શતપથબ્રાહ્મણમ્ · અધ્યાય 14.8.2

દમદાનદયેતિ ત્રિકોપદેશબ્રાહ્મણમ્
ત્રયાઃ પ્રાજાપત્યાઃ। પ્રજાપતૌ પિતરિ બ્રહ્મચર્યમૂષુર્દેવા મનુષ્યા અસુરાઃ -

ઉષિત્વા બ્રહ્મચર્યં દેવા ઊચુઃ બ્રવીતુ નો ભવાનિતિ તેભ્યો હૈતદક્ષરમુવાચ દ ઇતિ વ્યજ્ઞાસિષ્ટા૩ ઇતિ વ્યજ્ઞાસિષ્મેતિ હોચુર્દામ્યતેતિ ન આત્થેત્યોમિતિ હોવાચ વ્યજ્ઞાસિષ્ટેતિ-

અથ હૈનં મનુષ્યા ઊચુઃ બ્રવીતુ નો ભવાનિતિ તેભ્યો હૈતદેવાક્ષરમુવાચ દ ઇતિ વ્યજ્ઞાસિષ્ટા૩ ઇતિ વ્યજ્ઞાસિષ્મેતિ હોચુર્દત્તેતિ ન આત્થેત્યોમિતિ હોવાચ વ્યજ્ઞાસિષ્ટેતિ -

અથ હૈનમસુરા ઊચુઃ બ્રવીતુ નો ભવાનિતિ તેભ્યો હૈતદેવાક્ષરમુવાચ દ ઇતિ વ્યજ્ઞાસિષ્ટા૩ ઇતિ વ્યજ્ઞાસિષ્મેતિ હોચુર્દયધ્વમિતિ ન આત્થેત્યોમિતિ હોવાચ વ્યજ્ઞાસિષ્ટેતિ તદેતદેવૈષા દૈવી વાગનુવદતિ સ્તનયિત્નુર્દદદ ઇતિ દામ્યત દત્તદયધ્વમિતિ તદેતત્ત્રયં શિક્ષેદ્દમં દાનં દયામિતિ -