સર્વતથાગતતત્ત્વસંગ્રહ · અધ્યાય 163

તત્રાસાં હૃદયાનિ ભવન્તિ ।
ઓં મહાસિદ્ધિઃ ॥
ઓં સમયાભિષેકસિદ્ધિઃ ॥
ઓં ધર્મસિદ્ધિઃ ॥
ઓં કર્મસિદ્ધિઃ ॥
અથાત્ર મણ્ડલે મહામુદ્રાબન્ધો ભવતિ ।
રત્નવજ્રાઙ્કુરાં બધ્વા મધ્યાનામાન્તિમાઙ્ગુલી ।
પ્રસારિતાસ્તુ સંધાય મૂર્ધ્નિ સ્થાપ્યાગ્રસિદ્ધિદા

વજ્રબન્ધં સમાધાય ગ્રન્થિતાગ્ર્યા યુયોર્ણગા ।
દ્વયઙ્ગુષ્ઠાનામિકા વજ્રા પરિવર્ત્યાભિષેકદા

વજ્રરત્નપ્રયોગેણ સા એવ પરિવર્તિતા ।
તર્જન્યગ્રમુખા સઙ્ગાદભિષેકન્દદાતિ સા

સા એવાઙ્ગુષ્ઠજ્યેષ્ઠાભ્યાં ધર્મવજ્રપ્રયોગતઃ ।
બધ્વા લલાટગા ચૈવ મહાધર્માભિષેકદા

કર્મવજ્રાં સમાધાય લલાટે પરિવર્ત્ય વૈ ।
સર્વાભિષેકમાલાં તુ સ્થાપયન્નભિષિઞ્ચતિ

રત્નસંભવમુદ્રાં તુ સમયાં વજ્રધાતુજાં ।
બધ્વા રત્નપ્રતિષ્ઠાં તુ લલાટે ત્વભિષિચ્યતે

અઙ્ગુષ્ઠા બન્ધપર્યઙ્કા તર્જનીદ્વયસન્ધિતા ।
મણિમુખાગ્ર્યયોઃ કુર્યાન્મહાવજ્રમણિં લભેત્

વજ્રબન્ધં સમાધાય મણિમુષ્ટિં પ્રસારયેત્ ।
મણિસ્તુ મધ્યમાભ્યાં તુ મણિમાલાભિષેકદા

વજ્રબન્ધં સમાધાય મધ્યમા મણિયોજિતા ।
દ્વ્યગ્રાનામવિકાસા તુ પદ્મઙ્કૃત્વા તું સિધ્યતિ

મધ્યમાભ્યાં મણિં બધ્વા સર્વાઙ્ગુલ્યઃ સમુચ્છિતાઃ ।
ભાવયંસ્તુ મણીનેવ ભવેત્ સુપરિવારવાન્

વજ્રરત્નં સમાધાય [મધ્યમાઙ્]ગુષ્ઠયોગતઃ ।
સમાનામકનિષ્ઠા તુ જિવ્હા મુખે મણિપ્રદા

સા એવ તર્જની વજ્રા તત્સ્થા એવ તથાઙ્કુ શી ।
તર્જન્યા તર્જની કર્ષા [તાભ્યન્તુષ્ટિપ્રદાયિ]કા

મધ્યમાભ્યાં મણિં બધ્વા દ્ર્યગ્રસંકોચસંસ્થિતા ।
બધ્વાનામાઙ્ગુલિમુખાનઙ્ગુષ્ઠદ્વયચ્છાદિતા

સા એવ સૂર્યાવર્તા તુ મૂર્ધ્નિ બાહુપ્રસારિતા ।
મણિં ધ્વજાગ્રકેયૂરા હાસયોગેન યોજિતા

વજ્રબન્ધં સમાધાય જ્યેષ્ઠાનામમુખોચ્છિતા ।
તાભિઃ પદ્મં તુ સંભાવ્ય મધ્યમામ્યાં મણીકૃતા

॥
સા એવાન્ત્યપ્રદાના તુ વજ્રકોશપ્રયોજિતા ।
વજ્રચક્રપ્રયોગા તુ સા એવ મુખતોદ્ધૃતા

વજ્રરત્નાઙ્કુ રાં બધ્વા સર્વાઙ્ગુલ્યઃ પ્રસારયેત્ ।
તાં તુ મૂર્ધ્નિ પ્રતિષ્ઠાપ્ય રત્નવૃષ્ટિસ્તુ વર્ષયેત્

સા એવ ચક્રયોગા તુ હૃદિ રત્નદ્વિધીકૃતા ।
મણિગ્રહાગ્રદંષ્ટ્રા તુ મુષ્ટિર્મધ્યમસન્ધિતે ॥ તિ