સર્વતથાગતતત્ત્વસંગ્રહ · અધ્યાય 112

તતઃ પદ્મકુલસમયમુદ્રાજ્ઞાનં ભવતિ ।
વજ્રબન્ધં સમાધાય સમાઙ્ગુષ્ઠાન્ત્યસન્ધાનાત્ ।
મુદ્રેયં ધર્મસમયા બુદ્ધધર્મપ્રદાયિકા

વજ્રબન્ધં સમાધાય સમાગ્ર્યાનામમધ્યમા ।
બુદ્ધવિદ્યોત્તમસ્યેયં મુદ્રા બુદ્ધત્વદાયિકા

વજ્રબન્ધં સમાધાય મધ્યમા વજ્રસંયુતા ।
વજ્રવિદ્યોત્તમસ્યેયં મુદ્રા વજ્રત્વદાયિકા

સા એવ મણિમધ્યા તુ વજ્રરત્નપ્રદાયિકા ।
મધ્યકુડ્મલયોગેન પદ્મસિદ્ધિપ્રદાયિકા

વજ્રાઞ્જલિન્તુ સન્ધાય વજ્રકર્મકરી ભવેત્ ।
ધર્મવજ્રાં સમાધાય સમયઃ સિધ્યતે ક્ષણાત્

વજ્રબન્ધં સમાગ્રન્તુ બુદ્ધસિદ્ધિપ્રદાયિકા ।
અતઃ પરં પ્રવક્ષ્યામિ સત્વમુદ્રા વિશેષતઃ

વજ્રાઞ્જલિં સમાધાય સમમધ્યોત્થિતા તથા ।
કનિષ્ઠાઙ્ગુષ્ઠવિકચા વિશ્વપદ્મેતિ કીર્તિતા

સા એવાઙ્ગુષ્ઠપર્યઙ્કા કુઞ્ચિતાગ્રાગ્ર્યવિગ્રહા ।
મધ્યવજ્રજટા મૂર્ધ્નિ જટાબુદ્ધેતિ કીર્તિતા

વજ્રબન્ધં દૃઢીકૃત્ય સમાઙ્ગુષ્ઠમધસ્તનં ।
તર્જનીદ્વયસંકોચા સમુદ્ગતા સમાધિતઃ

સમાઞ્જલિં સમાધાય તર્જની વજ્રપીડિતા ।
વિકસિતાઙ્ગુષ્ઠમુખયોર્મુદ્રામોઘેશ્વરસ્ય તુ

વજ્રબન્ધં દૃઢીકૃત્ય સમુત્તાનં તુ બન્ધયેત્ ।
સમાઙ્ગુષ્ઠકૃતા પદ્મે પદ્મબુદ્ધેતિ કીર્તિતા

અઙ્ગુષ્ઠવજ્રાગ્રાભ્યામઙ્કુશં ખડ્ગમેવ ચ ।
અન્ત્યદ્વયવિકાસા ચ મધ્યાનામાગ્રકુડ્મલા

સમાઞ્જલિં સમાધાય વલિતાઙ્ગુષ્ઠકુઞ્ચિતા ।
તર્જન્યા તર્જનીઙ્ગૃહ્યાકર્ષયેત્ પદ્મવાણયા

સમાઞ્જલિન્તથોત્તાનાં બન્ધયેત્સાધુમુદ્રયા ।
સાધુકારાં [પ્રદદાતિ] સાધુપદ્મેતિ કીર્તિતા

સમાઞ્જલિં દૃઢીકૃત્ય કુઞ્ચિતાગ્ર્યા મુખસ્થિતા ।
કનિષ્ઠાભ્યાં તુ વિકચા પદ્મભૃકુટિરુચ્યતે

વજ્રબન્ધં દૃઢીકૃત્ય હૃદ[યે તુ] પ્રસારયેત્ ।
પદ્મસૂર્યેતિ વિખ્યાતા સર્વાઙ્ગુ લિસુમણ્ડલા

સમાઞ્જલિં દૃઢીકૃત્ય તર્જનીભ્યાં મણીકૃતા ।
પદ્મરત્નધ્વજાગ્રી તુ મૂર્ધ્નિ બાહુપ્રસારિતા

વજ્રબન્ધં શિરોમૂર્ધ્નિ પ્રસાર્યાગ્રમુખૈઃ સહ ।
સ્વમુખેનાટ્ટહાસેન એકાદશમુખી ભવેત્

સમાધિપદ્માં સન્ધાય સમાઙ્ગુષ્ઠસમુત્થિતા ।
પદ્મતારસ્ય મુદ્રેમં સર્વસિદ્ધિપ્રદાયિકા

પદ્મતારસ્ય મુદ્રા તુ પદ્મ યોગાગ્ર્યબન્ધનાત્ ।
પદ્મખડ્ગસ્ય મુદ્રેયં ખડ્ગાકારનિયોજનાત્

કુડ્મલાન્ત્યમહાપદ્માસ્તચ્ચાઙ્ગુષ્ઠગદા તથા ।
કુઞ્ચિતાગ્ર્યમહાશઙ્ખા વજ્રબન્ધેન ચક્રિતા

વજ્રાઞ્જલિં દૃઢીકૃત્ય દક્ષિણૌંકારવેષ્ટિતા ।
વામગ્ર્યાઙ્ગુષ્ઠજાપા તુ સર્વાગ્રવિકચામ્બુજા

વજ્રાઙ્ગુલિં સમાધાય વામદક્ષિણતસ્તથા ।
નૃત્યં સલીલવલિતા મૂર્ધ્નિસ્થા નૃત્યપદ્મિની

વજ્રાઞ્જલિં દૃઢીઇકૃત્ય સર્વાગ્રકવચા તથા ।
પરિવર્ત્ય તુ પદ્મેન હૃદિ સ્થાપ્ય દૃઢંકરી

વજ્રાઞ્જલિં દૃઢીકૃત્ય ગુહ્યયક્ષપ્રયોગતઃ ।
પ્રસારિતાઞ્જલિપુટા મુખસ્થા પદ્મયક્ષિણી

વજ્રમુષ્ટિં દ્વિધીકૃત્ય કુઞ્ચયિત્વા તુ મધ્યમે ।
સ્વાઙ્ગુષ્ઠપૃષ્ઠનિહિતે પદ્મમુષ્ટિરુદાહૃતા

વજ્રધાતુપ્રયોગેણ વજ્રાઞ્જલિસમુત્થિતા ।
સર્વપૂજાગ્ર્યદેવીનાં સમયાગ્ર્યસ્તુ બન્ધયેત્

વજ્રબન્ધં દૃઢીકૃત્ય સન્ધયેત્તર્જનીદ્વયં ।
સંકોચાત્પુરતઃ સન્ધેત્ હયગ્રીવેતિ કીર્તિતા

પદ્માઞ્જલિં સમાધાય તર્જનીગ્રન્થિબન્ધના ।
અમોઘપાશમુદ્રેયં તર્જન્યઙ્ગુષ્ઠશઙ્કલા

પદ્માઞ્જલિં સમાધાય વજ્રાવેશપ્રયોગતઃ ।
અઙ્ગુષ્ઠાભ્યાં તુ સંપીડ્ય કનિષ્ઠાનામિકાન્તરાવ્