સ્કંદ પુરાણ · અધ્યાય 5.208

શ્રીમાર્કણ્ડેય ઉવાચ -
ભૂમિપાલ તતો ગચ્છેત્તીર્થં પરમશોભનમ્ ।
વિખ્યાતં ત્રિષુ લોકેષુ પિત્ઃણામૃણમોચનમ્

તત્ર સ્નાત્વા વિધાનેન સંતર્પ્ય પિતૃદેવતાઃ ।
મનુષ્યશ્ચ નૃપશ્રેષ્ઠ દાનં દત્ત્વાનૃણો ભવેત્

ઇચ્છન્તિ પિતરઃ સર્વે સ્વાર્થહેતોઃ સુતં યતઃ ।
પુન્નામ્નો નરકાત્પુત્રોઽસ્માનયં મોચયિષ્યતિ

પિણ્ડદાનં જલં તાત ઋણમુત્તમમુચ્યતે ।
પિત્ઃણાં તદ્ધિ વૈ પ્રોક્તમૃણં દૈવમતઃ પરમ્

અગ્નિહોત્રં તથા યજ્ઞાઃ પશુબન્ધાસ્તથેષ્ટયઃ ।
ઇતિ દેવર્ણં પ્રોક્તં શૃણુ માનુષ્યકં તતઃ

બ્રાહ્મણેષુ ચ તીર્થેષુ દેવાયતનકર્મસુ ।
પ્રતિશ્રુત્ય દદેત્તત્તદ્વ્યવહારઃ કૃતો યથા

ઋણત્રયમિદં પ્રોક્તં પુત્રાણાં ધર્મનન્દન ।
સત્પુત્રાસ્તે તુ રાજેન્દ્ર સ્નાતા ય ઋણમોચને

ઋણત્રયાદ્વિમુચ્યન્તે હ્યપુત્રાઃ પુત્રિણસ્તથા ।
તસ્માત્તીર્થવરં પ્રાપ્ય પુત્રેણ નિયતાત્મના ।
પિતૃભ્યસ્તર્પણં કાર્યં પિણ્ડદાનં વિશેષતઃ

તત્ર તીર્થે હુતં દત્તં ગુરવસ્તોષિતા યદિ ।
મૃતાનાં સપ્ત જન્માનિ ફલમક્ષયમશ્નુતે

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે ઋણમોચનતીર્થમાહાત્મ્યવર્ણનં નામાષ્ટોત્તરદ્વિશતતમોઽધ્યાયઃ ॥