સર્વતથાગતતત્ત્વસંગ્રહ · અધ્યાય 152

અથાત્ર મહામણ્ડલે સમયમુદ્રાજ્ઞાનં ભવતિ ।
વજ્રરત્નમયી મુદ્રા સર્વબુદ્ધાભિષેકદા ।
મહાવજ્રમણિં બધ્વા વજ્રરત્નં તુ સિધ્યતિ

વજ્રદ્વિકં મણીકૃત્વા ધનં વજ્રધરાલ્લભેત્ ।
સા એવાઙ્ગુ ષ્ઠવજ્રેણ મણિં દદ્યાદ્ હૃદિ સ્થિતં

કુડ્મલાગ્ર્યા મણિં બધ્વા લોકેશો ધનદો ભવેત્ ।
વજ્રકર્મમણિન્દદ્યાન્ મહાવિશ્વમણિધ્વજં

વજ્રધાત્વગ્રમણિના બુદ્ધરત્નત્વમાપ્નુયાત્ ।
સમાગ્રગ્રા પૃષ્ઠસંકોચા વજ્રમઙ્ગુષ્ઠબન્ધતઃ

ઇયં વજ્રમણિઃ પ્રોક્તા વજ્રગર્ભસ્ય પાણિતઃ ।
અનયા બુદ્ધમાત્રયા મહાવજ્રમણિં લભેત્

રત્નવજ્રાં સમાધાય સમમધ્યોત્થિતાઙ્કરાં ।
અનયા બદ્ધમાત્રયા સ્વભિષેકાપ્યવાપ્નુયાત્

સા એવ મધ્યમાનામકનિષ્ઠા કુડ્મલીકૃત્વા ।
અનયા તુ ધનં દદ્યાદવલોકિતનામધૃક્

વજ્રરત્નપ્રયોગેણ તર્જન્યઙ્ગુષ્ઠકન્યસા ।
મધ્યમાભ્યાં નખસન્ધાનાન્ સમાનામાઙ્કુ રોત્થિતા

વજ્રબન્ધં દૃઢીકૃત્ય તર્જનીભ્યાં મણીકૃતા ।
પ્રસારિતાઙ્ગુષ્ઠમુખા હૃદિ સર્વાર્થસિદ્ધિદા

વજ્રબન્ધં સમાધાય મધ્યમા મણિયોજિતા ।
મુદ્રેયં મણિચિન્હસ્ય મણિરત્નપ્રદાયિકા

સ એવાઙ્કુશયોગેન તર્જનીભ્યાં સમન્ધિતા ।
સર્વાર્થકર્ષણી મુદ્રા મણિરત્નાઙ્કુશી સ્મૃતા

સા એવ વલિ[તાં કૃત્વા] તર્જન્યા તર્જની ગ્રહા ।
વાણાકર્ષણાયોગેન કર્ષયન્ રાગયેજ્જગત્

સા એવ સાધુકારા તુ તર્જન્યઙ્ગુષ્ઠયોજિતા ।
સા એવાઙ્ગુષ્ઠસન્ધાનસંચ્છન્નાગ્ર્યાઙ્ગુલી તથા

અઙ્ગુષ્ઠાન્તરયોશ્ચૈવ પુનરગ્ર્યા મુખે ક્ષણાત્ ।
મણિદૃષ્ટિસ્તુ સા ખ્યાતા દૃષ્ટ્યર્થાનાં પ્રહારિકા

સર્વાર્થસિદ્ધિમાલા તુ સ્વભિષેકપ્રદાયિકા ।
સા એવ હૃદયે ઽઙ્ગુષ્ઠમુખસન્ધાનયોજિતા

હૃદયે મણિસૂર્યા તુ મહાતેજઃપ્રદાયિકા ।
મૂર્ધ્નિસ્થા ચ સમાનામ પતાકાગ્રવિદારિતા

મહાવજ્રમણિ પૂર્વં સર્વાશાપરિપૂરિકા ।
સા એવ હાસસંસ્થા તુ લીલયા પરિવર્તિતા

રત્નાટ્ટહાસનામ્ના વૈ હાસાત્ સર્વાર્થકારિકા ।
સર્વાગ્રમણિપદ્મા તુ ધનહારી સમાધિના

સા એવાન્ત્યાદિદાના તુ મહાદાનપ્રદાયિકા ।
અધર્ગતસમાઙ્ગુષ્ઠતર્જની મણિસંસ્થિતા

ભણિકોશા હરેદર્થાન્ જગતાં વિક્રમેણ તુ ।
વજ્રબન્ધાગ્રચક્રા તુ સમાઙ્ગુસ્થપ્રવેશિતા

તર્જનીમણિસંસ્થાનાચ્ચક્રવર્તિત્વદાયિકા ।
સા એવાઞ્જલી મુખબન્ધે સમુદ્ધૃતા

સ તુ સન્ધાય વાચા વૈ સ્વાજ્ઞયા હરતે ધનં ।
મહાવજ્રમણિં બધ્વા રત્નવર્ષ [પ્રવર્ષિતા]

સર્વાઙ્ગુલ્યુપસ્તોભા તુ ચતુઃશો વર્ષતે ધનં ।
મહાવજ્રમણિં બધ્વા નૃત્યન્નુષ્ણીષમધ્યતઃ

સંપૂજ્ય વિધિવત્સર્વૈ સર્વરત્નૈઃ સંપૂજ્યતે ।
[સર્વાર્થસિદ્ધિ] મુદ્રાં તુ કણ્ઠદેશે પરિષ્વજેત્

મણિબન્ધેતિ વિખ્યાતા રક્ષા કવચિની સ્મૃતા ।
સા એવ સર્વસિદ્ધયર્થા યક્ષયોગા મુખસ્થિતા

મણિદંષ્ટ્રેતિ [વિખ્યા]તા ભયાત્સર્વાર્થહારિણી ।
વજ્રબન્ધં દૃઢીકૃત્ય કુઞ્ચિતાગ્ર્યા સુયન્ત્રિતા

સંગૃહ્યાઙ્ગુષ્ઠયોઃ સમ્યગ્ મણિમુષ્ટિસ્તુ સિદ્ધિદા ।
પૂજાગ્રસમયાનાં તુ વજ્રધાતુપ્રયોગતઃ

યથાવન્મણિયોગેન સમયાગ્ર્યો ઽત્ર કલ્પિતાઃ ।
મધ્યમા મણિયોગેન તા એવ તુ વિકલ્પિતાઃ