શ્રીસદાશિવેન્દ્રસ્તવઃ · અધ્યાય 1

પરતત્ત્વલીનમનસે
પ્રણમદ્ભવબન્ધમોચનાયાશુ ।
પ્રકટિતપરતત્ત્વાય
પ્રણતિં કુર્મઃ સદાશિવેન્દ્રાય

પરમશિવેન્દ્રકરામ્બુજ-
સમ્ભૂતાય પ્રણમ્રવરદાય ।
પદધૂતપઙ્કજાય
પ્રણતિં કુર્મઃ સદાશિવેન્દ્રાય

વિજનનદીકુઞ્જગૃહે
મઞ્જુલપુલિનૈકમઞ્જુતરતલ્પે ।
શયનં કુર્વાણાય
પ્રણતિં કુર્મઃ સદાશિવેન્દ્રાય

કામાહિદ્વિજપતયે
શમદમમુખદિવ્યરત્નવારિધયે ।
શમનાય મોહવિતતેઃ
પ્રણતિં કુર્મઃ સદાશિવેન્દ્રાય

નમદાત્મબોધદાયા-
રમતે પરમાત્મતત્ત્વસૌધાગ્રે ।
સમબુદ્ધયેઽશ્મહેમ્નોઃ
પ્રણતિં કુર્મઃ સદાશિવેન્દ્રાય

ગિલિતાવિદ્યાહાલા-
હલહતપુર્યષ્ટકાય બોધેન ।
મોહાન્ધકારરવયે
પ્રણતિં કુર્મઃ સદાશિવેન્દ્રાય

શમમુખષટ્કમુમુક્ષા-
વિવેકવૈરાગ્યદાનનિરતાય ।
તરસા નતજનતતયે
પ્રણતિં કુર્મઃ સદાશિવેન્દ્રાય

સિદ્ધાન્તકલ્પવલ્લી-
મુખકૃતીકર્ત્રે કપાલિભક્તિકૃતે ।
કરતલમુક્તિફલાય
પ્રણતિં કુર્મઃ સદાશિવેન્દ્રાય

તૃણપઙ્કલિપ્તવપુષે
તૃણતોઽપ્યધરં જગદ્વિલોકયુતે ।
વનમધ્યવિહરણાય
પ્રણતિં કુર્મઃ સદાશિવેન્દ્રાય

નિગૃહીતહૃદયહરયે
પ્રગૃહીતાત્મસ્વરૂપરત્નાય ।
પ્રણતાબ્ધિપૂર્ણશશિને
પ્રણતિં કુર્મઃ સદાશિવેન્દ્રાય

અજ્ઞાનતિમિરરવયે
પ્રજ્ઞાનામ્ભોધિપૂર્ણચન્દ્રાય ।
પ્રણતાઘવિપિનશુચયે
પ્રણતિં કુર્મઃ સદાશિવેન્દ્રાય

મતિમલમોચનદક્ષ-
પ્રત્યગ્બ્રહ્મૈક્યદાનનિરતાય ।
સ્મૃતિમાત્રતુષ્ટમનસે
પ્રણતિં કુર્મઃ સદાશિવેન્દ્રાય

નિજગુરુપરમશિવેન્દ્ર-
શ્લાઘિતવિજ્ઞાનકાષ્ઠાય ।
નિજતત્ત્વનિશ્ચલહૃદે
પ્રણતિં કુર્મઃ સદાશિવેન્દ્રાય

પ્રવિલાપ્ય જગદશેષં
પરિશિષ્ટાખણ્ડવસ્તુનિરતાય ।
આસ્યપ્રાપ્તાન્નભુજે
પ્રણતિં કુર્મઃ સદાશિવેન્દ્રાય

ઉપધાનીકૃતબાહુઃ
પરિરબ્ધવિરક્તિરામો યઃ ।
વસનીકૃતખાયાસ્મૈ
પ્રણતિં કુર્મઃ સદાશિવેન્દ્રાય

સકલાગમાન્તસાર-
પ્રકટનદક્ષાય નમ્રપક્ષાય ।
સચ્ચિત્સુખરૂપાય
પ્રણતિં કુર્મઃ સદાશિવેન્દ્રાય

