સર્વતથાગતતત્ત્વસંગ્રહ · અધ્યાય 182

બુદ્ધપૂજાં પ્રકુર્વન્વૈ યથાનુક્રમતસ્તથા ।
દિવ્યચક્ષ્વાદિયોગેન પઞ્ચાભિજ્ઞાં સ પશ્યતી- ॥
ત્યાહ ભગવાનાકાશગભઃ ॥
સર્વકુલાભિજ્ઞાજ્ઞાનવિધિવિસ્તરતન્ત્રઃ ॥
અથ ભગવાન્ વજ્રપાણિર્મહાબોધિસત્વઃ સર્વતથાગતકુલસત્યસિદ્ધિતન્ત્રમુદાજહાર । તત્ર તથાગતસત્યસિદ્ધિતન્ત્રં ભવતિ ।
સત્યાનુપરિવર્તિન્યા વાચા તુ શપથક્રિયા ।
પાલયંસ્તુ મહાસત્યં લઘુ બુદ્ધત્વમાપ્નુયાદ્ ॥
ઇત્યાહ ભગવાન્ બુદ્ધઃ ॥
તત્રેદં તથાગતકુલસત્યસિદ્ધિતન્ત્રં ।
સમયે શપથા કાર્યા તથાગતકુલોદ્ગતા ।
પાલયન્ વજ્રસત્યં તુ સિદ્ધિમગ્ર્યામવાપ્નુત ॥
ઇત્યાહ ભગવાન્ વજ્રધરઃ ।
તત્રેદં વજ્રકુલસત્યસિદ્ધિતન્ત્રં ।
વજ્રધાર્યાસુ શપથાં કૃત્વા તુ દુરતિક્રમાન્ ।
પાલયેત્સત્યમેતદ્ધિ યદિચ્છેત્ સિદ્ધિમુત્તમામ્ ॥
ઇત્યાહ ભગવાન્ વજ્રધરઃ ।
તત્રેદં પદ્મકુલસત્યસિદ્ધિતન્ત્રં ।
સદ્ધર્મે શપથાઙ્કૃત્વા મહાપદ્મકુલોત્તમં ।
પાલયેત્સત્યસમયં યદિચ્છેત્ સિદ્ધિમુત્તમામ્ ॥
ઇત્યાહ ભગવાન્ [વજ્રધ]ર્મઃ ॥
તત્રેદં મણિકુલસત્યસિદ્ધિતન્ત્રં ।
બુદ્ધપૂજાસુ શપથાં કૃત્વા તુ દુરતિક્રમાન્ ।
પાલયેદુત્તમં સત્યમભિષેકં સ લપ્સ્યતી ॥
[ત્યાહ ભગવાન્] બુદ્ધપૂજઃ ॥
સર્વકુલશપથસિદ્ધિતન્ત્રં ॥
અથ વજ્રપાણિર્મહાબોધિસત્વઃ સર્વતથાગતસમયતત્વસિદ્ધિતન્ત્રમુદાજહાર । તત્રેદં સર્વતથાગતસમયતત્વસિદ્ધિતન્ત્રં ભવતિ ।
સમયસ્ત્વમિતિ પ્રોક્તે સર્વમુદ્રાન્ કુલેષ્વપિ ।
સ્વયં બધ્વા દૃઢં યાન્તિ તતઃ પશ્ચાદસાધિતા ॥
ઇત્યાહ ભગવાન્ મહાસમયસત્વઃ ॥
તત્રેદં તથાગતકુલસમયતત્વસિદ્ધિતન્ત્રં ।
સુરતસ્ત્વમિતિ પ્રોક્તે સર્વમુદ્રા અસાધિતાઃ ।
સ્વયં બધ્વા તુ સિધ્યન્તે તત્વચોદાન્ મહાત્મન ॥
ઇત્યાહ ભગવાન્ મહાસમયસત્વઃ ॥
તત્રેદં વજ્રકુલસમયતત્વસિદ્ધિતન્ત્રં ।
એકહુંકારમાત્રેણ સર્વમુદ્રાઃ સમાસતઃ ।
સ્વયં બન્ધેદ્ વન્ધયેદ્વાપિ સ્વયં વાપિ પરસ્ય વે- ॥ તિ ॥
તત્રેદં પદ્મકુલસમયતત્વસિદ્ધિતન્ત્રં ।
સર્વશુદ્ધ ઇતિ પ્રોક્તે સ્વતો વાપિ પરસ્ય વા ।
સ્ત્રીસઙ્ગાદ્યાસ્તુ સંયોગા ન મોક્ષં યાન્તિ સર્વશ ॥ ઇતિ ॥
