શ્રી સુબ્રહ્મણ્યપઞ્ચરત્નમ્ · અધ્યાય 1

ષડાનનં ચન્દનલેપિતાઙ્ગં મહોરસં દિવ્યમયૂરવાહનમ્ ।
રુદ્રસ્ય સૂનું સુરલોકનાથં બ્રહ્મણ્યદેવં શરણં પ્રપદ્યે

જાજ્વલ્યમાનં સુરવૃન્દવન્દ્યં કુમાર ધારાતટ મન્દિરસ્થમ્ ।
કન્દર્પરૂપં કમનીયગાત્રં બ્રહ્મણ્યદેવં શરણં પ્રપદ્યે

દ્વિષડ્ભુજં દ્વાદશદિવ્યનેત્રં ત્રયીતનું શૂલમસી દધાનમ્ ।
શેષાવતારં કમનીયરૂપં બ્રહ્મણ્યદેવં શરણં પ્રપદ્યે

સુરારિ ઘોરાહવશોભમાનં સુરોત્તમં શક્તિધરં કુમારમ્ ।
સુધાર શક્ત્યાયુધ શોભિહસ્તં બ્રહ્મણ્યદેવં શરણં પ્રપદ્યે

ઇષ્ટાર્થસિદ્ધિપ્રદમીશપુત્રં મિષ્ટાન્નદં ભૂસુર કામધેનુમ્ ।
ગઙ્ગોદ્ભવં સર્વજનાનુકૂલં બ્રહ્મણ્યદેવં શરણં પ્રપદ્યે

યઃ શ્લોકપઞ્ચમિદં પઠતીહ ભક્ત્યા બ્રહ્મણ્યદેવ વિનિવેશિત માનસઃ સન્ ।
પ્રાપ્નોતિ ભોગમખિલં ભુવિ યદ્યદિષ્ટ- મન્તે સ ગચ્છતિ મુદા ગુહસામ્યમેવ ॥
॥ ઇતિ શ્રી સુબ્રહ્મણ્યપઞ્ચરત્નં સમાપ્તમ્ ॥