સ્કંદ પુરાણ · અધ્યાય 7.273

॥ ઈશ્વર ઉવાચ ॥ ॥
તતો ગચ્છેન્મહાદેવિ શંડતીર્થમનુત્તમમ્ ॥
સર્વપાપોપશમનં સર્વકામફલપ્રદમ્

તસ્યોત્પત્તિં પ્રવક્ષ્યામિ શૃણુષ્વૈકમનાઃ પ્રિયે ॥
પુરા પંચશિરા આસીદ્બ્રહ્મા લોકપિતામહઃ

શિરસ્તસ્ય મયા છિન્નં કસ્મિંશ્ચિત્કારણાંતરે ॥
તત્ર ગંધવતી જાતા બ્રહ્મણઃ સા ચ શોણિતૈઃ

તત્રોદ્ગતા મહાતાલાસ્તેન તાલવનં સ્મૃતમ્ ॥
અથ કરતલે લગ્નં કપાલં બ્રહ્મણો મમ

શરીરં કૃષ્ણતાં યાતં મમ ચૈવ વૃષસ્ય ચ ॥
અથ તીર્થાન્યનેકાનિ ગતોહં પાપશંકયા

ન ક્વચિદ્વ્રજતે પાપં તતઃ પ્રભાસમાગતઃ ॥
ક્ષેત્રે તત્ર મયા દૃષ્ટા પ્રાચી દેવી સરસ્વતી

તત્ર મે વૃષભઃ સ્નાતું પ્રવિષ્ટો જલમધ્યતઃ ॥
તત્ક્ષણાચ્છ્વેતતા પ્રાપ્તો મુક્તોહમપિ હત્યયા

કરમધ્યે ચ મે લગ્નં કપાલં પતિતં તદા ॥
કપાલમોચનશ્ચાસૌ લિંગરૂપી સ્થિતોઽભવત્

તત્રાપિ યો દદેચ્છ્રાદ્ધં પ્રાચીદેવ્યાસ્તુ સંનિધૌ ॥
માતૃકં પૈતૃકં ચૈવ તૃપ્તં કુલશતં તથા

ભવેચ્ચ તસ્ય તૃપ્તિસ્તુ યાવત્કલ્પાસ્તુ સપ્તતિઃ ॥
માસ આશ્વયુજે દેવિ કૃષ્ણપક્ષે ચતુર્દશી ॥
તત્ર દદ્યાત્તુ યઃ શ્રાદ્ધં દક્ષિણામૂર્તિમાશ્રિતઃ

યથાવિત્તોપચારેણ સુપાત્રે ચ યથાવિધિ ॥
યાવદ્યુગસહસ્રં તુ તૃપ્તાઃ સ્યુસ્તે પિતામહાઃ

અન્નસુવર્ણદાનં ચ દધિકંબલમેવ ચ ॥
તત્ર દેયં વિધાનેન સર્વપાપોપશુદ્ધયે

કૃષ્ણરૂપી વૃષો દેવિ યદા શ્વેતત્વમાગતઃ ॥
શંડતીર્થમિતિખ્યાતં તેન ત્રૈલોક્યપૂજિતમ્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસ ખણ્ડે પ્રથમે પ્રભાસક્ષેત્રમાહાત્મ્યે શંડતીર્થમાહાત્મ્યવર્ણનંનામ ત્રિસપ્તત્યુત્તરદ્વિશતતમોઽધ્યાયઃ