તત્રેદં મણિકુલસમયતત્વસિદ્ધિતન્ત્રં ॥
ઓંકારેણૈવ સિધ્યન્તે સર્વમુદ્રાઃ સમાસતઃ ॥
સર્વલોકેષુ ચૈવાગ્ર્યાઃ પૂજાશ્ચૈવ સ્વયંભુવામ્ ॥ ઇતિ ॥
સર્વકુલસમયતત્વસિદ્ધિમુદ્રાવિધિવિસ્તરતન્ત્રં ॥
અથ ભગવાન્ વજ્રપાણિર્મહાબોધિસત્વઃ સર્વતથાગતસિદ્ધિમુદ્રાતન્ત્રમુદાજહાર । તત્ર સર્વતથાગતસિદ્ધિતન્ત્રં ભવતિ ।
બુદ્ધમુદ્રાં તુ સંધાય તથાગતમનુસ્મરન્ ।
સાધયન્ સિધ્યતે શીઘ્રં બુદ્ધબોધિરપિ સ્થિરા ॥
તત્રેદં તથાગતકુલસિદ્ધિતન્ત્રં ।
વજ્રસત્વમહામુદ્રાં બધ્વા તુ પરિભાવયન્ ।
પુરતો વજ્રસત્વં ચ સિદ્ધિઃ શીઘ્રતરા ભવેત્ ॥
તત્રેદં વજ્રકુલસિદ્ધિતન્ત્રં ।
બધ્વા તુ સમયાગ્રીં વૈ વજ્રસત્વસમાધિના ।
ભાવયન્ વજ્રસત્વં ચ સિદ્ધિસ્તુ દ્વિગુણા ભવેત્ ॥
તત્રેદં પદ્મકુલસિદ્ધિતન્ત્રં ।
બધ્વા ધર્મમયીં મુદ્રાં લોકેશ્વરસમાધિના ।
ભાવયન્ લોકનાથં ચ સિદ્ધિસ્તુ દ્વિગુણા ભવેત્ ॥
તત્રેદં મણિકુલસિદ્ધિતન્ત્રં ।
કર્મમુદ્રાં સમાધાય વજ્રગર્ભસમાધિના ।
ભાવયન્ વજ્રગર્ભં ચ સિદ્ધિસ્તુ દ્વિગુણા ભવેત્ ॥
સર્વકુલસિદ્ધિવિધિવિસ્તરતન્ત્રં ॥
અથ વજ્રપાણિર્મહાબોધિસત્વઃ સર્વતથાગતસર્વસિદ્ધિસાધનતન્ત્રમુદાજહાર । તત્રેદં સર્વતથાગતસિદ્ધિસાધનતન્ત્રં ।
આત્મનો વાથ પરતો બુદ્ધાનુસ્મૃતિસાધકઃ ।
બધ્વા વૈ સર્વમુદ્રાસ્તુ તતઃ સિધ્યન્તિ તત્ક્ષણાદ્ ॥
ઇત્યાહ ભગવાન્ બુદ્ધઃ ॥
તત્રેદં તથાગતકુલાદિસર્વસિદ્ધિસાધનતન્ત્રં ।
સાધયેત્સર્વમુદ્રાસ્તુ કામો ઽહમિતિ ભાવયન્ ।
વજ્રજાપપ્રયોગેણ સર્વસિદ્ધ્યગ્રસાધનમ્ ॥
ઇત્યાહ ભગવાન્ વજ્રસત્વઃ ॥
તત્રેદંવજ્રકુલસર્વસિદ્ધિસાધનતન્ત્રં ।
વજ્રબિમ્બં સ્વમાત્માનં ભાવયન્ [સુસમાહિતઃ] ।
બધ્નીયાત્સર્વમુદ્રાસ્તુ સિદ્ધિં યાન્તિ હિ તત્ક્ષણાદ્ ॥
ઇત્યાહ ભગવાન્ સર્વતથાગતવજ્રઃ ॥
તત્રેદં પદ્મકુલસર્વસિદ્ધિસાધનતન્ત્રં ।
પદ્મબિમ્બં સ્વ[માત્માનં] ભાવયન્ સ્વયમાત્મના ।
સર્વજ્ઞાનમયી સિદ્ધિર્મહાપદ્મકુલે સ્મૃતે- ॥
ત્યાહ ભગવાનવલોકિતેશ્વરઃ ॥
તત્રેદં મણિકુલસર્વસિદ્ધિસાધનતન્ત્રં ।
ભાવયેત્સ્વયમાત્માનં મણિરત્નંકરો જ્વાલં ।
