સર્વતથાગતતત્ત્વસંગ્રહ · અધ્યાય 183

અનેન વિધિયોગેન અસિદ્ધાપિ સ્વકર્મભિઃ ।
ગુહ્યભાર્યામિતિ પ્રોક્ત્વા સુતરાં સિદ્ધિમાપ્નુયાદ્ ॥
ઇત્યાહ ભગવાન્ સત્વવજ્રઃ ॥
તત્રેદં વજ્રકુલોત્તમસિદ્ધિગુહ્યતન્ત્રં ।
યથા તથા હિ કુપિતો વજ્ર-હું-કારમુદ્રયા ।
મારયન્ સર્વબુદ્ધાંસ્તુ ભયાત્ સિદ્ધિ[ન્દદઙ્કરેદ્ ॥
ઇત્યાહ] ભગવાન્ સર્વતથાગતહુઙ્કારઃ ॥
તત્રેદં પદ્મકુલોત્તમસિદ્ધિગુહ્યતન્ત્રં ।
સમાધિમુદ્રાં સન્ધાય નિરીક્ષન્ વજ્રદૃષ્ટિના ।
સ્વદારં પરદારં વા પ્રિયાં સિદ્ધિમવાપ્નુયતે- ॥
ત્યાહ ભગવાન્ પદ્મરાગઃ ॥
તત્રેદં મણિકુલોત્તમસિદ્ધિગુહ્યતન્ત્રં ।
દ્વયેન્દ્રિયસમાપત્ત્યા સુખમગ્રમિતિ બ્રૂવન્ ।
સ્વેન્દ્રિયં સર્વબુદ્ધાનાં નિર્યાત્ય લઘુ સિધ્યતી- ॥
ત્યાહ ભગવાન્ મણિરાગઃ ॥
સર્વકુલોત્તમસિદ્ધિગુહ્યતન્ત્રઃ ॥
અથ વજ્રપાણિર્મહાબોધિસત્વઃ સર્વતથાગતસમયસિદ્ધિગુહ્યતન્ત્રમુદાજહાર । તત્રેદં તથાગતસમયસિદ્ધિગુહ્યતન્ત્રં ।
સમયસ્ત્વમિતિ પ્રોક્ત્વા રાગયેત્સર્વયોષિતઃ ।
મ વિરાગય સત્વાર્થં ધ્રુવં બુદ્ધાં સ રાગયેદ્ ॥
ઇત્યાહ ભગવાન્ મહાવૈરોચનઃ ॥
તત્રેદં તથાગતકુલસમયસિદ્ધિગુહ્યતન્ત્રં ।
રાગો હિ નાવમન્તવ્યો રાગયેત્સર્વયોષિતઃ ।
વજ્રિણો ગુહ્યસમયમિદં રક્ષંસ્તુ સિધ્યતી- ॥
ત્યાહ ભગવાન્ વૈરોચનઃ ॥
તત્રેદં વજ્રકુલસમયસિદ્ધિગુહ્યતન્ત્રં ।
મારયન્મારયેલ્લોકં કાયવાક્કર્મસત્ક્રિયૈઃ ।
હૂં-કારૈસ્તુ વિશુદ્ધ્યર્થં સમયો હ્યર્થસિદ્ધિદ ॥
ઇત્યાહ ભગવાન્ ત્રિલોકવિજયઃ ।
તત્રેદં પદ્મકુલસમયસિદ્ધિગુહ્યતન્ત્રં ।
રાગઃ શુદ્ધાત્મનાં શુદ્ધો હ્યશુદ્ધસ્તીર્થ્યયોગિનાં ।
શુદ્ધાત્મનાં તુ સમયં પાલયન્ સિદ્ધિમાપ્નુયાદ્ ॥
ઇત્યાહ ભગવાનવલોકિતેશ્વરઃ ॥
તત્રેદં મણિકુલસમયસિદ્ધિગુહ્યતન્ત્રં ।
બધ્વા વજ્રમણિં પૂર્વં વજ્રગર્ભસમાધિના ।
દુષ્ટાનાં તુ હરન્નર્થાન્ સમયઃ સિદ્ધિદો ભવેદ્ ॥
ઇ]ત્યાહ ભગવાન્ વજ્રરત્નઃ ॥
સર્વકુલસમયસિદ્ધિગુહ્યવિધિવિસ્તરતન્ત્રં ॥
અથ વજ્રપાણિર્મહાબોધિસત્વઃ સર્વતથાગતધર્મસિદ્ધિગુહ્યતન્ત્રમુદાજહાર ।
તત્રેદં તથાગતધર્મસિદ્ધિગુહ્યતન્ત્રં ।
સ્વભાવશુદ્ધિં ધર્માણાં ભાવયન્ સુસમાહિતઃ ।
સર્વકાર્યાણિ કુર્વન્ વૈ બોધીં સિદ્ધિમવાપ્નુતે- ॥
ત્યાહ ભગવાન્ વજ્રધાતુઃ ॥
તત્રેદં તથાગતકુલધર્મસિદ્ધિગુહ્યતન્ત્રં ।
સર્વસત્વાનુરાગશ્ચ વિષયેષ્વવિરાગિતા ।
