શ્રીબિલ્વાષ્ટકમ્ · અધ્યાય 1

ત્રિદલં ત્રિગુણાકારં ત્રિણેત્રં ચ ત્રિયાયુધમ્ ।
ત્રિજન્મપાપસંહારમ્ એકબિલ્વં શિવાર્પણમ્

ત્રિશાકૈર્બિલ્વપત્રૈશ્ચ અચ્છિદ્રૈઃ કોમલૈશ્શુભૈઃ ।
તવ પૂજાં કરિષ્યામિ એકબિલ્વં શિવાર્પણમ્

દર્શનં બિલ્વવૃક્ષસ્ય સ્પર્શનં પાપનાશનમ્ ।
અઘોરપાપસંહારમ્ એકબિલ્વં શિવાર્પણમ્

કાશીક્ષેત્રનિવાસં ચ કાલભૈરવદર્શનમ્ ।
પ્રયાગે માધવં દૃષ્ટ્વા એકબિલ્વં શિવાર્પણમ્

તુલસી બિલ્વનિર્ગુણ્ડી જંબીરામલકં તથા ।
પઞ્ચબિલ્વમિતિ ખ્યાતા એકબિલ્વં શિવાર્પણમ્

તટાકં ધનનિક્ષેપં બ્રહ્મસ્થાપ્યં શિવાલયમ્ ।
કોટિકન્યામહાદાનમ્ એકબિલ્વં શિવાર્પણમ્

દન્ત્યશ્વકોટિદાનાનિ અશ્વમેધશતાનિ ચ ।
કોટિકન્યામહાદાનમ્ એકબિલ્વં શિવાર્પણમ્

સાલગ્રામસહસ્રાણિ વિપ્રાન્નં શતકોટિકમ્ ।
યજ્ઞકોટિસહસ્રાણિ એકબિલ્વં શિવાર્પણમ્

અજ્ઞાનેન કૃતં પાપં જ્ઞાનેનાપિ કૃતં ચ યત્ ।
તત્સર્વં નાશમાયાતુ એકબિલ્વં શિવાર્પણમ્

એકૈકબિલ્વપત્રેણ કોટિયજ્ઞફલં લભેત્ ।
મહાદેવસ્ય પૂજાર્થમ્ એકબિલ્વં શિવાર્પણમ્

અમૃતોદ્ભવવૃક્ષસ્ય મહાદેવપ્રિયસ્ય ચ ।
મુચ્યન્તે કણ્ટકાઘાતા કણ્ટકેભ્યો હિ માનવાઃ