સર્વપૂજામયી સિદ્ધિર્મહામણિકુલે સ્મૃતે- ॥
ત્યાહ ભગવાનાકાશગર્ભઃ ॥
સર્વકુલોત્તમસિદ્ધિવિધિવિસ્તરતન્ત્રઃ ॥
અથ વજ્રપાણિર્મહાબોધિસત્વઃ સર્વતથાગતાધિષ્ઠાનમુદ્રાસિદ્ધિતન્ત્રમુદાજહાર । તત્રેદન્તથાગતાધિષ્ઠાનસિદ્ધિતન્ત્રં ।
વજ્રધાત્વીશ્વરીં મુદ્રાં બધ્વા તુ સુસમાહિતઃ ।
હૃદ્યૂર્ણાયાં ગલે મૂર્ધ્નિ સ્થાપ્ય બુદ્ધૈરધિષ્ઠ્યત્ ॥
ઇત્યાહ ભગવાન્ બુદ્ધઃ ॥
તત્રેદં તથાગતકુલાધિષ્ઠાનસિદ્ધિતન્ત્રં ભવતિ ।
સત્વવજ્રીન્ દૃઢીકૃત્ય વજ્રસત્વસમાધિના ।
હદ્યૂર્ણાયાં તથા કણ્ઠે મૂર્ધ્નિ સ્થાપ્યાધિતિષ્ઠ્યતે ।
ઇત્યાહ ભગવાન્ વજ્રસત્વઃ ॥
તત્રેદં વજ્રકુલાધિષ્ઠાનસિદ્ધિતન્ત્રં ।
વજ્રહૂંકારમુદ્રાં વૈ બધ્વા તુ સુસમાહિતઃ ।
હૃદ્યૂર્ણાકણ્ઠમૂર્ધસ્થા સમાધિષ્ઠાનિ તત્ક્ષણાદ્ ॥
ઇત્યાહ ભગવાન્ વજ્રનાથઃ ॥
તત્રેદં પદ્મકુલાધિષ્ઠાનસિદ્ધિતન્ત્રં ।
વજ્રપદ્માં દૃઢીકૃત્ય લોકેશ્વરસમાધિના ।
હૃદ્યૂર્ણાકણ્ઠમૂર્ધસ્થા સ્વધિષ્ઠાપય કલ્પત ॥
ઇત્યાહ ભગવાનવલોકિતેશ્વરઃ ।
તત્રેદં મણિકુલાધિષ્ઠાનસિદ્ધિતન્ત્રં ।
મહાવજ્રમણિં બધ્વા વજ્રગર્ભસમાધિના ।
હૃદ્યૂર્ણાકણ્ઠમૂર્ધસ્થા સ્વધિષ્ઠાનાય કલ્પયેદ્ ॥
ઇત્યાહ ભગવાન્ વજ્રગર્ભઃ ॥
સર્વકુલાધિષ્ઠાનવિધિવિસ્તરતન્ત્રઃ ॥
અથ વજ્રપાણિર્મહાબોધિસત્વઃ સર્વતથાગતાભિષેકમુદ્રાસિદ્ધિતન્ત્રમુદાજહાર । તત્રેદં તથાગતાભિષેકસિદ્ધિતન્ત્રં ।
સજ્રરત્નાં સમાધાય લલાટે તુ પ્રતિષ્ઠિતાં ।
કૃત્વા તુ વજ્રરત્નેભ્યામભિષિક્તો જિનેર્ભવેદ્ ॥
ઇત્યાહ ભગવાન્ બુદ્ધઃ ॥
તત્રેદં તથાગતકુલાભિષેકસિદ્ધિતન્ત્રં ।
વજ્રધાત્વીશ્વર્યાદ્યાભિર્બુદ્ધમુદ્રાભિરગ્રતઃ ।
સમારભ્ય ચતુઃપાર્શ્વમાલયા ત્વભિષિચ્યતી- ॥ તિ ॥
તત્રેદં વજ્રકુલાભિષેકસિદ્ધિતન્ત્રં ।
વજ્રાભિષેકમાલાં તુ સન્ધાય ચ લલાટગાન્ ।
તયા માલાભિષેકેણ વજ્રિણા સો ઽભિષિચ્યતી- ॥ તિ ॥
તત્રેદં પદ્મકુલાભિષેકસિદ્ધિતન્ત્રં ।
ધર્મવજ્રીં સમાધાય પુરઃ શીર્ષે પ્રતિષ્ઠિતાં ।
તયાભિષિક્તો બુદ્ધૈસ્તુ લોકેશ્વર્યે ઽભિષિચ્યતી- ॥
ત્યાહ ભગવાનવલોકિતેશ્વરઃ ॥
તત્રેદં મણિકુલાભિષેકસિદ્ધિતન્ત્રં ।
