શ્રીમહાગણેશપઞ્ચરત્નમ્ · અધ્યાય 1

મુદા કરાત્ત મોદકં સદા વિમુક્તિ સાધકં
કલાધરાવતંસકં વિલાસિ લોક રક્ષકમ્ .
અનાયકૈક નાયકં વિનાશિતેભ દૈત્યકં
નતાશુભાશુ નાશકં નમામિ તં વિનાયકમ્ .. ૧..
નતેતરાતિ ભીકરં નવોદિતાર્ક ભાસ્વરં
નમત્ સુરારિ નિર્જરં નતાધિકાપદુદ્ધરમ્ .
સુરેશ્વરં નિધીશ્વરં ગજેશ્વરં ગણેશ્વરં
મહેશ્વરં તમાશ્રયે પરાત્પરં નિરન્તરમ્ .. ૨..
સમસ્ત લોક શંકરં નિરાસ્ત દૈત્ય કુન્જરં
દરેતરોદરં વરં વરેભવક્ત્રં અક્ષરમ્ .
કૃપાકરં ક્ષમાકરં મુદાકરં યશસ્કરં
મનસ્કરં નમસ્કૃતાં નમસ્કરોમિ ભાસ્વરમ્ .. ૩..
અકિંચનાર્તિ મર્જનં ચિરન્તનોક્તિ ભાજનં
પુરારિપૂર્વનન્દનં સુરારિ ગર્વ ચર્વણમ્ .
પ્રપઞ્ચનાશ ભીષણં ધનંજયાદિ ભૂષણં
કપોલદાનવારણં ભજે પુરાણવારણમ્ .. ૪..
નિતાન્ત કાન્ત દન્તકાન્તિમન્તકાન્તકાત્મજં
અચિન્ત્યરૂપમન્તહીનમન્તરાય કૃન્તનમ્ .
હૃદન્તરે નિરન્તરં વસન્તમેવ યોગિનાં
તમેકદન્તમેકમેવ ચિન્તયામિ સન્તતમ્ .. ૫..
.. ફલ શ્રુતી ..
મહાગણેશ પઞ્ચરત્નં આદરેણ યોન્ઽવહં
પ્રજલ્પતિ પ્રભાતકે હૃદિ સ્મરન્ં ગણેશ્વરમ્ .
અરોગતાં અદોષતાં સુસાહિતીં સુપુત્રતાં
સમાહિતાયુરષ્ટ ભૂતિમભ્યુપૈતિ સોઽચિરત્ ..
.. ઇતિ શ્રી શંકરાચાર્ય વિરચિતં શ્રી મહાગણેશ પઞ્ચરત્નં સંપૂર્ણમ્ ..