સર્વતથાગતતત્ત્વસંગ્રહ · અધ્યાય 56

સર્વમુદ્રાવિધિઃ ॥
અથાત્ર ત્રિલોકવિજયમ[હામણ્ડલ]સાધારણમુદ્રાબન્ધો ભવતિ ।
ત્રિલોકવિજયા મુદ્રા વજ્રાગ્રસમયસ્ય તુ ।
વજ્રહુંકારમન્ત્રસ્ય સર્વસિદ્ધિપ્રદા ક્ષણાત્

કનિષ્ઠાગ્ર્યાઙ્કુશૈર્બન્ધેદ્વજ્રૌ દ્વાવધરોત્તરૌ ।
સમયાઙ્કુશમુદ્રેયં સર્વમાકર્ષયેત્ક્ષણાત્

સર્વવિદ્યોત્તમાનાં તુ ત્રિલોકવિજયા સ્મૃતા ।
[ઘાતની ચૈવ] સર્વસ્ય સર્વકર્મકરી તથા

દ્વિવજ્રાગ્ર્યાઙ્ગુલી સમ્યક્સન્ધાય સુસમાહિતઃ ।
ઉત્થાપયેન્મૃતં સર્વ વજ્રોત્તિષ્ઠેતિ સંજ્ઞિતા

દ્વિવજ્રાગ્ર્યાઙ્ગુલી સમ્યક્ વજ્રબન્ધેન બન્ધયેત્ ।
પરિવર્ત્ય સ્થાપેન્મૂર્ધ્નિ આયુરારોગ્યવર્ધની

વજ્રબન્ધં દૃઢીકૃત્ય સમાઙ્ગુષ્ઠપ્રવેશિતા ।
તર્જની દૃઢં સંકોચા વલિતા પાદકર્ષણી

॥
ત્રિલોકવિજયાં બધ્વા યસ્ય બિમ્બં સમાક્રમેત્ ।
વામપાદેન તં સત્વં માસાદર્ધેન સિદ્ધ્યતિ

વજ્રમુદ્રાદ્વિકં બધ્વા તાડયેત પરસ્પરં ।
યસ્ય વૈ રાત્વકાયં તુ સમાવિષ્ટસ્તુ તાડયેત્

વજ્રમુદ્રાદ્વિકં બધ્વા કવચં સ્વં પરસ્ય વા ।
ગ્રન્થનન્ તર્જનીભ્યાં તુ રક્ષા ભવતી શાશ્વતી

વજ્રબન્ધં તલે કૃત્વાચ્છાદયેત્ક્રુદ્ધમાનસઃ ।
ગાઢમઙ્ગુષ્ઠ [વજ્રેણ] સિદ્ધ્યેદ્વજ્રકુલં મહત્

સત્વવજ્રં દૃઢીકૃત્ય દ્વ્યઙ્ગુષ્ઠગ્રસ્તમધ્યમે ।
કનિષ્ઠા વજ્રમુખતો તીક્ષ્ણ[આન્તુ સમય]ગ્રહાં

વજ્રમુદ્રાદ્વિકં બધ્વા કુઞ્ચિતાગ્ર્યા નિબન્ધિતં ।
વલિતોદ્વલિતં કુર્વન્ દેવાકર્ષણમુત્તમં

વજ્રબન્ધં દૃઢીકૃત્ય કુઞ્ચિતાગ્ર્યા સુયન્ત્રિતં ।
સન્ધાયાઙ્ગુષ્ઠયુગલં પીડ્ય મધ્યે ઽન્તરીક્ષિણાં

કનિષ્ઠાઙ્ગુલિમધ્યન્તુ વજ્રમુદ્રાદ્વિકસ્ય તુ ।
પૃષ્ઠતો ઽગ્ર્યાઙ્ગુલિગ્રસ્તં પરિવર્ત્ય ખચારિણાં

વજ્રરક્ષાં દૃઢીકૃત્ય વજ્રબન્ધં તુ પીડયેત્ ।
ભૌમાનાં સમયો હ્યેષ સર્વકૃદ્ દુરતિક્રમઃ

વજ્રમુદ્રાદ્વિકં બધ્વા વામવજ્રાગ્ર્યપીડિતા ।
અન્ત્યાઙ્ગુલિસમાસ્ફોટા પાતાતાકર્ષણી ત્વિયં

ગ્રન્થિતં વજ્રબન્ધેન દૃઢન્તર્જનિકાદ્વયં ।
મધ્યમાઙ્ગુષ્ઠવજ્રં તુ દુષ્ટમુદ્રાપ્રભઞ્જકં

વજ્રમુદ્રાદ્વયં બધ્વા હૃદિ સ્થાપ્ય સમાહિતઃ ।
પીડયેત્ક્રોધમુષ્ટિં તુ બાહ્યમણ્ડલનાશની

વામવજ્રાઙ્ગુલિં ગૃહ્ય દક્ષિણાકુઞ્ચિતાગ્ર્યયા ।
આસ્ફોટયં સુસંક્રુદ્ધઃ સુમેરુમપિ પાતયેત્

વામવજ્રાઙ્ગુલિં ગૃહ્ય દક્ષિણાગ્ર્યાઙ્કુ શેન તુ ।
આકર્ષયત્સુસંક્રુદ્ધો ગ્રહાં સર્વાન્ વશન્નયેત્

વજ્રબન્ધં સમાધાય બાહુભ્યાં સુદૃઢં હૃદિ ।
વજ્રાગ્ર્યાભ્યાં સ્વકુક્ષૌ તુ કુશંસ્તુ હૃદયં હૃદિ

અ[ગ્ર્યાઙ્ગુ]લિમુખાભ્યાં તુ પીડયેત્ક્રુદ્ધમાનસઃ ।
અઙ્ગુષ્ઠદ્વયમૂલન્તુ જ્વરાકર્ષણમુત્તમં

વજ્રાઞ્જલિં દૃઢીકૃત્ય તર્જનીદ્વય [કુઞ્ચિતા] ।
સુસન્ધિતસમાઙ્ગુષ્ઠયન્ત્રિતા પાપહારિણી

અગ્ર્યાઙ્ગુ લિદ્વયં બધ્વા વજ્રમુદ્રાદ્વિકાન્તરાત્ ।
સમુત્ક્ષિપેત્ ક્ષણાદૂર્ધ્વં પતિતોત્ક્ષે[પકોત્તમં]

વજ્રબન્ધં દૃઢીકૃત્ય મધ્યમામુખસન્ધિતા ।
ચતુરન્ત્યમુખાસઙ્ગાત્ પાપં સ્ફોટયતિ ક્ષણાત્