વજ્રરત્નાઙ્કુરાં બધ્વા લલાટે તુ પ્રતિષ્ઠિતાં ।
તયાભિષિક્તો બુદ્ધૈસ્તુ પૂજૈશ્વર્યે ઽભિષિચ્યતી- ॥
ત્યાહ ભગવાનાકાશગર્ભઃ ॥
સર્વકુલાભિષેકસિદ્ધિતન્ત્રં ॥
અથ વજ્રપાણિર્મહાબોધિસત્વઃ સર્વતથાગતસમાધિસિદ્ધિતન્ત્રમુદાજહાર । તત્રેદં સર્વતથાગતસમાધિસિદ્ધિતન્ત્રં ।
આહારતઃ સર્વબુદ્ધાનાં મુદ્રાં બધ્વા સમાહિતઃ ।
જપન્ વૈ મન્ત્રવિદ્યાસ્તુ શીઘ્રં સિદ્ધિમવાપ્નુતે- ॥

ત્યાહ ભગવાન્ બુદ્ધઃ ॥
તત્રેદં તથાગતકુલસમાધિસિદ્ધિતન્ત્રં ।
સમાધિર્વજ્રધર્મેણ સત્વાધિષ્ઠાનયોગતઃ ।
હૃન્મુદ્રામન્દ્રવિદ્યાસ્તુ શીઘ્રં સિધ્યન્તિ જાપત ॥
ઇત્યાહ ભગવાન્ બુદ્ધસમાધિઃ ॥
તત્રેદં વજ્રકુલસમાધિસિદ્ધિતન્ત્રં ।
રાગાત્ત્વમસિ સંભૂતઃ ક્રોધો ઽહમિતિ ભાવયન્ ।
હૃન્મુદ્રામન્ત્રવિદ્યાનામાશુસિદ્ધિકરં ભવેદ્ ॥
ઇ[ત્યાહ ભગવા]ન્ વજ્રધરઃ ॥
તત્રેદં પદ્મકુલસમાધિસિદ્ધિતન્ત્રં ।
મૈત્રીસ્ફરણતાયોગઃ સાધયેદ્ધૃદયાદયઃ ।
લોકેશ્વરકુલે જાપઃ સિદ્ધિં શીઘ્રં[તુ દદાતિ- ॥
ત્યા]હ ભગવાનાર્યાવલોકિતેશ્વરઃ ॥
તત્રેદં મણિકુલસમાધિસિદ્ધિતન્ત્રં ।
સર્વાકાશસમાધિસ્તુ ભાવયન્ સુસમાહિતઃ ।
હૃન્મુદ્રામન્ત્રવિદ્યાસુ સાધયન્ સર્વગો ભવેદ્ ॥
ઇત્યાહ ભગવાનાકાશગર્ભઃ ॥
સર્વકુલસમાધિસિદ્ધિવિધિવિસ્તરતન્ત્રં ॥
અથ વજ્રપાણિર્મહાબોધિસત્વઃ સર્વતથાગતપૂજામુદ્રાસિદ્ધિતન્ત્રમુદાજહાર । તત્રેદં તથાગતપૂજાસિદ્ધિતન્ત્રં ।
પૂર્વં ધૂપાદિભિઃ પૂજાં કૃત્વા તુ સુસમાહિતઃ ।
તતસ્તુ સિદ્ધિકામો વૈ સાધયન્ સિદ્ધિમાપ્નુયાદ્ ॥
ઇત્યાહ ભગવાન્ બુદ્ધઃ ॥
તત્રેદં તથાગતકુલપૂજાસિદ્ધિતન્ત્રં ।
ગુહ્યપૂજાચતુષ્ઠેન પૂજાગુહ્યમુદાહરન્ ।
આત્મનિર્યાતનાદ્યૈવાં પૂજાં કુર્વસ્તુ સિધ્યતી- ॥
ત્યાહ ભગવાન્ વજ્રસત્વઃ ॥
તત્રેદં વજ્રકુલપૂજાસિદ્ધિતન્ત્રં ।
ક્રોધવજ્રમહાપૂજાં ક્રોધગુહ્યમુદાહરન્ ।
ક્રોધમુષ્ટિ પ્રકુર્વન્ વૈ શીઘ્રં સિધ્યેત્ કુલં મમે- ॥
ત્યાહ ભગવાન્ વજ્રધરઃ ॥
તત્રેદં પદ્મકુલપૂજાસિદ્ધિતન્ત્રં ।
ગંભીરોદારસૂત્રાન્તપ્રયોગસમુદાહૃતાઃ ।
નિર્યાતયન્મનોવાગ્ભિઃ શીઘ્રં સિદ્ધિમવાપ્નુયાદ્ ॥
ઇત્યાહ ભગવાનાર્યાવલોકિતેશ્વર ।