રામારામણશુદ્ધિસ્તુ ગુહ્યધર્મઃ સુસિદ્ધિદ ॥
ઇત્યાહ ભગવાન્ વજ્રગુહ્યઃ ॥
તત્રેદં વજ્રકુલધર્મસિદ્ધિગુહ્યતન્ત્રં ।
નાસાહુંકારયોગેન સર્વદુષ્ટાંસ્તુ મારયન્ ।
સૂક્ષ્મવજ્રસમાધિસ્થઃ પરાં સિદ્ધિમવાપ્નુયાદ્ ॥
ઇત્યાહ ભગવાન્ ધર્મહુંકારઃ ॥
તત્રેદં પદ્મકુલધર્મસિદ્ધિગુહ્યતન્ત્રં ।
સૂક્ષ્મવજ્રપ્રયોગેણ રામયેત્સર્વયોષિતઃ ।
ધર્મસિદ્ધિમવાપ્નોતિ વજ્રધર્મસમાધિને- ॥
ત્યાહ ભગવાનવલોકિતેશ્વરઃ ।
તત્રેદં મણિકુલધર્મસિદ્ધિગુહ્યતન્ત્રં ।
દ્વયેન્દ્રિયસમાપત્ત્યા સર્વાશા પરિપૂરયન્ ।
યોષિતાં વા પ્રિયાણાં વા સિદ્ધિમાપ્નોત્યનુત્તરામ્ ।
ઇત્યાહ ભગવાન્ વજ્રરત્નઃ ॥
સર્વકુલધર્મસિદ્ધિગુહ્યવિધિવિસ્તરતન્ત્રં ॥
અથ વજ્રપાણિર્મહાબોધિસત્વઃ સર્વતથાગતકર્મસિદ્ધિગુહ્યતન્ત્રમુદાજહાર । તત્રેદં તથાગતકર્મસિદ્ધિગુહ્યતન્ત્રં ।
વજ્રસત્વસમાધિસ્થો બુદ્ધાનુસ્મૃતિભાવકઃ ।
સ્ત્રીકાયં પ્રવિશન્યોન્યા વશીકુર્યાત્તુ યોષિત ॥
ઇત્યાહ ભગવાન્ વૈરોચનઃ ॥
તત્રેદં તથાગતકુલકર્મસિદ્ધિગુહ્યતન્ત્રં ।
વજ્રસત્વસમાધિસ્થો ભગેન પ્રવિશંસ્તથા ।
સ્ત્રિયા કાયે સ્ફરેત્સમ્યગ્ નિશ્ચેષ્ટામપિ રાગયેદ્ ॥
ઇત્યાહ ભગવાન્ વજ્રરાગઃ ॥
તત્રેદં વજ્રકુલકર્મસિદ્ધિગુહ્યતન્ત્રં ।
વજ્રહુંકારમુદ્રાં વૈ બધ્વા તુ સુસમાહિતઃ ।
પ્રવિશંસ્તુ ભગે ક્રુદ્ધઃ મનસા સ તુ પાતયેદ્ ॥
ઇત્યાહ ભગવાન્ વજ્રસમયઃ ॥
તત્રેદં પદ્મકુલકર્મસિદ્ધિગુહ્યતન્ત્રં ।
ધર્મકર્મમયીમુદ્રાં બધ્વા પદ્મસમાધિના ।
ભગેન પ્રવિશન્ રક્ષેદપિ સર્વાસ્તુ યોષિત ॥
ઇત્યાહ ભગવાન્ વજ્રપદ્મઃ ।
તત્રેદં મણિકુલકર્મસિદ્ધિગુહ્યતન્ત્રં ।
કર્મવજ્રમણિં બધ્વા વજ્રરત્નસમાધિના ।
ભગેન પ્રવિશન્ સ્ત્રીણાં ક્ષણાદાવિશ્ય નર્તતી- ॥
ત્યાહ ભગવાન્ વજ્રરત્નઃ ॥
સર્વકુલકર્મસિદ્ધિગુહ્યવિધિવિસ્તરતન્ત્રં ॥
અથવજ્રપાણિર્મહાબોધિસત્વઃ સર્વતથાગતમણ્ડલશુદ્ધિસિદ્ધિગુહ્યતન્ત્રમુદાજહાર । તત્રેદં સર્વતથાગતચક્રશુદ્ધિસિદ્ધિગુહ્યતન્ત્રં ભવતિ ।
ધર્મચક્રસમાકારં કુર્યાદ્વા ગુહ્યમણ્ડલં ।
મુદ્રા ભાર્યા પરિવૃતં તત્ર બુદ્ધન્નિવેશયેત્

પ્રવિષ્ટ્વૈવ હિ તદ્ગુહ્યં બ્રૂયાદ્બુદ્ધસ્ય તત્ક્ષણાત્ ।
"ભાર્યા હ્યેતાસ્તવ વિભો દદસ્વ મમ સર્વદ"

એવં બ્રૂવંસ્તુ સર્વેષુ કુલમુદ્રા નયેષુ ચ ।
ગુહ્યસિદ્ધિમવાપ્નોતિ બુદ્ધાનામસમત્વિષામ્