સ્કંદ પુરાણ · અધ્યાય 7.144

॥ ઈશ્વર ઉવાચ ॥ ॥
તતો ગચ્છેન્મહાદેવિ તૃતીયં પુષ્કરં મહત્ ॥
તસ્યૈવ પૂર્વદિગ્ભાગે કિઞ્ચિદીશાનગોચરે ॥
કનીયઃ સંસ્મૃતં કુંડં પુષ્કરંનામ નામતઃ

યત્ર મધ્યાહ્નસમયે બ્રહ્મણા સમુપાસિતા ॥
સન્ધ્યા ત્રૈલોક્યજનની પ્રતિષ્ઠાર્થં ગતેન ચ

તત્ર યઃ કુરુતે સ્નાનં પૌર્ણમાસ્યાં સમાહિતઃ ॥
સમ્યક્કૃતં ભવેત્તેન સ્નાનં તત્રાદિપુષ્કરે

હિરણ્યં તત્ર દાતવ્યં સર્વપાપાપનુત્તયે

ઇતિ સંક્ષેપતઃ પ્રોક્તં માહાત્મ્યં તવ પૌષ્કરમ્ ॥
શ્રુતં પાપહરં નૄણાં સર્વકામપ્રદં તથા

ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે પુષ્કરકુણ્ડમાહાત્મ્ય વર્ણનંનામ ચતુશ્ચત્વારિંશદુત્તરશતતમોઽધ્યાયઃ