તત્રેદં મણિકુલપૂજાસિદ્ધિતન્ત્રં ।
ચ્છત્રધ્વજપતાકાભિઃ રાજપૂજાભિરર્ચયન્ ।
સિધ્યતે મણિકુલં સર્વદદન્ દાનાનિ વા સિધ્યતી- ॥
ત્યાહ ભગવાન્ વજ્રગર્ભઃ ॥
સ્વાધિષ્ઠાનાદિસંયુક્તો વજ્રસત્વસમો ભવેત્ ।
ચતુર્ભિઃ પ્રાતિહાર્યસ્તુ વજ્રવિશ્વં સમાધયેત્ ॥
સર્વસિદ્ધય ઇત્યાહ ભગવાન્ વજ્રસત્વઃ ॥
સર્વકુલાધિષ્ઠાનાભિષેકસમાધિપૂજાસિદ્ધિવિધિવિસ્તરતન્ત્રં ॥
અથ વજ્રપાણિર્મહાબોધિસત્વઃ સર્વતથાગતા[ભિજ્ઞાજ્ઞા]નસિદ્ધિતન્ત્રમુદાજહાર । તત્રેદં તથાગતાભિજ્ઞાજ્ઞાનસિદ્ધિતન્ત્રં ભવતિ ।
કાયે બુદ્ધસમાધિસ્તુ સ્વભિજ્ઞા સૌગતી ત્વિયં ।
તસ્યાઃ સુપ્રતિ[વેદિત્ય]બૌદ્ધીં સિદ્ધિમવાપ્નુયાદ્ ॥
ઇત્યાહ ભગવાન્ બુદ્ધઃ ॥
તત્રેદં તથાગતકુલાભિજ્ઞાજ્ઞાનસિદ્ધિતન્ત્રં ।
દિવ્યચક્ષ્વાદયો ઽભિજ્ઞા ભાવયન્ સુસમાહિતઃ ।
પઞ્ચાભિજ્ઞઃ સ્વયંભૂત્વા વજ્રસત્વત્વમાપ્નુયાદ્ ॥
ઇત્યાહ ભગવાન્ વજ્રસત્વઃ ॥
તત્રેદં વજ્રકુલાભિજ્ઞાજ્ઞાનસિદ્ધિતન્ત્રં ।
ક્રોધાભિજ્ઞાં સમુત્પાદ્ય સાધયન્ સુસમાહિતઃ ।
પઞ્ચાભિજ્ઞઃ સ્વયંભૂત્વા પરાં સિદ્ધિમવાપ્નુયાદ્ ॥
ઇત્યાહ ભગવાન્ વજ્રધરઃ ॥
તત્રેદં પદ્મકુલાભિજ્ઞાજ્ઞાનસિદ્ધિતન્ત્રં ।
રાગાભિજ્ઞાં સમુત્પાદ્ય ભાવયન્ સુસમાહિતઃ ।
પઞ્ચાભિજ્ઞઃ સ્વયંભૂત્વા શુદ્ધાં સિદ્ધિમવાપ્નુયાદ્ ॥
ઇત્યાહ ભગવાન્ વજ્રનેત્રઃ ॥
તત્રેદં મણિકુલાભિજ્ઞાજ્ઞાનસિદ્ધિતન્ત્રં ।
પૂજાભિજ્ઞાં સમુત્પાદ્ય ભાવયન્ સુસમાહિતઃ ।
પઞ્ચાભિજ્ઞઃ સ્વયંભૂત્વા સર્વસિદ્ધિર્વરા ભવેદ્ ॥
ઇત્યાહ ભગવાન્ વજ્રધરઃ ॥
સર્વકુલાભિજ્ઞાજ્ઞાનસિદ્ધિવિધિવિસ્તરતન્ત્રં ॥
અથ વજ્રપાણિર્મહાબોધિસત્વઃ સર્વતથાગતબોધિજ્ઞાનસિદ્ધિતન્ત્રમુદાજહાર । તત્રેદં તથાગતબોધિજ્ઞાનસિદ્ધિતન્ત્રં ।
વજ્રસત્વસમાધિસ્થો બુદ્ધાનુસ્મૃતિમાન્ સ્વયં ।
બુદ્ધબોધિરિયં જ્ઞાનં ભાવયન્ સિદ્ધિમાપ્નુયાદ્ ॥
ઇત્યાહ ભગવાન્ બુદ્ધઃ ॥
તત્રેદં તથાગતકુલામહાબોધિજ્ઞાનસિદ્ધિતન્ત્રં ।
વજ્રસત્વસમાધિસ્થો મહામુદ્રાં તુ ભાવયન્ ।
મહાબોધિરિયં જ્ઞાનં ભાવયન્ સિદ્ધિમાપ્નુયાદ્ ॥
ઇત્યાહ ભગવાન્ મહાબોધિસત્વઃ ॥
તત્રાયં વજ્રકુલમહાબોધિજ્ઞાનસિદ્ધિતન્ત્રઃ ।
