સર્વતથાગતતત્ત્વસંગ્રહ · અધ્યાય 90

ઇતિ ॥
અથાત્ર ત્રિલોકચક્રમહામણ્ડલે આકર્ષણાદિકર્મ કૃત્વા, સ્વયં વજ્રાચાર્યો વજ્રક્રોધતેરિન્તિરિમુદ્રાં બધ્વા, એવં બ્રૂયાદ્, "અહન્તે વજ્રસમયજ્ઞાનમુત્પાદયિષ્યામિ । તત્ત્વયા ન કસ્યચિદ્વક્તવ્યં । મા તે વિષમા પરિહારેણ કાલક્રિયયા નરકપતનં સ્યાદ્," ઇદમુક્ત્વેદં શપથહૃદયં દદ્યાત્ । વજ્રક્રોધતેરિન્તિરિમુદ્રાં બધ્વા દર્શયેત્ "અયં વજ્રક્રોધસમયસ્તે સન્દહેત્ કુલન્, મુર્ધાદારભ્ય કાયં તુ નાશયેત્, યદ્યતિક્રમેત્ સમયં બન્ધય" ॥
તતો વજ્રધારિ કર્મમુદ્રાં બન્ધયેદનેન હૃદયેન ઓં સર્વતથાગત વજ્રધર ગૃહ્ણ બન્ધ સમય હૂં ॥
અથાસ્યા મુદ્રાયા બન્ધો ભવતિ ।
કનિષ્ઠાઙ્ગુષ્ઠબન્ધો તુ હસ્તૌ દ્વાવધરોત્તરૌ ।
મુદ્રેયઙ્કર્મસમય[વજ્રબન્ધેતિ] કીર્તિતા ॥
તતો વજ્ર ઓદકેનાભિષિઞ્ચેદનેન હૃદયેન ઓં વજ્રાભિષેકાભિષિઞ્ચ વજ્રધરત્વે સમય ગ્ર ગ્ર ॥
તતો નક્તકેન મુખં બધ્વા [પ્રવેશયત્ય] નેન હૃદયેન ઓં પ્રવિશ વજ્ર પ્રવેશય વજ્ર આવિશ વજ્ર આધિતિષ્ઠ વજ્ર હૂં ॥
તતઃ પ્રવેશ્ય પુષ્પાણિ ક્ષિપેત્ અનેન હૃદયેન ઓં પ્રતીચ્છાધિતિષ્ઠ વજ્ર હોઃ ॥
તતો યત્ર પતતિ સો ઽસ્ય સિધ્યતિ ।
તતો મુખબન્ધં મુક્ત્વા, મણ્ડલં યથાનુપૂર્વતો દર્શયેત્ । ન ચાસ્ય વક્તવ્યં કિં દેવ ઇતિ । તત્કસ્માદ્ધેતોઃ? સન્તિ સત્વા મિથ્યાદૃષ્ટયો યે ન શ્રદ્ધાસ્યન્તિ, કિમેતદમોઘં બુદ્ધાનાં ભગવતાં જ્ઞાનં, યથા તથાગતા વજ્રકુલે વજ્રપાણિનાભિષિક્તાસ્તથાગતા એવેતિ સમયઃ । અન્યત્ર યે દેવે ભક્તાસ્તેષાં શપથહૃદયં દત્વા વાચ્યમિતિ ।
તતો વજ્રરત્નચિન્હમાલાભિષેકં દત્વા, કર્મવજ્રં પાણિભ્યામભિપ્રયચ્છ્ય, વજ્રનામ કુર્યાત્, યથા વજ્રસમયમહામણ્ડલ ઇતિ ॥
મુદ્ર
તતો મહામુદ્રાબન્ધં શિક્ષયેત્ ।
વજ્રબન્ધં દૃઢીકૃત્ય પ્રવિષ્ટાઙ્ગુ ષ્ઠસંચયં ।
કુઞ્ચિતાગ્ર્યાષુ ગચ્છન્નં સત્વોષ્ણીષેતિ સંજ્ઞિતા

વજ્રબન્ધં સમાધાય સમાઙ્ગુષ્ઠાત્મ્યમધ્યમા ।
તેજોરાશીતિ વિખ્યાતા તેજોરાશેર્મહાત્મનઃ

વજ્રમુદ્રાદ્વિકં બધ્વા કનિષ્ઠાઙ્ગુષ્ઠસન્ધિતં ।
ગાઢમઙ્કુશબન્ધેન મહાવિદ્યોત્તમસ્ય તુ

મહાવિદ્યોત્તમમયીં મુદ્રાં બધ્વા સુયન્ત્રિતાં ।
હૃદ્યઙ્ગષ્ઠમુખાનાં તુ બન્ધનાદ્ધૃદયા સ્મૃતા

તામેવાનામમધ્યાભિરઙ્ગુલીભિઃ સુયન્ત્રિતાં ।
વજ્રરત્નપ્રયોગેણ પરિવર્ત્ય મુખસ્થિતા

તામેવોત્તાનસંસ્થાં સ્વહૃદયે પરિવર્ત્ય વૈ ।
ચતુઃપુષ્પા તુ નામેન પદ્મવિદ્યોત્તમસ્ય તુ

તામેવ મૂર્ધાદારભ્ય ભ્રમત્કાયાગ્રમણ્ડલા ।
વજ્રવિશ્વસ્ય મુદ્રેયં વજ્રકર્મપ્રસાધિકે ॥ તિ

સત્વવજ્રાં દૃઢીકૃત્ય કનિષ્ઠા વજ્રસન્ધિતા ।
સર્વવિદ્ધૃદયસ્યાસ્ય મુદ્રેયં સર્વસાધિકા

કનિષ્ઠાઙ્ગુષ્ઠબન્ધે તુ વામમધ્યાઙ્ગુલિત્રિકે ।
ત્રિશૂલે મધ્યશૂલં તુ વજ્રમુદ્રાપરિગ્રહં

વજ્રવિદ્યોત્તમસ્યેયં વજ્રશૂલેતિ કીર્તિતા ।
અતઃ પરં પ્રવક્ષ્યામિ માયાવજ્રાદિસંજ્ઞિતા