સ્કંદ પુરાણ · અધ્યાય 5.123

માર્કણ્ડેય ઉવાચ -
તતો ગચ્છેત્તુ રાજેન્દ્ર કર્મદીતીર્થમુત્તમમ્ ।
યત્ર તિષ્ઠતિ વિઘ્નેશો ગણનાથો મહાબલઃ

તત્ર તીર્થે નરઃ સ્નાત્વા ચતુર્થ્યાં વા હ્યુપોષિતઃ ।
વિઘ્નં ન વિદ્યતે તસ્ય સપ્તજન્મનિ ભારત

તત્ર તીર્થે હિ યત્કિંચિદ્દીયતે નૃપસત્તમ ।
તદક્ષયફલં સર્વં જાયતે નાત્ર સંશયઃ

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે કર્મદેશ્વરતીર્થમાહત્મ્યવર્ણનં નામ ત્રયોવિંશત્યુત્તરશતતમોઽધ્યાયઃ॥