સ્કંદ પુરાણ · અધ્યાય 7.215

॥ ઈશ્વર ઉવાચ ॥ ॥
તતો ગચ્છેન્મહાદેવિ કુમારેશ્વરમુત્તમમ્ ॥
માર્કણ્ડેશ્વરતો દેવિ દક્ષિણે નાતિદૂરતઃ ॥
ધનુર્વિંશતિભિસ્તત્ર સ્થિતં સ્વામિપ્રતિષ્ઠિતમ્

તતઃ કૃત્વા તપો ઘોરં કાર્ત્તિકેયેન ભાભિનિ ॥
પરદારાપહારોત્થપાપાનાં નાશહેતવે

લિંગં સ્થાપિતવાંસ્તત્ર સ મુક્તઃ કિલ્વિષાત્તતઃ ॥
વૈરાગ્યાદ્યૌવનં ત્યક્ત્વા કૌમારં પુનરાદદે

પિતૄન્હત્વા સુમાલી ચ તમારાધિતવાન્પુરા ॥
સોઽપિ મુક્તોઽભવદ્દેવિ પાપાત્પિતૃવધોદ્ભવાત્

કુમારેશ્વરનામૈતત્પૂજિતં વૈ સુરાસુરૈઃ ॥
તસ્યાગ્રતઃ કુમારસ્ય કૂપસ્તિષ્ઠતિ ભામિનિ

તત્ર સ્નાત્વા પૂજયેદ્યઃ શૂલિનં સ્વામિપૂજિતમ્ ॥
સ મુક્તઃ પાતકૈઃ સર્વૈર્ગચ્છેત્સ્વામિપુરં મહત્

શાતકૌંભમયં યસ્તુ તામ્રચૂડં દ્વિજાતયે ॥
દદ્યાત્સ્વામિનમુદ્દિશ્ય સ તુ યાત્રાફલં લભેત્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસ ક્ષેત્રમાહાત્મ્યે કુમારેશ્વરમાહાત્મ્યવર્ણનંનામ પઞ્ચદશોત્તરદ્વિશતતમોઽધ્યાયઃ