સ્કંદ પુરાણ · અધ્યાય 7.329

॥ ઈશ્વર ઉવાચ ॥ ॥
અથોત્તરે દેવકુલાત્તત્ર ગવ્યૂતિમાત્રતઃ ॥
ઉત્તમસ્થાનમિતિ ચ પ્રખ્યાતં ધરણીતલે

તસ્યોત્તરે તુ દિગ્ભાગે ધનુર્દ્વાદશકાંતરે ॥
ઉન્નતો વિઘ્નરાજસ્તુ સર્વપ્રત્યૂહનાશનઃ

ચતુર્થ્યાં પૂજિતઃ સમ્યક્સુગંધૈઃ ફલમોદકૈઃ ॥ દદાતિ વાંછિતાન્કામાંસ્ત્રૈલોક્યે વિજયી ભવેત્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસ ખણ્ડે પ્રથમે પ્રભાસક્ષેત્રમાહાત્મ્ય ઉન્નતવિનાયકમાહાત્મ્યવર્ણનંનામૈકોનત્રિંશદુત્તરત્રિશતતમોઽધ્યાયઃ