સર્વતથાગતતત્ત્વસંગ્રહ · અધ્યાય 7

તત્રૈતાનિ હૃદયાનિ ભવન્તિ ।
વજ્રજલ ॥
વજ્રરૂપ ॥
વજ્રાકાશ ॥
વજ્રમહમ્ ॥
તતો વજ્રવિદ્યાધરસિદ્ધિનિષ્પત્તિમુદ્રાજ્ઞાનં શિક્ષયેત્ ।
ચન્દ્રબિમ્બં સમાલિખ્ય નમસ્યૂર્ધ્વ સમારુહેત્ ।
પાણૌ પ્રભાવયં વજ્રં વજ્રવિદ્યાધરો ભવેત્

ચન્દ્રબિમ્બં સમારુહ્ય વજ્રરત્નં પ્રભાવયેત્ ।
યાવદિચ્છતિ શુદ્ધાત્મા તાવદુત્પતતિ ક્ષણાત્

ચન્દ્રબિમ્બાભિરૂઢસ્તુ વજ્રપદ્મં કરે સ્થિતમ્ ।
ભાવયન્ વજ્રનેત્રં તુ દદ્યાદ્ વિદ્યાધૃતાં પદમ્

ચન્દ્રમણ્ડલમધ્યસ્થઃ કર્મવજ્રાં તુ ભાવયેત્ ।
વજ્રવિશ્વધરાચ્છીઘ્રં સર્વૈવિદ્યાધરો ભવેદ ॥ ઇતિ