શિર-ઉપનિષદ્ · શ્લોક 1-20

ઓં દેવા હ વૈ સ્વર્ગલોકમ્ આયંસ્ તે રુદ્રમ્ અપૃચ્છન્ કો ભવાન્ ઇતિ ।
સો ઽબ્રવીદ્ અહમ્ એકઃ પ્રથમમ્ આસોદ્વર્તામિ ચ ભવિષ્યામિ ચ નાન્યઃ કશ્ચિન્ મત્તો વ્યતિરિક્ત ઇતિ ।
સો ઽન્તરાદ્ અન્તરં પ્રાવિશત્ દિશશ્ ચાન્તરં પ્રાવિશત્ સો ઽહં નિત્યાનિત્યો વ્યક્તાવ્યક્તો બ્રહ્મા બ્રહ્માહં પ્રાઞ્ચઃ પ્રત્યઞ્ચો ઽહં દક્ષિણાં ચ ઉદઞ્ચો ઽહમ્ અધશ્ ચોર્ધ્વશ્ ચાહં દિશશ્ ચ પ્રતિદિશશ્ ચાહં પુમાન્ અપુમાન્ સ્ત્રિયશ્ ચાહં સાવિત્ર્ય્ અહં ગાયત્ર્ય્ અહં ત્રિષ્ટુબ્જગત્યનુષ્ટુપ્ ચાહં છન્દો ઽહં સત્યો ઽહં ગાર્હપત્યો દક્ષિણાગ્નિર્ આહવનીયો ઽહં ગૌર્ અહં ગૌર્ય્ અહમ્ ઋગ્ અહં યજુર્ અહં સામાહમ્ અથર્વાઙ્ગિરસો ઽહં જ્યેષ્ઠો ઽહં શ્રેષ્ઠોઽહં વરિષ્ઠો ઽહમ્ આપો ઽહં તેજો ઽહં ગુહ્યો ઽહમ્ અરણ્યો ઽહમ્ અક્ષરમ્ અહં ક્ષરમ્ અહં પુષ્કરમ્ અહં પવિત્રમ્ અહમ્ ઉગ્રં ચ બલિશ્ ચ પુરસ્તાજ્ જ્યોતિર્ ઇત્ય્ અહમ્ એવ સર્વેભ્યો મામ્ એવ સ સર્વઃ સમાયો માં વેદ સ દેવાન્ વેદ સર્વાંશ્ ચ વેદાન્ સાઙ્ગાન્ અપિ બ્રહ્મ બ્રાહ્મણૈશ્ ચ ગાં ગોભિર્ બ્રાહ્મણાન્ બ્રાહ્મણ્યેન હવિર્ હવિષા આયુર્ આયુષા સત્યેન સત્યં ધર્મેણ ધર્મં તર્પયામિ સ્વેન તેજસા ।
તતો હ વૈ તે દેવા રુદ્રમ્ અપૃચ્છન્ તે દેવા રુદ્રમ્ અપશ્યન્ તે દેવા રુદ્રમ્ અધ્યાયન્ તે દેવા ઊર્ધ્વબાહવો રુદ્રં સ્તુવન્તિ ॥

ઓં યો વૈ રુદ્રઃ સ ભગવાન્ યશ્ ચ બ્રહ્મા તસ્મૈ વૈ નમોનમઃ ॥

યો વૈ રુદ્રઃ સ ભગવાન્ યશ્ ચ વિષ્ણુસ્ તસ્મૈ વૈ નમોનમઃ ॥

યો વૈ રુદ્રઃ સ ભગવાન્ યશ્ ચ સ્કન્દસ્ તસ્મૈ વૈ નમોનમઃ ॥

યો વૈ રુદ્રઃ સ ભગવાન્ યશ્ ચેન્દ્રસ્ તસ્મૈ વૈ નમોનમઃ ॥

યો વૈ રુદ્રઃ સ ભગવાન્ યશ્ ચાગ્નિસ્ તસ્મૈ વૈ નમોનમઃ ॥

યો વૈ રુદ્રઃ સ ભગવાન્ યશ્ ચ વાયુસ્ તસ્મૈ વૈ નમોનમઃ ॥

યો વૈ રુદ્રઃ સ ભગવન્ યશ્ ચ સૂર્યસ્ તસ્મૈ વૈ નમોનમઃ ॥

યો વૈ રુદ્રઃ સ ભગવાન્ યશ્ ચ સોમસ્ તસ્મૈ વૈ નમોનમઃ ॥

યો વૈ રુદ્રઃ સ ભગવાન્ યે ચાષ્ટૌ ગ્રહાસ્ તસ્મૈ વૈ નમોનમઃ ॥

યો વૈ રુદ્રઃ સ ભગવાન્ યે ચાષ્ટૌ પ્રતિગ્રહાસ્ તસ્મૈ વૈ નમોનમઃ ॥

યો વૈ રુદ્રઃ સ ભગવાન્ યચ્ ચ ભૂસ્ તસ્મૈ વૈ નમોનમઃ ॥

યો વૈ રુદ્રઃ સ ભગવાન્ યચ્ ચ ભુવસ્ તસ્મૈ વૈ નમોનમઃ ॥

યો વૈ રુદ્રઃ સ ભગવાન્ યચ્ ચ સ્વસ્ તસ્મૈ વૈ નમોનમઃ ॥

યો વૈ રુદ્રઃ સ ભગવાન્ યચ્ ચ મહસ્ તસ્મૈ વૈ નમોનમઃ ॥

યો વૈ રુદ્રઃ સ ભગવાન્ યા ચ પૃથિવી તસ્મૈ વૈ નમોનમઃ ।
યો વૈ રુદ્રઃ સ ભગવાન્ યચ્ ચાન્તરિક્ષં તસ્મૈ વૈ નમોનમઃ ॥

યો વૈ રુદ્રઃ સ ભગવાન્ યા ચ દ્યૌસ્ તસ્મૈ વૈ નમોનમઃ ॥

યો વૈ રુદ્રઃ સ ભગવાન્ યાશ્ ચાપસ્ તસ્મૈ વૈ નમોનમઃ ॥

યો વૈ રુદ્રઃ સ ભગવાન્ યચ્ ચ તેજસ્ તસ્મૈ વૈ નમોનમઃ ॥

યો વૈ રુદ્રઃ સ ભગવાન્ યશ્ ચ કાલસ્ તસ્મૈ વૈ નમોનમઃ ॥