સ્કંદ પુરાણ · અધ્યાય 7.229

॥ ઈશ્વર ઉવાચ ॥ ॥
તતો ગચ્છેન્મહાદેવિ ગંગાં ત્રિપથગામિનીમ્ ॥
અનરકેશતો દેવિ ઐશાન્યાં દિશિ સંસ્થિતામ્

સ્વયંભૂતાં ધરામધ્યાદાનીતાં વિષ્ણુના પુરા ॥
યાદવાનાં તુ મુક્ત્યર્થં સર્વપાપોપશાન્તયે

યસ્તત્ર કુરુતે સ્નાનં કથંચિત્પુણ્યસંચયાત્ ॥
શ્રાદ્ધં ચૈવ વિધાનેન ન સ શોચેત્કૃતાકૃતે

બ્રહ્માણ્ડં સકલં દત્ત્વા યત્પુણ્યફલમાપ્નુયાત્ ॥
તત્પુણ્યં પ્રાપ્નુયાદ્દેવિ કાર્તિક્યાં જાહ્નવીજલે

કલૌ યુગે તુ સંપ્રાપ્તે દુર્લ્લભં તત્ર દર્શનમ્॥
કિં પુનઃ સ્નાનદાનં તુ પ્રભાસે જાહ્નવીજલે

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે ગંગામાહાત્મ્યવર્ણનંનામૈકોનત્રિંશદુત્તરદ્વિશતતમોઽધ્યાયઃ