શિવપુરાણ · અધ્યાય 7.1.26

ઇતિ શ્રીશિવમહાપુરાણે સપ્તમ્યાં વાયવીયસંહિતાયાં પૂર્વખણ્ડે દેવીગૌરત્વભવનં નામ પઞ્ચવિંશો ઽધ્યાયઃ
છપ્તેર્ 26
વાયુરુવાચ
ઉત્પાદ્ય કૌશિકીં ગૌરી બ્રહ્મણે પ્રતિપાદ્ય તામ્
તસ્ય પ્રત્યુપકારાય પિતામહમથાબ્રવીત્

દેવ્યુવાચ
દૃષ્ટઃ કિમેષ ભવતા શાર્દૂલો મદુપાશ્રયઃ
અનેન દુષ્ટસત્ત્વેભ્યો રક્ષિતં મત્તપોવનમ્

મય્યર્પિતમના એષ ભજતે મામનન્યધીઃ
અસ્ય સંરક્ષણાદન્યત્પ્રિયં મમ ન વિદ્યતે

ભવિતવ્યમનેનાતો મમાન્તઃપુરચારિણા
ગણેશ્વરપદં ચાસ્મૈ પ્રીત્યા દાસ્યતિ શંકરઃ

એનમગ્રેસરં કૃત્વા સખીભિર્ગન્તુમુત્સહે
પ્રદીયતામનુજ્ઞા મે પ્રજાનાં પતિના 1 ત્વયા

1 ધિત્વમાર્ષમ્
531અ
ઇત્યુક્તઃ પ્રહસન્બ્રહ્મા દેવીમ્મુગ્ધામિવ સ્મયન્
તસ્ય તીવ્રૈઃ પુરાવૃત્તૈર્દૌરાત્મ્યં સમવર્ણયત્ 1

બ્રહ્મોવાચ
પશૌ દેવિ મૃગાઃ ક્રૂરાઃ ક્વ ચ તે ઽનુગ્રહઃ શુભઃ
આશીવિષમુખે સાક્ષાદમૃતં કિં નિષિચ્યતે

વ્યાઘ્રમાત્રેણ સન્નેષ દુષ્ટઃ કો ઽપિ નિશાચરઃ
અનેન ભક્ષિતા ગાવો બ્રાહ્મણાશ્ચ તપોધનાઃ

તર્પયંસ્તાન્યથાકામં કામરૂપી ચરત્યસૌ
અવશ્યં ખલુ ભોક્તવ્યં ફલં પાપસ્ય કર્મણઃ

અતઃ કિં કૃપયા કૃત્યમીદૃશેષુ દુરાત્મસુ
અનેન દેવ્યાઃ કિં કૃત્યં પ્રકૃત્યા કલુષાત્મના

દેવ્યુવાચ
યદુક્તં ભવતા સર્વં તથ્યમસ્ત્વયમીદૃશઃ
તથાપિ માં પ્રપન્નો ઽભૂન્ન ત્યાજ્યો મામુપાશ્રિતઃ

બ્રહ્મોવાચ
અસ્ય ભક્તિમવિજ્ઞાય પ્રાગ્વૃત્તં તે નિવેદિતમ્
ભક્તિશ્ચેદસ્ય કિં પાપૈર્ન તે ભક્તઃ પ્રણશ્યતિ

પુણ્યકર્માપિ કિં કુર્યાત્ત્વદીયાજ્ઞાનપેક્ષયા
અજા પ્રજ્ઞા પુરાણી ચ ત્વમેવ પરમેશ્વરી

ત્વદધીના હિ સર્વેષાં બંધમોક્ષવ્યવસ્થિતિઃ
ત્વદૃતે પરમા શક્તિઃ સંસિદ્ધિઃ કસ્ય કર્મણા

ત્વમેવ વિવિધા શક્તિઃ ભવાનામથ વા સ્વયમ્
અશક્તઃ કર્મકરણે કર્તા વા કિં કરિષ્યતિ

વિષ્ણોશ્ચ મમ ચાન્યેષાં દેવદાનવરક્ષસામ્
તત્તદૈશ્વર્યસમ્પ્રાપ્ત્યૈ તવૈવાજ્ઞા હિ કારણમ્

અતીતાઃ ખલ્વસંખ્યાતા બ્રહ્માણો હરયો ભવાઃ
અનાગતાસ્ત્વસંખ્યાતાસ્ત્વદાજ્ઞાનુવિધાયિનઃ

ત્વામનારાધ્ય દેવેશિ પુરુષાર્થચતુષ્ટયમ્
લબ્ધું ન શક્યમસ્માભિરપિ સર્વૈઃ સુરોત્તમૈઃ

વ્યત્યાસો ઽપિ ભવેત્સદ્યો બ્રહ્મત્વસ્થાવરત્વયોઃ
સુકૃતં દુષ્કૃતં ચાપિ ત્વયેવ સ્થાપિતં યતઃ

ત્વં હિ સર્વજગદ્ભર્તુશ્શિવસ્ય પરમાત્મનઃ
અનાદિમધ્યનિધના શક્તિરાદ્યા સનાતની

સમસ્તલોકયાત્રાર્થં મૂર્તિમાવિશ્ય કામપિ
ક્રીડસે 2 વિવિધૈર્ભાવૈઃ કસ્ત્વાં જાનાતિ તત્ત્વતઃ

અતો દુષ્કૃતકર્માપિ વ્યાઘ્રો ઽયં ત્વદનુગ્રહાત્
પ્રાપ્નોતુ પરમાં સિદ્ધિમત્ર કઃ પ્રતિબન્ધકઃ

ઇત્યાત્મનઃ પરં ભાવં સ્મારયિત્વાનુરૂપતઃ
બ્રહ્મણાભ્યર્થિતા ગૌરી તપસો ઽપિ ન્યવર્તત

તતો દેવીમનુજ્ઞાપ્ય બ્રહ્મણ્યન્તર્હિતે સતિ
દેવીં ચ માતરં દૃષ્ટ્વા મેનાં હિમવતા સહ

પ્રણમ્યાશ્વાસ્ય બહુધા પિતરૌ વિરહાસહૌ
1 પરસ્મૈપદમાર્ષમ્
2 આત્મનેપદમાર્ષમ્
531બ્
તપઃ પ્રણયિનો દેવી તપોવનમહીરુહાન્

વિપ્રયોગશુચેવાગ્રે પુષ્પબાષ્પં વિમુંચતઃ
તત્તુચ્છાખાસમારૂઢવિહગો દીરિતૈ રુતૈઃ

વ્યાકુલં બહુધા દીનં વિલાપમિવ કુર્વતઃ
સખીભ્યઃ કથયંત્યેવં સત્ત્વરા ભર્તૃદર્શને

પુરસ્કૃત્ય ચ તં વ્યાઘ્રં સ્નેહાત્પુત્રમિવૌરસમ્
દેહસ્ય પ્રભયા ચૈવ દીપયન્તી દિશો દશ

પ્રયયૌ મંદરં ગૌરી યત્ર ભર્તા મહેશ્વરઃ
સર્વેષાં જગતાં ધાતા કર્તા પાતા વિનાશકૃત્