સર્વતથાગતતત્ત્વસંગ્રહ · અધ્યાય 132

અથાત્ર કર્મમણ્ડલે આકર્ષણાદિવિધિવિસ્તરં કૃત્વા, યથાવત્પ્રવેશ્યૈવં વદેત્ । "ન ત્વયા કુલપુત્ર કસ્યચિદયં વક્તવ્યઃ મા તે નરકપતનં ભવેદ્" ઇતિ ।
જ્નન
તતો જ્ઞાનાન્યુત્પાદયેદિતિ । તતઃ પાપદેશનાજ્ઞાનં શિક્ષયેદિતિ ।
લોકેશ્વરમહામુદ્રાં ભાવયન્ સુસમાહિતઃ ।
પાપાનિ દેશયેચ્છીઘ્રં સર્વપાપાન્ સમાધયેત્

સમયાગ્રીન્ સમાધાય લોકેશ્વરસમાધિના ।
દેશયન્ સર્વપાપાન્યાનન્તર્યાણિ શોધયેત્

લોકેશ્વરસમાધિન્તુ ભાવયન્ સુસમાહિતઃ ।
દેશયેત્ સર્વપાપાનિ સર્વપાપપ્રણાશનં

બધ્વા ચૈકતમાં સમ્યક્ કર્મમુદ્રાં સમાસતઃ ।
દેશયેત્સર્વપાપાનિ સર્વકર્મવિશોધનમ્ ॥ ઇતિ