સર્વતથાગતતત્ત્વસંગ્રહ · અધ્યાય 26

ઇતિ ॥
અથાસાં સર્વમુદ્રાણાં બન્ધાદિતિ કર્માણિ ભવન્તિ ।
વજ્રવેશં સમુત્પાદ્ય આત્મનશ્ચ પરસ્ય વા ।
બન્ધયેદ્વા બન્ધયેદ્વાપિ અનેન હૃદયેન તુ ॥
વજ્ર હૂં બન્ધ ॥
અથ મોક્ષો ભવતિ ।
યતો યતઃ સમુત્પન્નાઃ સર્વમુદ્રાઃ સમાસતઃ ।
તત્ર તત્ર તાં મુઞ્ચેદનેન હૃદયેન તુ ॥
ઓં વજ્ર મુઃ ॥
અથ દૃઢીકરણં ભવતિ ।
રત્ન વજ્રાં દૃઢીકૃત્ય હૃદયાન્મૂર્ધ્નિ મોક્ષિતા ।
અગ્રાભ્યાં કવચં બન્ધેદનેન હૃદયેન તુ ॥
ઓં દૃઢ વજ્રકવચ ધૃટ્ ॥
અથ બન્ધસમયો ભવતિ ।
યથા સ્થાનેષુ વૈ મુક્તા કવચેન દૃઢીકૃતા ।
નિબન્ધેત્તાલયા સર્વા હ્યનેન હૃદયેન તુ ॥
ઓં ગુહ્યસમયતાલ સઃ ॥
વજ્રસત્વો રુચિજપ્તિઃ સર્વમણ્ડલકર્મસુ ।
પ્રયોક્તવ્યો ઽત્ર સમયે સર્વસિદ્ધિકરઃ પરમ્ ॥ ઇતિ ॥
સર્વતથાગતમહાયાનાભિસમયાન્ મહાકલ્પરાજાદ્ વજ્રગુહ્યવજ્રમણ્ડલવિધિવિસ્તરઃ સમાપ્તઃ ॥
છપ્તેર્ 3 વજ્ર-જ્નન-ધર્મ-મન્દલ-વિધિ-વિસ્તર
એમનતિઓન્ ઓf દેઇતિએસ્ fરોમ્ સમધિ
અથ ભગવાન્ પુનરપિ સર્વતથાગતસૂક્ષ્મવજ્રજ્ઞાનમુદ્રાસમયમણ્ડલાધિષ્ઠાનં નામ સમાધિં સમાપદ્યેમાં સ્વવિદ્યોત્તમામભાષત્ ઓં સૂક્ષ્મવજ્રજ્ઞાનસમય હૂં ॥
અથ ખલ્વક્ષોભ્યઃ તથાગતઃ સર્વતથાગતવજ્રસત્વસૂક્ષ્મજ્ઞાનસમયમણ્ડલાધિષ્ઠાનન્ નામ સમાધિં સમાપદ્યેમાં સ્વવિદ્યોત્તમમભાષત્ ઓં વજ્રસત્વ સૂક્ષ્મજ્ઞાનસમય હૂં ॥
અથ ખલુ રત્નસંભવસ્તથાગતઃ સર્વતથાગતવજ્રરત્નસૂક્ષ્મજ્ઞાનસમયમણ્ડલાધિષ્ઠાનં નામ સમાધિં સમાપદ્યેમાં સ્વવિદ્યોત્તમમભાષત્ ઓં વજ્રરત્ન સૂક્ષ્મજ્ઞાનસમય હૂં ॥
અથ ખલ્વમિતાયુસ્તથાગતઃ સર્વતથાગતવજ્રધર્મસૂક્ષ્મજ્ઞાનસમયમણ્ડલાધિષ્ઠાનં નામ સમાધિં સમાપદ્યેમાં સ્વવિદ્યોત્તમમભાષત્ ઓં વજ્રધર્મ સૂક્ષ્મજ્ઞાનસમય હૂં ॥
અથ ખલ્વમોઘસિદ્ધિસ્તથાગતઃ સર્વતથાગતવજ્રકર્મસૂક્ષ્મજ્ઞાનસમયમણ્ડલાધિષ્ઠાનન્નામ સમાધિં સમાપદ્યેમાં સ્વવિદ્યોત્તમમભાષત્ ઓં વજ્રકમ સૂક્ષ્મજ્ઞાનસમય હૂં ॥