ક્રોધરાજસમાધિસ્થઃ સમયાગ્ર્યા કરગ્રહઃ ।
મહાબોધિરિયં જ્ઞાનં ભાવયન્ સિદ્ધિમાપ્નુયાદ્ ॥
ઇત્યાહ ભગવાન્ વજ્રધરઃ ॥
તત્રેદં પદ્મકુલમહાબોધિજ્ઞાનસિદ્ધિતન્ત્રં ।
લોકેશ્વરસમાધિસ્થો ધર્મમુદ્રાં જપંસ્તથા ।
મહાબોધિરિયં જ્ઞાનં ભાવયન્ સિદ્ધિમાપ્નુયાદ્ ॥
ઇત્યાહ ભગવાનવલોકિતેશ્વરઃ ॥
તત્રેદં મણિકુલમહાબોધિજ્ઞાનસિદ્ધિતન્ત્રં ।
વજ્રગર્ભસમાધિસ્થઃ કર્મમુદ્રા સુકર્મકૃત્ ।
મહાબોધિરિયં જ્ઞાનં ભાવયન્ સિદ્ધિમાપ્નુયાદ્ ॥
ઇત્યાહ ભગવાનાકાશગર્ભઃ ॥
સર્વકુલમહાબોધિજ્ઞાનસિદ્ધિવિધિવિસ્તરતન્ત્રઃ ॥
અથ વજ્રપાણિર્મહાબોધિસત્વઃ સર્વતથાગતાનુરાગણસિદ્ધિતન્ત્રમુદાજહાર । તત્રેદં તથાગતાનુરાગણસિદ્ધિતન્ત્રં ।
સત્વાર્થં ચ પ્રકુર્વન્ વૈ બુદ્ધબોધ્યર્થિકઃ સ્વયં ।
બુદ્ધાનુસ્મૃતિમાં ભૂત્વા સર્વબુદ્ધાનુરાગણમ્ ॥
ઇત્યાહ ભગવાન્ વજ્રરાગઃ ॥
તત્રેદં તથાગતકુલાનુરાગણસિદ્ધિતન્ત્રં ।
યથા વિષયવાં ભૂત્વા વજ્રસત્વ[સ્તુ] સાધયેત્ ।
તત્વચોદનયા શીઘ્રમનુરક્તઃ સ સિધ્યતી- ॥
ત્યાહ ભગવાન્ વજ્રસત્વઃ ॥
તત્રેદં વજ્રકુલાનુરાગણસિદ્ધિતન્ત્રં ।
બુદ્ધાજ્ઞાકારિતાર્થં હિ દુષ્ટાનામભિચારુકૈઃ ।
ક્રોધાન્ સત્વવિશુદ્ધ્યર્થમિદં વજ્રાનુરાગણમ્ ॥
ઇત્યાહ ભગવાંસ્ત્રિલોકવિજયઃ ॥
તત્રેદં પદ્મકુલાનુરાગણસિદ્ધિતન્ત્રં ।
રાગાવલોકનં મૈત્રીકારુણ્ય ધર્મવાદિતા ।
સર્વાભયપ્રદાનં ચ સર્વબુદ્ધાનુરાગણમ્ં ॥
ઇત્યાહ ભગવાન્ વજ્રનેત્રઃ ॥
તત્રેદં મણિકુલાનુરાગણસિદ્ધિતન્ત્રં ।
અભિષેકપ્રદાનં ચ પ્રદાનં ધનસંચયં ।
તચ્ચ બુદ્ધાર્થતો યોજ્યમિદં બુદ્ધાનુરાગણમ્ ॥
ઇત્યાહ ભગવાનાર્યાકાશગર્ભઃ ।
સર્વકુલાનુરાગણસિદ્ધિવિધિવિસ્તરતન્ત્રં ॥
અથ વજ્રપાણિર્મહાબોધિસત્વઃ સર્વતથાગતવશીકરણસિદ્ધિતન્ત્રમુદાજહાર । તત્રેદં તથાગત વશીકરણસિદ્ધિતન્ત્રં ॥
રાગો વૈ નાવમન્તર્યો વિશુદ્ધઃ સુખદસ્તથા ।
સવસત્વાર્થતો યોગ ઇદં બુદ્ધવશઙ્કરમ્ ॥
ઇત્યાહ ભગવાન્ બુદ્ધઃ ॥
તત્રેદં તથાગતકુલવશીકરણસિદ્ધિતન્ત્રં ।
કામં સેવ્ય સુખાત્મા તુ સુરતસ્ત્વમિતિ કુર્વન્ ।
સાધયેદ્ વજ્રસત્વં તુ તત્વચોદવશીકૃતમ્ ॥
