sarasvati stotram · અધ્યાય 1

રવિરુદ્રપિતામહવિષ્ણુનુતં હરિચન્દનકુઙ્કુમપઙ્કયુતમ્।
મુનિવૃન્દગજેન્દ્રસમાનયુતં તવ નૌમિ સરસ્વતિ પાદયુગમ્

શશિશુદ્ધસુધાહિમધામયુતં શરદમ્બરબિમ્બસમાનકરમ્।
બહુરત્નમનોહરકાન્તિયુતં તવ નૌમિ સરસ્વતિ પાદયુગમ્

કનકાબ્જવિભૂષિતભૂતિભવં ભવભાવવિભાષિતભિન્નપદમ્।
પ્રભુચિત્તસમાહિતસાધુપદં તવ નૌમિ સરસ્વતિ પાદયુગમ્

ભવસાગરમજ્જનભીતિનુતં પ્રતિપાદિતસન્તતિકારમિદમ્।
વિમલાદિકશુદ્ધવિશુદ્ધપદં તવ નૌમિ સરસ્વતિ પાદયુગમ્

મતિહીનજનાશ્રયપાદમિદં સકલાગમભાષિતભિન્નપદમ્।
પરિપૂરિતવિશ્વમનેકભવં તવ નૌમિ સરસ્વતિ પાદયુગમ્

પરિપૂર્ણમનોરથધામનિધિં પરમાર્થવિચારવિવેકનિધિમ્।
સુરયોષિતસેવિતપાદતલં તવ નૌમિ સરસ્વતિ પાદયુગમ્

સુરમૌલિમણિદ્યુતિશુભ્રકરં વિષયાદિમહાભયવર્ણહરમ્।
નિજકાન્તિવિલેપિતચન્દ્રશિવં તવ નૌમિ સરસ્વતિ પાદયુગમ્

ગુણનૈકકુલસ્થિતિભીતપદં ગુણગૌરવગર્વિતસત્યપદમ્।
કમલોદરકોમલપાદતલં તવ નૌમિ સરસ્વતિ પાદયુગમ્

ત્રિસન્ધ્યં યો જપેન્નિત્યં જલે વાપિ સ્થલેસ્થિતઃ
પાઠમાત્રદ્ભવેત્પ્રાજ્ઞો બ્રહ્મનિષ્ઠઃ પુનઃ પુનઃ

ઇદં સ્તવં  મહાપુણ્યં  બ્રહ્મણા ચ પ્રકિર્તિતમ્ ।
ય: પઠેત્ પ્રાતરુત્થ્યાય તસ્ય કણ્ઠે સરસ્વતી