સર્વતથાગતતત્ત્વસંગ્રહ · અધ્યાય 47

તત્રાયં રઙ્ગજાપઃ ઓં વજ્રચિત્ર સમય હૂં ॥
તતો મધ્યસ્થિતો ભૂત્વા વજ્રાચાર્યઃ સમાહિતઃ ।
મનસોદ્ઘાટયેચ્ચૈવ વજ્રદ્વારચતુષ્ટયં ॥
તત્રાયં દ્વારોદ્ઘાટનમન્ત્રઃ ઓં વજ્રોદ્ઘાટય સમય પ્રવેશય હૂં ॥
સૌવર્ણે રાજતે વાપિ મૃણ્મયે વા સુચિત્રિતે ।
ઇષ્ટકે ચતુરસ્ત્રે તુ બુદ્ધબિમ્બન્નિવેશયેત્ ॥
તત્રેદં સર્વતથાગતાકર્ષણહૃદયં ભવતિ । ઓં વજ્ર જ્વાલાગ્નિપ્રદીપ્તાકર્ષય સર્વતથાગતાન્ મહાવજ્ર સમય હૂં જઃ ॥
બુદ્ધસ્ય પુરતો વજ્રં જ્વાલામધ્યે નિવેશયેત્ ।
જ્વાલામધ્યે લિખેદ્ રત્નં પદ્મં વિશ્વાયુધન્તથા ॥
અથાસાં વજ્રસમયમુદ્રાણાં નિવેશહૃદયાનિ ભવન્તિ ।
હૂં સત્વવજ્ર જ્વાલામાલ હૂં ફટ્ ॥
ઓં રત્નવજ્ર જ્વાલામાલ હૂં ત્રઃ ॥
ઓં ધર્મવજ્ર જ્વાલામાલ હૂં હ્રીઃ ॥
હૂં કર્મવજ્ર જ્વાલામાલ હૂં હઃ ॥
વજ્રવેગેન નિઃક્રમ્ય બુદ્ધસ્ય પુરતસ્તથા ।
સંલિખેદ્વિધિવત્પ્રાજ્ઞો વજ્રહુંકારમણ્ડલમ્ ॥
તત્રેદં વજ્રવેગહૃદયં ભવતિ ઓં વજ્રવેગાક્રમ હૂં ॥
એવં વજ્રધાત્વાદિષુ સર્વમણ્ડલેષુ સૂત્રમાક્રમ્ય, સર્વતો ગચ્છેદિતિ ॥
અથાસ્ય મુદ્રા ભવતિ ।
મનોત્ક્ષિપ્ય રેખાત્તુ વજ્રસૂત્રમથાપિ વા ।
પ્રવિશન્તિ ક્રમત્વાપિ ભ્રમ્યતે સમયાન્ન સઃ

તત્ર મધ્યે મહાસત્વં વ[જ્રપા]ણિં સમાલિખેત્ ।
મહાનીલોત્પલરુચં વજ્ર-હૂં-કારસંગ્રહં

ઈષદ્ દંષ્ટ્રાકરાલાસ્યં સરોષહસિતાનનં ।
પ્રત્યાલીઢસ[માક્રાન્તં જ્વા]લામાલાકુલપ્રભં

વામપાદસમાક્રાન્તસ્તેન કાર્ય મહેશ્વરઃ ।
દક્ષિણં તુ લિખેત્પાદમુમાસ્તનભરસ્થિતં