સ્કંદ પુરાણ · શ્લોક 5.10-2

॥ શ્રીમહાદેવ ઉવાચ ॥ ॥
કર્કોટેશ્વરસંજ્ઞં ચ દશમં વિદ્ધિ પાર્વતિ ॥
યસ્ય દર્શનમાત્રેણ વિષૈર્નૈવાભિભૂયતે

માત્રા ચ ભુજગાઃ શપ્તાઃ સ્વવચોભંગકારણાત્ ॥
મદ્વચો ન કૃતં યસ્માદ્ભવદ્ભિઃ પાપકર્મણિ

વહ્નિર્હિ ધક્ષ્યતે યુષ્માન્સત્રે જન્મેજયસ્ય હિ ॥
શ્રુત્વા શાપં તતો માતુર્મૃત્યુભીતાશ્ચ પન્નગાઃ

ગતાઃ સર્વે યથાસ્થાનં જીવનાર્થં યશસ્વિનિ ॥
હિમશૈલં ગતઃ શેષસ્તપઃ કર્ત્તું તતઃ પ્રિયે

સર્પશ્ચ કંબલોનામ લોકં પૈતામહં ગતઃ ॥
શંખચૂડોઽથ નાગેંદ્રો મણિપૂરં ગતસ્તતઃ

યમુનાંભસિ સંલીનઃ કાલિયો ભયવિહ્વલઃ

એવં તે સર્પરા જાનો નાગાઃ સુસ્મિતશોભને ॥
કુરુક્ષેત્રે ગતાઃ સર્વે તપશ્ચર્તું યશસ્વિનિ॥
ધૃતરાષ્ટ્રસ્તથા નાગઃ પ્રયાગમગમત્પ્રિયે ૪૭॥।
એલાપત્રસ્તુ નાગેંદ્રો બ્રહ્મલોકં જગામ હ ॥
પ્રણમ્ય તમથોવાચ માતુરુત્સંગસંસ્થિતાઃ

માત્રા શપ્તા વયં દેવ ક્રુદ્ધયા તવ સંનિધૌ ॥
સા કથં શાપકાલે તુ ભવતા ન નિવારિ તા

॥ બ્રહ્મોવાચ ॥ ॥
નિષિદ્ધા નૈવ તે માતા ભાવિકર્મબલાન્મમ ॥
સર્પસત્રો હિ ભવિતા રાજ્ઞો જન્મેજયસ્ય ચ

ત્વં ચ વત્સ મમાદેશાન્મહાકાલવનં વ્રજ ॥]
શાંત્યર્થં સર્વનાગાનાં ભક્ત્યા યુક્તસ્તુ સત્વરમ્

સમારાધય દેવેશં મહામાયાસમીપતઃ॥
ભવિતા તત્ર તે સિદ્ધિ દેવદેવપ્રસાદતઃ

તત્ર ગત્વાથ કર્કોટઃ સ્વયં દેવિ સમાહિતઃ ॥
દેવમારાધયામાસ મહામાયાપુરઃસ્થિતઃ ॥
તસ્ય તુષ્ટોથ દેવેશો વરં પ્રાદાદ્ય શસ્વિનિ

યે દંદશૂકાઃ ક્રૂરાશ્ચ પાપાચારા વિષોલ્બણાઃ ॥
તેષાં વિનાશો ભવિતા ન તુ યે ધર્મચારિણઃ

ભક્ત્યા તવાદ્ય તુષ્ટોસ્મિ ત્વં મે સાયુજ્યતાં વ્રજ ॥
દેવે તત્ર વિલીનોથ નાગઃ કર્કોટકઃ પ્રિયે

કર્કોટકેશ્વરઃ ખ્યાતસ્તતો દેવો મહેશ્વરઃ॥
તસ્ય દર્શનમાત્રેણ વ્યાધયો યાંતિ સંક્ષયમ્

યસ્તં પૂજયતે દેવં ભક્ત્યા યુક્તો હિ માનવઃ ॥
ઐશ્વર્યં જાયતે તસ્ય કુલાનાં તારયેચ્છતમ્

વ્યાધિતો વ્યાધિતો મુક્તો દુઃખી દુઃખાત્પ્રમુચ્યતે ॥
દર્શનાત્તુ ભવેત્સદ્ય સર્વપાતકવર્જિતઃ

નિયમેન પ્રપશ્યંતિ યે ચ કર્કોટકેશ્વરમ્ ॥
તે સર્વકામાનાપ્સ્યંતિ વસંત્યંતે ચ મત્પુરે

પંચમ્યાં ચ ચતુર્દશ્યાં યે પશ્યંતિ રવેર્દિને ॥
ન તેષાં તુ કુલે સર્પાઃ પીડાં કુર્વંતિ કર્હિચિત્

યા નારી દુર્ભગા સાપિ સૌભાગ્યં લભતે સદા ॥
ગુર્વિણી લભતે પુત્રમરોગં કુલભૂષણમ્ ॥
શિશુગ્રહાશ્ચ નશ્યંતિ નાપમૃત્યુભયં ભવેત્

યંયં કામમભિધ્યાયેન્મન સા ભક્તિમાન્નરઃ ॥
તંતં દુર્લ્લભમાપ્નોતિ કર્કોટેશ્વરદર્શનાત્

એષ તે કથિતો દેવિ પ્રભાવઃ પાપનાશનઃ ॥
કર્કોટેશ્વરદેવસ્ય શૃણુ સિદ્ધેશ્વરં પરમ્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં પઞ્ચમ આવંત્યખંડે ચતુરશીતિલિઙ્ગમાહાત્મ્યે કર્કોટેશ્વરમાહાત્મ્યવર્ણનંનામ દશમોઽધ્યાયઃ ॥ ૧૦