દ્રાક્ષાશિક્ષણચતુર-
વ્યાહારાય પ્રભૂતકરુણાલય ।
વીક્ષાપાવિતજગતે
પ્રણતિં કુર્મઃ સદાશિવેન્દ્રાય

યોઽનુત્પન્નવિકારો
બાહૌ મ્લેચ્છેન છિન્નપતિતેઽપિ ।
અવિદિતમમતાયાસ્મૈ
પ્રણતિં કુર્મઃ સદાશિવેન્દ્રાય

ન્યપતન્સુમાનિ મૂર્ધનિ
યેનોચ્ચરિતેષુ નામસૂગ્રસ્ય ।
તસ્મૈ સિદ્ધવરાય
પ્રણતિં કુર્મઃ સદાશિવેન્દ્રાય

યઃ પાપિનોઽપિ લોકાં-
સ્તરસા પુણ્યનિષ્ઠાગ્ર્યાન્ ।
કરુણામ્બુરાશયેઽસ્મૈ
પ્રણતિં કુર્મઃ સદાશિવેન્દ્રાય

સિદ્ધેશ્વરાય બુદ્ધેઃ
શુદ્ધિપ્રદપાદપદ્મનમનાય ।
બદ્ધૌઘમોચકાય
પ્રણતિં કુર્મઃ સદાશિવેન્દ્રાય

હૃદ્યાય લોકવિતતેઃ
પદ્યાવલિદાય જન્મમૂકેભ્યઃ ।
પ્રણતેભ્યઃ પદયુગલે
પ્રણતિં કુર્મઃ સદાશિવેન્દ્રાય

જિહ્વોપસ્થરતાન-
પ્યાહ્વોચ્ચારેણ જાતુ નૈજસ્ય ।
કુર્વાણાય વિરક્તાન્
પ્રણતિં કુર્મઃ સદાશિવેન્દ્રાય

કમનીયકામાનાકર્ત્રે
શમનીયભયાપહારચતુરાય ।
તપનીયસદૃશવપુષે
પ્રણતિં કુર્મઃ સદાશિવેન્દ્રાય

તારકવિદ્યાદાત્રે
તારાપતિગર્વવારકાસ્યાય ।
તારજપપ્રવણાય
પ્રણતિં કુર્મઃ સદાશિવેન્દ્રાય

મૂકોઽપિ યત્કૃપા
ચેલ્લોકોત્તરકીર્તિરાશુ જાયેત ।
અદ્ભુતચરિતાયાસ્મૈ
પ્રણતિં કુર્મઃ સદાશિવેન્દ્રાય

દુર્જનદૂરાયતરાં
સજ્જનસુલભાય પાત્રહસ્તાય ।
તરુતલનિકેતનાય
પ્રણતિં કુર્મઃ સદાશિવેન્દ્રાય

ભવસિન્ધુતારયિત્રે
ભવભક્તાય પ્રણમ્રવશ્યાય ।
ભવબન્ધવિરહિતાય
પ્રણતિં કુર્મઃ સદાશિવેન્દ્રાય

ત્રિવિધસ્યાપિ ત્યાગં
વપુષઃ કર્તું સ્થલત્રયે ય ઇવ ।
અકરોત્સમાધિમસ્મૈ
પ્રણતિં કુર્મઃ સદાશિવેન્દ્રાય

કામિનપિ જિતહૃદયં
ક્રૂરં શાન્તં જડં સુધિયમ્ ।
કુરુતે યત્કરુણાસ્મૈ
પ્રણતિં કુર્મઃ સદાશિવેન્દ્રાય

વેદસ્મૃતિસ્થવિદ્વ-
લ્લક્ષણલક્ષ્યેષુ સન્દિહાનાનામ્ ।
નિશ્ચયકૃતે વિહર્ત્રે
પ્રણતિં કુર્મઃ સદાશિવેન્દ્રાય

બાલારુણનિભવપુષે
લીલાનિર્ધૂતકામગર્વાય ।
લોલાય ચિતિ પરસ્યાં
પ્રણતિં કુર્મઃ સદાશિવેન્દ્રાય

શરણીકૃતાય સુગુણૈ-
શ્ચરણીકૃતરક્તપઙ્કજાય ।
ધરણીસદૃક્ક્ષમાય
પ્રણતિં કુર્મઃ સદાશિવેન્દ્રાય

