સ્કંદ પુરાણ · અધ્યાય 7.275

॥ ઈશ્વર ઉવાચ ॥ ॥
તતો ગચ્છેન્મહાદેવિ દેવં ચૈવ ત્રિલોચનમ્ ॥
ઋષિતીર્થસમીપે તુ સર્વપાતકનાશનમ્ ॥
ન્યઙ્કુમત્યુત્તરે કૂલ ઋષિભિઃ પૂજિતં પુરા

ત્રિનેત્રા મત્સ્યકા યત્ર જલં સ્ફટિકસન્નિભમ્ ॥
તત્ર સ્નાત્વા નરો દેવિ મુચ્યતે બ્રહ્મહત્યયા

કૃષ્ણપક્ષે ચતુર્દ્દશ્યાં માસે ભાદ્રપદે તથા ॥
ઉપવાસં તુ કુર્વીત રાત્રૌ જાગરણં તથા

પ્રાતઃ શ્રાદ્ધં પ્રકુર્વીત વિધિવત્પૂજયેચ્છિવમ્ ॥
રુદ્રલોકે વસેદ્દેવિ વર્ષાણામયુતત્રયમ્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે ત્રિનેત્રેશ્વરમાહાત્મ્યવર્ણનંનામ પઞ્ચસપ્તત્યુત્તરદ્વિશતતમોઽધ્યાયઃ