સ્કંદ પુરાણ · અધ્યાય 5.116

માર્કણ્ડેય ઉવાચ -
પાણ્ડુતીર્થં તતો ગચ્છેત્સર્વપાપવિનાશનમ્ ।
તત્ર સ્નાત્વા નરો રાજન્મુચ્યતે સર્વકિલ્બિષૈઃ

તત્ર તીર્થે તુ યઃ સ્નાત્વા દાપયેત્કાઞ્ચનં શુચિઃ ।
ભ્રૂણહત્યાદિપાપાનિ નશ્યન્તે નાત્ર સંશયઃ

પિણ્ડોદકપ્રદાનેન વાજપેયફલં લભેત્ ।
પિતરઃ પિતામહાશ્ચ નૃત્યન્તે ચ પ્રહર્ષિતાઃ

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે પાણ્ડુતીર્થમાહાત્મ્યવર્ણનં નામ ષોડશાધિકશતતમોઽધ્યાયઃ ॥