સર્વતથાગતતત્ત્વસંગ્રહ · અધ્યાય 68

ઇતિ ॥
ઇનિતિઅતિઓન્ ઇન્તો થે મન્દલ
અથાત્ર વજ્રકુલસૂક્ષ્મજ્ઞાનમણ્ડલે યથાવદ્ વિધિવિસ્તરો ભવતિ ।
તત્રાદિત એવ તાવત્પ્રવેશ્ય બ્રૂયાદ્"અદ્ય ત્વં સર્વતથાગતવજ્રક્રોધતાયાં વજ્રપાણિના ભગવતાભિષિ[ક્તં] તત્સાધુ; પ્રતિપદ્યસ્વાશેષાનવશેષસત્વધાતુપરિત્રાણ યાવત્ સર્વતથાગતહિતસુખોત્તમસિદ્ધ્યવાપ્તિફલહેતોર્વજ્રક્રોધે[ણ સર્વ]સત્વાનપિ સંશોધનનિમિત્તં મારયિતું; કઃ પુનર્વાદઃ સર્વદુષ્ટાન્" ઇતિ । ઇદમુક્ત્વા મુખબન્ધં મુઞ્ચેત્ । તતઃ સર્વમણ્ડલં દર્શયિત્વા, [વજ્રં] યથાવત્પાણૌ દત્વા, તતો વજ્રક્રોધસૂક્ષ્મજ્ઞાનાનિ શિક્ષયેત્ ।
સૂક્ષ્મવજ્રં દૃઢીકૃત્ય વજ્રહુંકારયોગતઃ ।
હુંકારં યોજયેદ્યસ્ય તસ્ય નશ્યતિ જીવિતં

સૂક્ષ્મવજ્રં દૃઢીકૃત્ય સ્ફરયેત યથાવિધિ ।
યાવત્તઃ સ્ફરતે તં તુ તાવન્નશ્યત્યસૌ રિપુઃ

સૂક્ષ્મવજ્રવિધિં યોજ્ય વજ્રહુંકારયોગતઃ ।
સ્ફરયેત્ ક્રોધવાન્ યાવત્ તાવત્ સત્વાન્ વિનાશયેત્

તથૈવ સંહરેત્ તત્તુ યાવદિચ્છેત યોગવાન્ ।
સર્વં વાપિ હિ નિઃશેષ પુનરદયાત્ તુ જીવિતમ્