ઇત્યાહ ભગવાન્ સમન્તભદ્રઃ ॥
તત્રેદં વજ્રકુલવશીકરણસિદ્ધિતન્ત્રં ।
બુદ્ધાજ્ઞાન્ સત્વશુદ્ધ્યર્થમભયાર્થં ચ દેહિનાં ।
બુદ્ધશાસનરક્ષાર્થં મારયં વશમાનયેદ્ ॥
ઇત્યાહ ભગવાન્ વજ્રહુંકાર ॥
તત્રેદં પદ્મકુલવશીકરણસિદ્ધિતન્ત્રં ।
રાગશુદ્ધિં પરીક્ષત્ વૈ પદ્મપત્રવિકાસતઃ ।
રઞ્જેદ્વા રાગયેચ્ચૈવ વિનયાર્થં વશંકરમ્ ॥
ઇત્યાહ આર્યાવલોકિતેશ્વરઃ ॥
તત્રેદં મણિકુલવશીકરણસિદ્ધિતન્ત્રં ।
સર્વબુદ્ધાભિષેકાર્થં વજ્રરત્નં દિનેદિને ।
શીર્ષે સ્થાપ્યાભિષિચ્યતાં સર્વબુદ્ધાન્ વશં નયેદ્ ॥
ઇત્યાહ ભગવાનાકાશગર્ભઃ ॥
સર્વકુલવશીકરણસિદ્ધિતન્ત્રં ॥
અથ વજ્રપાણિર્મહાબોધિસત્વઃ સર્વતથાગતમારણસિદ્ધિતન્ત્રમુદાજહાર । તત્રેદં તથાગતમારણસિદ્ધિતન્ત્રં ।

અપશ્યં સર્વસત્વાર્થ બુદ્ધતત્વા ન શોધયન્ ।
મનસા કર્મવાગ્ભ્યાં વા મારણસિદ્ધિમાપ્તયાદ્ ॥
ઇત્યાહ ભગવાંસ્તથાગતઃ ॥
તત્રેદં તથાગતકુલમારણસિદ્ધિતન્ત્રં ।
અલાભાત્સર્વસિદ્ધીનામનુદ્યોગાત્કુલસ્ય ચ ।
આસ્ફોટમહાવજ્રસ્ય મારયન્ લઘુ સિધ્યત ॥
ઇત્યાહ ભગવાન્ વજ્રપાણિઃ ॥
તત્રેદં વજ્રકુલમારણસિદ્ધિતન્ત્રં ।
અદુષ્ટદમનાત્ક્રોધાદસત્વવિનેયાત્ તથા ।
આત્મનો દુઃખદાનાચ્ચ હુંકારેણ તુ મારયેદ્ ॥
ઇત્યાહ ભગવાન્ વજ્રધરઃ ॥
તત્રેદં પદ્મકુલમારણસિદ્ધિતન્ત્રં ॥
અકારુણ્યાદમૈત્ર્યાત્તુ દુઃસત્વાનામશોધનાત્ ।
આત્મનશ્ચ વિસંવાદાન મારયન્ સિદ્ધિમાપ્નુયાદ્ ॥
ઇત્યાહ ભગવાનવલોકિતેશ્વરઃ ॥
તત્રેદં મણિકુલમારણસિદ્ધિતન્ત્રં ।
અત્યાગાદાત્મનો ઽનર્થાત્ અર્થકારાદનર્થતઃ ।
દારિદ્ર્યાચ્ચૈવ સત્વાનાં મારયન્ સિદ્ધિમાપ્નુયાદ્ ॥
ઇત્યાહ ભગવાન્ સર્વાશાપરિપૂરકઃ ॥
કેચિદપ્રાપ્તિયોગેન બુદ્ધાનાં મારણાત્મકાઃ ।
તેષામુદ્ધરણાર્થાય લઘુ સિદ્ધિપ્રદા વયમ્ ॥
ઇત્યાહ ભગવાનાર્યસમન્તભદ્રઃ ॥
સર્વકુલમારણસિદ્ધિવિધિવિસ્તરતન્ત્રં ॥
અથ ભગવાન્ વજ્રપાણિર્મહાબોધિસત્વઃ સર્વતથાગતરક્ષામુદ્રાસિદ્ધિતન્ત્રમુદાજહાર । તત્રેદં તથાગતરક્ષાસિદ્ધિતન્ત્રં ।
સર્વસત્વાપરિત્યાગો બુદ્ધપૂજાત્મતા સદા ।
નિત્યં બુદ્ધમનસ્કારો રક્ષેયં પરમાદ્ભુત- ॥
ઇત્યાહ ભગવાન્ બુદ્ધઃ ॥
