સર્વતથાગતતત્ત્વસંગ્રહ · અધ્યાય 123

તત્રૈષાં હૃદયાનિ ભવન્તિ ।
ઓં વજ્રપદ્મ સંયોગ સાધય હ્રીઃ ॥
ઓં બુદ્ધમુકુટ સંયોગ સાધય શ્રીઃ ॥
ઓં પદ્મપદ્મ સંયોગ સાધય ધીઃ ॥
ઓં વિશ્વપદ્મ સંયોગ સાધય સ્ત્રીઃ ॥
તતો યથાવત્ પદ્મકુલગુહ્યમહામુદ્રાજ્ઞાનં ભવતિ ।
કુડ્મલાઞ્જલિરગ્રસ્ય વજ્રક્રોધાઙ્ગુલી દ્વિકે ।
દ્વયગ્રા મણિસ્તથા પદ્મં વજ્રબન્ધન્તથૈવ

વજ્રબન્ધાં સમાનીય સમમધ્યાઙ્કુરો સ્થિતો ।
તર્જન્યાનામસંકોચા મુદ્રા શાક્યમુનેર્દૃઢા

ધર્મવજ્રા હૃદિસ્થા તુ પરિવર્ત્ય લલાટગા ।
સમાધિયોગા ચોત્સઙ્ગે પરિવર્ત્ય તુ મૂર્ધગા

વજ્રધાત્વીશ્વરીમ્બધ્વા ચૈત્યં પદ્મપ્રયોગતઃ ।
સંધયેન્મધ્યમાભ્યાં તુ બુદ્ધપદ્મેતિ કીર્તિતા

સા એવાઙ્ગુષ્ઠવજ્રા તુ દ્વ્યગ્રખડ્ગાઙ્કુશી તથા ।
પદ્વજ્રધરસ્યૈતા ગુહ્યમુદ્રાઃ પ્રકીર્તિતાઃ

સા એવાઙ્ગુષ્ઠમુક્તા તુ તર્જન્યા તર્જનીગ્રહા ।
વલિતા સુરતિઃ પ્રોક્તા સાધુકાર્યા તથૈવ ચ

વજ્રબન્ધં દૃઢીકૃત્ય સમાઙ્ગુષ્ઠપ્રવેશિતા ।
કુઞ્ચિતાગ્ર્યમુખસ્થા તુ ભૃકુટ્યાં મધ્યપદ્મિની

સા એવ હૃદયે ચૈવ સૂર્યમણ્ડલદર્શિકા ।
ધ્વજબન્ધેન સા એવ શિરઃપૃષ્ઠે પ્રસારિતા

વજ્રબન્ધં દૃઢીકૃત્ય કુઞ્ચિતાગ્ર્યાગ્રવિગ્રહા ।
તથૈવ પદ્મખડ્ગા તુ પદ્મયોગાગ્ર્યસન્ધનાત્

વજ્રબન્ધં દૃઢિકૃત્ય વામાઙ્ગુષ્ઠપ્રવેશનાત્ ।
શઙ્ખમઙ્ગુષ્ઠદણ્ડોત્થાઙ્ગુલ્યગ્રોત્થાન્ત્યપદ્મિની

સા એવ સર્વસંકોચા કનિષ્ઠા પદ્મસંયુતા ।
અક્ષમાલાગ્રગણની દક્ષિણાઙ્ગુષ્ઠયોગતઃ

વજ્રબન્ધં દૃઢીકૃત્ય કનિષ્ઠા પદ્મસંયુતા ।
સમાગ્ર્યા પદ્મનેત્રા તુ પ્રનર્તન્ પરિવર્તિતા

વજ્રબન્ધં દૃઢીકૃત્ય કનિષ્ઠા પદ્મસંયુતા ।
કુઞ્ચિતા[ગ્ર્યં પીડયન્તુ] દ્વયઙ્ગુષ્ઠકવચીકૃતે- ॥ તિ