અથ ભગવાન્ વૈરોચનઃ સર્વતથાગતસૂક્ષ્મજ્ઞાનવજ્રં નામ સમાધિં સમાપન્નઃ, સમનન્તરસમાપન્ને ચ ભગવત્યથ તાવદેવ સર્વતથાગતહૃદયેભ્યઃ સૂક્ષ્મજ્ઞાનવજ્રરશ્મયો વિનિશ્ચરિત્વા, સર્વલોકધાતવો ઽવભાસ્ય સર્વસત્વાનાં, સર્વતથાગતસૂક્ષ્મજ્ઞાનવજ્રસમાધિસમાપત્તીન્ દૃઢી કૃત્ય પુનરપ્યેકધ્યીભૂત્વા, સમાધિજ્ઞાનવજ્રકાયતામધ્યાલમ્બ્યૈકઘનસ્તથાગતજ્ઞાનઃ સંભૂય, ભગવતો વૈરોચનસ્ય હૃદયે પ્રવિષ્ટઃ ॥
અથ વજ્રપાણિઃ સર્વતથાગતજ્ઞાનહૃદયેભ્યઃ પ્રવિષ્ટ્વેદં સર્વતથાગતસૂક્ષ્મજ્ઞાનમહાસમયવજ્રમભાષત્ સૂક્ષ્મવજ્ર ॥
અથાસ્મિન્ ભાષિતમાત્રે સર્વતથાગતહૃદયેભ્યો વજ્રપાણિર્વિનિઃસૃત્ય, સર્વતથાગતસૂક્ષ્મજ્ઞાનવજ્રબિમ્બમાત્માનમધિષ્ઠાય, સર્વતથાગતનાસિકાગ્રેષુ સ્થિત્વેદમુદાનમુદાનયામાસ । અહો હિ સર્વબુદ્ધાનાં સૂક્ષ્મવજ્રમહં મહત્ । યન્મહત્વાત્સ સૂક્ષ્મો ઽપિ ત્રૈધાતુકમપિ સ્ફરેદ્ ॥ ઇતિ ॥
અથેદમુક્ત્વા ભગવાન્ વજ્રપાણિર્મહાબોધિસત્વઃ સર્વતથાગતનાસિકાગ્રેભ્યઃ સુસૂક્ષ્મવજ્રજ્ઞાનનિમિત્તસ્ફરણતાય સર્વતથાગતકાયેભ્યઃ સ્ફરિત્વા, સકલધર્મધાતુસ્ફરણતાયોગેન સર્વાકાશધાતું સુસૂક્ષ્મવજ્રજ્ઞાનનિમિત્તૈઃ સંસ્ફર્ય, સકલાકાશધાતુવિસ્ફરિતસર્વતથાગતજ્ઞાનવજ્રબિમ્બમાત્માનમધિષ્ઠાયાવસ્થિતઃ ॥
અથ તસ્મિન્નેવ ક્ષણે સર્વતથાગતાઃ સર્વતથાગતજ્ઞાનવજ્રમધ્યે વજ્રધર્મતામધ્યાલમ્બ્ય, સર્વતથાગતસૂક્ષ્મજ્ઞાનવજ્રાધિષ્ઠાનન્નામ સમાધિં સમાપદ્યાવસ્થિતાઃ ॥
અથ તતઃ સર્વતથાગતજ્ઞાનવજ્રાત્સર્વતથાગતસમાધિજ્ઞાનહૃદયં નિશ્ચચાર વજ્રનાભિ તથાગત હૂં ॥
અથાસ્મિન્ વિનિઃસૃતમાત્રે ભગવાન્ વજ્રપાણિઃ પુનરપિ સૂક્ષ્મજ્ઞાનપ્રવેશયોગેન સર્વતથાગતકાયેષુ પ્રવિષ્ટ્વા, હૃદયે વજ્રબિમ્બાનિ ભૂત્વાવસ્થિતાઃ ।
અથ તેભ્યઃ સર્વતથાગતસત્વવજ્રેભ્ય ઇદં મહાજ્ઞાનહૃદયચતુષ્ટયં નિશ્ચચાર ।
વજ્રાત્મક ॥
હૃદ્વજ્રાઙ્કુશ ॥
તિષ્ઠ રાગવજ્ર પ્રવિશ હૃદયં ॥
અહો વજ્રતુષ્ટિ ॥
વજ્રસત્વજ્ઞાનમુદ્રઃ, સર્વતથાગતસમાજાધિષ્ઠાનજ્ઞાનમુદ્રઃ, સર્વતથાગતાનુરાગણજ્ઞાનમુદ્રઃ, મહાતુષ્ટિજ્ઞાનમુદ્રશ્ચેતિ । સર્વતથાગતમહાવજ્રસમાધયઃ ॥
અથ વજ્રપાણિઃ સર્વતથાગતહૃદયઃ પુનરપિ સૂક્ષ્મજ્ઞાનપ્રવેશયોગેન સ્વહૃદયં પ્રવિષ્ટ્વા હૃદયે વજ્રબિમ્બમાત્માનમધિષ્ઠાયાવસ્થિતઃ ॥
અથ તતો વજ્રવિગ્રહાદિદં હૃદયચતુષ્ટયં નિશ્ચચાર ।
વજ્રરત્નાત્મક ॥
