સ્કંદ પુરાણ · અધ્યાય 5.187

શ્રીમાર્કણ્ડેય ઉવાચ -
જાલેશ્વરં તતો ગચ્છેલ્લિઙ્ગમાદ્યં સ્વયમ્ભુવઃ ।
કાલાગ્નિરુદ્રં વિખ્યાતં ભૃગુકચ્છે વ્યવસ્થિતમ્

સર્વપાપપ્રશમનં સર્વોપદ્રવનાશનમ્ ।
ક્ષેત્રપાપવિનાશાય કૃપયા ચ સમુત્થિતમ્

પુરા કલ્પેઽસુરગણૈરાક્રાન્તે ભુવનત્રયે ।
વેદોક્તકર્મનાશે ચ ધર્મે ચ વિલયં ગતે

દેવર્ષિમુનિસિદ્ધેષુ વિશ્વાસપરમેષુ ચ ।
કાલાગ્નિરુદ્રાદુત્પન્નો ધૂમઃ કાલોદ્ભવોદ્ભવઃ

ધૂમાત્સમુત્થિતં લિઙ્ગં ભિત્ત્વા પાતાલસપ્તકમ્ ।
અવટં દક્ષિણે કૃત્વા લિઙ્ગં તત્રૈવ તિષ્ઠતિ

તત્ર તીર્થે નૃપશ્રેષ્ઠ કુણ્ડં જ્વાલાસમુદ્ભવમ્ ।
યત્ર સા પતિતા જ્વાલા શિવસ્ય દહતઃ પુરમ્

તત્રાવટં સમુદ્ભૂતં ધૂમાવર્તસ્તતોઽભવત્ ।
તસ્મિન્કુણ્ડે તુ યઃ સ્નાનં કૃત્વા વૈ નર્મદાજલે

કુર્યાચ્છ્રાદ્ધં પિતૃભ્યો વૈ પૂજયેચ્ચ ત્રિલોચનમ્ ।
કાલાગ્નિરુદ્રનામાનિ સ ગચ્છેત્પરમાં ગતિમ્

યત્કિંચિત્કામિકં કર્મ હ્યાભિચારિકમેવ વા ।
રિપુસંક્ષયકૃદ્વાપિ સાંતાનિકમથાપિ વા ।
અત્ર તીર્થે કૃતં સર્વમચિરાત્સિધ્યતે નૃપ

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે કાલાગ્નિરુદ્રતીર્થમાહાત્મ્યવર્ણનં નામ સપ્તાશીત્યુત્તરશતતમોઽધ્યાયઃ ॥