સા એવાઙ્ગુષ્ઠદંષ્ટ્રા તુ સમાઙ્ગુષ્ઠપ્રવેશિતા ।
અતઃ પરં પ્રવક્ષ્યામિ સમયાગ્ર્યો નિરુત્તરાઃ

વજ્રબન્ધન્તલે કૃત્વા તર્જનીપદ્મસન્ધિતા ।
અઙ્ગુષ્ઠા બન્ધપર્યઙ્કા ગુહ્યવિશ્વેશ્વરી સ્મૃતા

॥
તથૈવ વજ્રબન્ધેન કનિષ્ઠા મધ્યસન્ધિતા ।
અઙ્ગુષ્ઠમુખયોર્વજ્રન્ પટ્ટમધ્યે તથાગતં

તથૈવ વજ્રબન્ધે તુ પદ્મમઙ્ગુષ્ઠસન્ધિતં ।
કૃત્વા તુ મુખતોદ્ધાન્તં સ્થિતોત્સઙ્ગે સમાધિના

તથૈવ વજ્રબન્ધે તુ મુખતઃ સમસન્ધિતા ।
સર્વાઙ્ગુલ્યા દૃઢીકૃત્ય તર્જની વજ્રસંયુતા

તથૈવ વજ્રબન્ધે તુ તર્જની પદ્મસન્ધિતા ।
અઙ્ગુષ્ઠા બન્ધપર્યઙ્કા મધ્યસંકોચવિગ્રહા

તથૈવ વજ્રબન્ધે તુ વજ્રમઙ્ગુષ્ઠસન્ધિતા ।
ખડ્ગાઙ્કુશી તથગ્રાભ્યાં કનિષ્ઠા પદ્મસંયુતા

તથૈવ વલિતાં કૃત્વા તર્જન્યઙ્ગુષ્ઠસંગ્રહાં ।
ઉત્થિતાન્ તર્જનીં વામાં કર્ષયેત્ સુદૃઢન્તથા

સા એવ તુ સમીકૃત્વા તર્જન્યઙ્ગુષ્ઠયોગતઃ ।
સાધુકારપ્રદાત્રી તુ પદ્મતુષ્ટેર્મહાત્મનઃ

તથૈવ વજ્રબન્ધં તુ સર્વાગ્રમુખસન્ધિતં ।
દ્વયઙ્ગુષ્ઠમુખપીડન્તુ સમાગ્ર્યા સન્નિવેશિતં

સા એવ હૃદિ સૂર્યા તુ મૂર્ધ્નિ પદ્મધ્વજીકૃતા ।
પરિવર્ત્ય ચ હાસા તુ સ્થિતા પદ્માટ્ટહાસિની

વજ્રવન્ધન્તલે કૃત્વા ધર્મવજ્રાગ્રયોગતઃ ।
કનિષ્ઠાઙ્ગ ષ્ઠસન્ધી તુ તારાયાઃ સમયો હ્યયં

તથૈવ વજ્રબન્ધે તુ જ્યેષ્ઠાભ્યાં ખડ્ગપદ્મિની ।
તલચક્રા તથૈવેહ જાપદાત્રી તથૈવ ચ

તથૈવ વજ્રબન્ધા તુ ખટકદ્વયમોક્ષિતા ।
પુનશ્ચ હૃદયે બન્ધે ગુહ્યરક્ષેતિ કીર્તિતા

તથૈવ વજ્રબન્ધે તુ કનિષ્ઠા પદ્મસંયુતા ।
તર્જની દૃઢસંકોચા વિકચાઙ્ગુષ્ઠદંષ્ટ્રિણી

સા એવ મુષ્ટિયોગેન દ્વયઙ્ગુષ્ઠમુખપીડિતા ।
પદ્મગુહ્યમહામુષ્ટિ સમયાગ્રી પ્રકીર્તિતા

સર્વાસામેવ ચાન્યાસાં પદ્મલાસ્યાદિસંજ્ઞિનાં ।
વજ્રબન્ધં તલે કૃત્વાબન્ધસ્તાદૃશ એવ હી-તિ