શતપથબ્રાહ્મણમ્ · અધ્યાય 11.3.3

૧૧.૩.૩
બ્રહ્મ વૈ મૃત્યવે પ્રજાઃ પ્રાયચ્છત્। તસ્મૈ બ્રહ્મચારિણમેવ ન પ્રાયચ્છત્સોઽબ્રવીદસ્તુ મહ્યમપ્યેતસ્મિન્ભાગ ઇતિ યામેવ રાત્રિં સમિધં નાહરાતા ઇતિ તસ્માદ્યાં રાત્રિં બ્રહ્મચારી સમિધં નાહરત્યાયુષ એવ તામવદાય વસતિ તસ્માદ્બ્રહ્મચારી સમિધમાહરેન્નેદાયુષોઽવદાય વસાનીતિ - ૧૧.૩.૩.
દીર્ઘસત્ત્રં વા એષ ઉપૈતિ। યો બ્રહ્મચર્યમુપૈતિ સ યામુપયન્ત્સમિધમાદધાતિ સા પ્રાયણીયા યાં સ્નાસ્યન્ત્સોદયનીયાથ યા અન્તરેણ સત્ત્ર્યા એવાસ્ય તા બ્રાહ્મણો બ્રહ્મચર્યમુપયન્ - ૧૧.૩.૩.
ચતુર્દ્ધા ભૂતાનિ પ્રવિશતિ। અગ્નિં પદા મૃત્યું પદાઽઽચાર્યં પદાત્મન્યેવાસ્ય ચતુર્થઃ પાદઃ પરિશિષ્યતે - ૧૧.૩.૩.
સ યદગ્નયે સમિધમાહરતિ। ય એવાસ્યાગ્નૌ પાદસ્તમેવ તેન પરિક્રીણાતિ તં સંસ્કૃત્યાત્મન્ધત્તે સ એનમાવિશતિ - ૧૧.૩.૩.
અથ યદાત્માનં દરિદ્રીકૃત્યેવ। અહ્રીર્ભૂત્વા ભિક્ષતે ય એવાસ્ય મૃત્યૌ પાદસ્તમેવ તેન પરિક્રીણાતિ તં સંસ્કૃત્યાત્મન્ધત્તે સ એનમાવિશતિ - ૧૧.૩.૩.
અથ યદાચાર્યવચસં કરોતિ યદાચાર્યાય કર્મ કરોતિ ય એવાસ્યાચાર્યે પાદસ્તમેવ તેન પરિક્રીણાતિ તં સંસ્કૃત્યાન્મન્ધત્તે સ એનમાવિશતિ - ૧૧.૩.૩.
ન હ વૈ સ્નાત્વા ભિક્ષેત અપ હ વૈ સ્નાત્વા ભિક્ષાં જયત્યપ જ્ઞાતીનામશનાયામપ પિતૄણાં સ એવં વિદ્વાન્યસ્યા એવ ભૂયિષ્ઠં શ્લાઘેત તામ્ભિક્ષેતેત્યાહુસ્તલ્લોક્યમિતિ સ યદ્યન્યાં ભિક્ષિતવ્યાન્ન વિન્દેદપિ સ્વામેવાચાર્યજાયાં ભિક્ષેતાથો સ્વાં માતરં નૈનં સપ્તમ્યભિક્ષિતાઽતીયાત્તમેવં વિદ્વાંસમેવં ચરન્તં સર્વે વેદા આવિશન્તિ યથા હ વા અગ્નિઃ સમિદ્ધો રોચત એવં હ વૈ સ સ્નાત્વા રોચતે ય એવં વિદ્વાન્બ્રહ્મચર્યં ચરતિ - ૧૧.૩.૩.