સ્કંદ પુરાણ · અધ્યાય 5.196

શ્રીમાર્કણ્ડેય ઉવાચ -
તતો ગચ્છેદ્ધરાધીશ હંસતીર્થમનુત્તમમ્ ।
યત્ર હંસસ્તપસ્તપ્ત્વા બ્રહ્મવાહનતાં ગતઃ

હંસતીર્થે નરઃ સ્નાત્વા દાનં દત્ત્વા ચ કાઞ્ચનમ્ ।
સર્વપાપવિનિર્મુક્તો બ્રહ્મલોકં સ ગચ્છતિ

હંસયુક્તેન યાનેન તરુણાદિત્યવર્ચસા ।
સર્વકામસમૃદ્ધેન સેવ્યમાનોઽપ્સરોગણૈઃ

તત્ર ભુક્ત્વા યથાકામં સર્વાન્ ભોગાન્ યથેપ્સિતાન્ ।
જાતિસ્મરો હિ જાયેત પુનર્માનુષ્યમાગતઃ

સંન્યાસેન ત્યજેદ્દેહં મોક્ષમાપ્નોતિ ભારત

એતત્તે કથિતં પાર્થ હંસતીર્થસ્ય યત્ફલમ્ ।
સર્વપાપહરં પુણ્યં સર્વદુઃખવિનાશનમ્

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે હંસતીર્થમાહાત્મ્યવર્ણનં નામ ષણ્ણવત્યુત્તરશતતમોઽધ્યાયઃ ॥