્યં
ગુહે સન્તુ લીના મમાશેષભાવાઃ

મુનીનામુતહો નૃણાં ભક્તિભાજા-
મભીષ્ટપ્રદાઃ સન્તિ સર્વત્ર દેવાઃ ।
નૃણામન્ત્યજાનામપિ સ્વાર્થદાને
ગુહાદ્દેવમન્યં ન જાને ન જાને

કલત્રં સુતા બન્ધુવર્ગઃ પશુર્વા
નરો વાથ નારી ગૃહે યે મદીયાઃ ।
યજન્તો નમન્તઃ સ્તુવન્તો ભવન્તં
સ્મરન્તશ્ચ તે સન્તુ સર્વે કુમાર

મૃગાઃ પક્ષિણો દંશકા યે ચ દુષ્ટા-
સ્તથા વ્યાધયો બાધકા યે મદઙ્ગે ।
ભવચ્છક્તિતીક્ષ્ણાગ્રભિન્નાઃ સુદૂરે
વિનશ્યન્તુ તે ચૂર્ણિતક્રૌઞ્ચશૈલે

જનિત્રી પિતા ચ સ્વપુત્રાપરાધં
સહેતે ચ કિં દેવસેનાધિનાથ ।
અહં ચાતિબાલો ભવાન્ લોકતાતઃ
ક્ષમસ્વાપરાધં સમસ્તં મહેશ

નમઃ કેકિને શક્તયે ચાપિ તુભ્યં
નમશ્ચાગ તુભ્યં નમઃ કુક્કુટાય ।
નમઃ સિન્ધવે સિન્ધુદેશાય તુભ્યં
પુનઃ સ્કન્દમૂર્તે નમસ્તે નમોઽસ્તુ

જયાનન્દભૂમઞ્જયાપારધામ-
ઞ્જયામોઘકીર્તે જયાનન્દમૂર્તે ।
જયાનન્દ સિન્ધો જયાશેષબન્ધો
જય ત્વં પિતા મુક્તિદાનેશસૂનો

ભુજઙ્ગાખ્યવૃત્તેન ક્લૃપ્તં સ્તવં યઃ
પઠેત્ભક્તિયુક્તો ગુહં સંપ્રણમ્ય ।
સ પુત્રાન્કલત્રં ધનં દીર્ઘમાયુ-
ર્લભેત્સ્કન્દસાયુજ્યમન્તે નરઃ સઃ