તત્રેદં તથાગતકુલરક્ષાસિદ્ધિતન્ત્રં ।
વજ્રસત્વે સકૃદ્વારાં નામમાત્રપરિગ્રહઃ ।
ઇયં રક્ષા તુ મહતી શાશ્વતી સિદ્ધિદા ક્ષણાદ્ ॥
ઇત્યાહ ભગવાન્ વજ્રધરઃ ।
તત્રેદં વજ્રકુલરક્ષાસિદ્ધિતન્ત્રં ।
વિદ્યાતન્ત્રેષુ સંતોષઃ ત્રિલોકવિજયાત્મતા ।
ભક્તિર્વૈ વજ્રહુંકારે રક્ષેયં સ્વપરસ્ય વે- ॥
ત્યાહ ભગવાન્ વજ્રહુંકારઃ ॥
તત્રેદં પદ્મકુલરક્ષાસિદ્ધિતન્ત્રં ।
રાગશુદ્ધિર્મહામૈત્રી સત્વેષુ અભયદાનતા ।
લોકેશનામજાપશ્ય રક્ષેયં પરમાદ્ભુતે- ॥
ત્યાહ ભગવાન્ વજ્રધર્મઃ ।
તત્રેદં મણિકુલરક્ષાસિદ્ધિતન્ત્રં ।
અબન્ધ્યો દિવસઃ કાર્યો યથા શક્ત્યા પ્રયોગતઃ ।
ત્યાગેન બુદ્ધસત્વાભ્યાં રક્ષેયં પરમાદ્ભૂતે- ॥
ત્યાહ ભગવાન્ વજ્રરક્ષઃ ॥
સર્વકુલરક્ષાસિદ્ધિવિધિવિસ્તરતન્ત્રં ॥
અથ વજ્રપાણિર્મહાબોધિસત્વો ભગવન્તમેતદવોચત્ । "પ્રતિગૃહાણ ભગવન્નિદં સર્વતથાગતકુલતન્ત્રં । યેન સર્વસત્વાઃ સર્વકલ્પૈશ્વર્યતયાધિગમં કૃત્વા, શીઘ્રમનુત્તરાં સમ્યક્સંબોધિમભિસંભોત્સ્યન્ત" ઇતિ ॥
અથ ભગવાન્ વજ્રપાણયે બોધિસત્વાય મહાસત્વાય સાધુકારમદાત્ । "સાધુ સાધુ વજ્રપાણે સુભાષિતં, પ્રતિગૃહીતો ઽસ્માભિરધિષ્ઠિતશ્ચે-" તિ ॥
અથ સર્વતથાગતાઃ પુનઃ સમાજમાગમ્ય, વજ્રપાણયે મહાબોધિસત્વાય સાધુકારાણ્યદદન્ ।
"સાધુ તે વજ્રસત્વાય વજ્રરત્નાય સાધુ તે ।
વજ્રધર્માય તે સાધુ સાધુ તે વજ્રકર્મણે ॥
સુભાષિતમિદં સૂત્રં વજ્રયાનમનુત્તરં ।
સર્વતથાગતં ગુહ્યં મહાયાનાભિસંગ્રહમ્ ॥ " ઇતિ ॥
સર્વતથાગતતત્વસંગ્રહાત્ સર્વકલ્પોપાયસિદ્ધિવિધિવિસ્તરતન્ત્રઃ પરિસમાપ્તઃ ॥
છપ્તેર્ 24 સર્વ-કુલ-કલ્પ-ગુહ્ય-વિધિ-વિસ્તર-તન્ત્ર
અથ વજ્રપાણિર્મહાબોધિસત્વઃ સર્વતથાગતગુહ્યસિદ્ધિતન્ત્રમુદાજહાર । તત્રાદિત એવ સર્વતથાગતોત્તમસિદ્ધિગુહ્યતન્ત્રં ।
બુદ્ધબોધિસમાધિન્તુ ભાવયન્ સુસમાહિતઃ ।
સુખેન લભ્યતે બોધિરિતિ ચિન્ત્યાવબુધ્યતી- ॥
ત્યાહ ભગવાન્ સર્વતથાગતઃ ॥
તત્રેદં તથાગતકુલોત્તમસિદ્ધિગુહ્યતન્ત્રં ।
સત્વવજ્રાં હૃદિ બધ્વા ભાર્યા મે ત્વમિતિ પ્રિયા ।
દૃઢીભવ ઇતિ પ્રોક્તે સર્વમુદ્રાસ્તુ સાધયેત્