પ્રણતાય યતિવરેણ્યૈર્-
ગણનાથેનાપ્યહાર્યવિઘ્નહૃતે ।
ગુણદાસીકૃતજગતે
પ્રણતિં કુર્મઃ સદાશિવેન્દ્રાય

સહમાનાય સહસ્રાણ્ય-
પરાધાન્ પ્રણમ્રજનરચિતાન્ ।
સહસ્યૈવ મોક્ષદાત્રે
પ્રણતિં કુર્મઃ સદાશિવેન્દ્રાય

ધૃતદેહાય નતાવલિ-
તૂર્ણપ્રજ્ઞાપ્રદાનવાઞ્છતઃ ।
શ્રીદક્ષિણવક્ત્રાય
પ્રણતિં કુર્મઃ સદાશિવેન્દ્રાય

તાપત્રયાર્તહૃદય-
સ્તાપત્રયહારદક્ષનમનમહમ્ ।
ગુરુવરબોધિતમહિમા
પ્રણતિં કુર્મઃ સદાશિવેન્દ્રાય

સદાત્મનિ વિલીનહૃત્સકલવેદશાસ્ત્રાર્થવિત્
સરિત્તટવિહારકૃત્સકલલોકહૃત્તાપહૃત્ ।
સદાશિવપદામ્બુજપ્રણતલોકલભ્યે પ્રભો
સદાશિવયતેટ્ સદા મયિ કૃપામપારાં કુરુ

પુરા યવનકર્તનસ્રવદમન્દરક્તોઽપિ યઃ
પુનઃ પદસરોરુહપ્રણતમેનમેનોનિધિમ્ ।
કૃપાપરવશઃ પદં પતનવર્જિતં પ્રાપયત્
સદાશિવયતીટ્ સ મય્યનવધિં કૃપાં સિઞ્ચતુ

હૃષીકહૃતચેતસિ પ્રહૃતદેહકે રોગકૈ-
રનેકવૃજિનાલયે શમદમાદિગન્ધોઇજ્ઝતે ।
તવાઙ્ઘ્રિપતિતે યતૌ યતિપતે મહાયોગિરાટ્
સદાશિવ કૃપાં મયિ પ્રકુરુ હેતુશૂન્યાં દ્રુતમ્

ન ચાહમતિચાતુરીરચિતશબ્દસઙ્ઘૈઃ સ્તુતિં
વિધાતુમપિ ચ ક્ષમો ન ચ જપાદિકેઽપ્યસ્તિ મે ।
બલં બલવતાં વર પ્રકુરુ હેતુશૂન્યાં વિભો
સદાશિવ કૃપાં મયિ પ્રવર યોગિનાં સત્વરમ્

શબ્દાર્થવિજ્ઞાનયુતા હિ લોકે
વસન્તિ લોકા બહવઃ પ્રકામમ્ ।
નિષ્ઠાયુતા ન શ્રુતદૃષ્ટપૂર્વા
વિના ભવન્તં યતિરાજ નૂનમ્

સ્તોકાર્ચનપ્રીતહૃદમ્બુજાય
પાકાબ્જચૂડાપરરૂપધર્ત્રે ।
શોકાપહર્ત્રે તરસા નતાનાં
પાકાય પુણ્યસ્ય નમો યતીશે

નાહં હૃષીકાણિ વિજેતુમીશો
નાહં સપર્યાભજનાદિ કર્તુમ્ ।
નિસર્ગયા ત્વં દયયૈવ પાહિ
સદાશિવેમં કરુણાપયોધે

કૃતયાનયા નતાવલિ-
કોટિગતેનાતિમન્દબોધેન ।
મુદમેહિ નિત્યતૃપ્ત-
પ્રવર સ્તુત્યા સદાશિવાશ્વાશુ

॥ ઇતિ શૃઙ્ગગિરિજગદ્ગુરુ શ્રીશ્રી સચ્ચિદાનન્દશિવાભિનવનૃસિંહભારતીમહાસ્વામિભિઃ વિરચિતઃ શ્રીસદાશિવેન્દ્રસ્તવઃ ॥