હૃદય વજ્રસૂર્ય ॥
તિષ્ઠવજ્રધ્વજાગ્ર વં ॥
હૃદયવજ્રહાસ ॥
સર્વતથાગતવજ્રાભિષેકજ્ઞાનમુદ્રઃ, મહાપ્રભામણ્ડલવ્યૂહજ્ઞાનમુદ્રઃ, સર્વતથાગતાશાપરિપૂરણજ્ઞાનમુદ્રઃ, સર્વતથાગતમહાહાસજ્ઞાનમુદ્ર ઇતિ । સર્વતથાગતરત્નસમાધ્યઃ ॥
અથ વજ્રપાણિઃ પુનરપિ સૂક્ષ્મવજ્રજ્ઞાનપ્રવેશયોગેન સ્વહૃદયં વજ્રહૃદયં પ્રવિષ્ટ્વા વજ્રબિમ્બમાત્માનમધિષ્ઠાયાવસ્થિતઃ ॥
અથ તતો વજ્રબિમ્બાદિદં હૃદયચતુષ્ટયં નિશ્ચચાર ।
વજ્રપદ્માત્મક ॥
હૃદ્વજ્રકોશ ॥
તિષ્ઠ વજ્રચક્ર હૃદયં પ્રવિશ ॥
વજ્રજિવ્હાગ્ર હૃદય ॥
સર્વધર્મસમતાજ્ઞાનમુદ્રઃ, સર્વતથાગતપ્રજ્ઞાજ્ઞાનમુદ્રઃ, મહાચક્રપ્રવેશજ્ઞાનમુદ્રઃ, સર્વતથાગતધર્મવાગ્નિઃપ્રપઞ્ચજ્ઞાનમુદ્ર ઇતિ । સર્વતથાગતધર્મસમાધયઃ ॥
અથ વજ્રપાણિઃ પુનરપિ સ્વહૃદયવજ્રહૃદયવજ્રાત્ સુસૂક્ષ્મજ્ઞાનપ્રવેશયોગેન તદ્વજ્રહૃદયં પ્રવિષ્ટ્વા, પુનરપિ સૂક્ષ્મવજ્રબિમ્બમાત્માનમધિષ્ઠાયાવસ્થિતઃ ॥
અથ તતઃ સૂક્ષ્મવજ્રબિમ્બાદિદં હૃદયચતુષ્ટયં નિશ્ચચાર ।
સર્વવજ્રાત્મક ॥
હૃદ્વજ્રકવચ ॥
તિષ્ઠ વજ્રયક્ષ હૃદય ॥
વજ્રમુષ્ટિહૃદય ॥
સર્વતથાગતવિશ્વકર્મજ્ઞાનમુદ્રઃ, દુર્યોધનવીર્યજ્ઞાનમુદ્રઃ, સર્વમારમણ્ડલવિધ્વંસનજ્ઞાનમુદ્રઃ, સર્વતથાગતબન્ધજ્ઞાનમુદ્ર ઇતિ । સર્વતથાગતકર્મસમાધયઃ ॥
અથ ભગવાન્ વજ્રપાણિઃ પુનરપિ સુસૂક્ષ્મજ્ઞાનનિમિત્તસ્ફરણયોગેન સર્વતથાગતકાયેભ્યો નિઃક્રમ્ય, વજ્રપાણિમહાબોધિસત્ત્વકાયઃ સંભૂય, પુનરપિ વજ્રસત્વાદિમહાબોધિસત્વવિગ્રહાણિ ભૂત્વા, સ્વાનિ સ્વાનિ ચિન્હાનિ હૃદયેષુ પ્રતિષ્ઠાપ્ય, વજ્રધાતુમહામણ્ડલસન્નિવેશયોગેન ચન્દ્રમણ્ડલાન્યાશ્રિત્ય સ્વહૃદયસમાધયઃ સમાપદ્યાવસ્થિતા ઇતિ ॥
દેલિનેઅતિઓન્ ઓf થે મન્દલ
અથ વજ્રાપાણિઃ પુનરપિ સર્વતથાગતસમાધિજ્ઞાનાભિજ્ઞાનિષ્પાદનાર્થમિદં વજ્રસૂક્ષ્મજ્ઞાનમણ્ડલમભાષત ।
અથાતઃ સંપ્રવક્ષ્યામિ ધર્મમણ્ડલમુત્તમં ।
વજ્રધાતુપ્રતીકાશં વજ્રસૂક્ષ્મમિતિ સ્મૃતં

મહામણ્ડલયોગેન મહાસત્વાન્નિવેશયેત્ ।
વજ્રમધ્યે લિખેદ્બુદ્ધં બુદ્ધમણ્ડલકેષ્વપિ

મહાસત્વાઃ સમાલેખ્યાઃ સ્વમુદ્રાહૃદયન્તથા ।
સમાધિતો નિષણ્ણાસ્તુ વજ્રબન્ધકરદ્વયા