શઙ્કરાચાર્યાષ્ટોત્તરશતનામસ્તોત્રમ્ · અધ્યાય 1

શ્રી શઙ્કરાચાર્યાષ્ટોત્તરશતનામસ્તોત્રમ્
શ્રીશઙ્કરાચાર્યવર્યો બ્રહ્માનન્દપ્રદાયકઃ ।
અજ્ઞાનતિમિરાદિત્યસ્સુજ્ઞાનામ્બુધિચન્દ્રમાઃ

વર્ણાશ્રમપ્રતિષ્ઠાતા શ્રીમાન્મુક્તિપ્રદાયકઃ ।
શિષ્યોપદેશનિરતો ભક્તાભીષ્ટપ્રદાયકઃ

સૂક્ષ્મતત્ત્વરહસ્યજ્ઞઃ કાર્યાકાર્યપ્રબોધકઃ ।
જ્ઞાનમુદ્રાઞ્ચિતકરશ્-શિષ્યહૃત્તાપહારકઃ

પરિવ્રાજાશ્રમોદ્ધર્તા સર્વતન્ત્રસ્વતન્ત્રધીઃ ।
અદ્વૈતસ્થાપનાચાર્યસ્સાક્ષાચ્છઙ્કરરૂપભૃત્

ષન્મતસ્થાપનાચાર્યસ્ત્રયીમાર્ગ પ્રકાશકઃ ।
વેદવેદાન્તતત્ત્વજ્ઞો દુર્વાદિમતખણ્ડનઃ

વૈરાગ્યનિરતશ્શાન્તસ્સંસારાર્ણવતારકઃ ।
પ્રસન્નવદનામ્ભોજઃ પરમાર્થપ્રકાશકઃ

પુરાણસ્મૃતિસારજ્ઞો નિત્યતૃપ્તો મહાઞ્છુચિઃ ।
નિત્યાનન્દો નિરાતંકો નિસ્સંગો નિર્મલાત્મકઃ

નિર્મમો નિરહઙ્કારો વિશ્વવન્દ્યપદામ્બુજઃ ।
સત્ત્વપ્રધાનસ્સદ્ભાવસ્સઙ્ખ્યાતીતગુણોજ્જ્વલઃ

અનઘસ્સારહૃદયસ્સુધીસારસ્વતપ્રદઃ ।
સત્યાત્મા પુણ્યશીલશ્ચ સાઙ્ખ્યયોગવિલક્ષણઃ

તપોરાશિર્ મહાતેજો ગુણત્રયવિભાગવિત્ ।
કલિઘ્નઃ કાલકર્મજ્ઞસ્તમોગુણનિવારકઃ

ભગવાન્ભારતીજેતા શારદાહ્વાનપણ્દિતઃ ।
ધર્માધર્મવિભાવજ્ઞો લક્ષ્યભેદપ્રદર્શકઃ

નાદબિન્દુકલાભિજ્ઞો યોગિહૃત્પદ્મભાસ્કરઃ ।
અતીન્દ્રિયજ્ઞાનનિધિર્નિત્યાનિત્યવિવેકવાન્

ચિદાનન્દશ્ચિન્મયાત્મા પર્કાયપ્રવેશકૃત્ ।
અમાનુષચરિત્રાઢ્યઃ ક્ષેમદાયી ક્ષમાકરઃ

ભવ્યો ભદ્રપ્રદો ભૂરિ મહિમા વિશ્વરઞ્જકઃ ।
સ્વપ્રકાશસ્સદાધારો વિશ્વબન્ધુશ્શુભોદયઃ

વિશાલકીર્તિર્વાગીશસ્સર્વલોકહિતોત્સુકઃ ।
કૈલાસયાત્રસંપ્રાપ્ત ચન્દ્રમૌલિપ્રપૂજકઃ

કાંચ્યાં શ્રીચક્ર રાજખ્ય યન્ત્ર સ્થાપન દીક્ષિતઃ ।
શ્રીચક્રાત્મક તાટઙ્ક તોષિતામ્બા મનોરથઃ

બ્રહ્મસૂત્રોપનિષદ્ભાષ્યાદિગ્રન્થકલ્પકઃ ।
ચતુર્દિક્ચતુરામ્નાયપ્રતિષ્ઠાતા મહામતિઃ

દ્વિસપ્તતિ મતોચ્છેત્તા સર્વદિગ્વિજયપ્રભુઃ ।
કાષાયવસનોપેતો ભસ્મોદ્ધૂળિતવિગ્રહઃ

જ્ઞાનત્મકૈકદણ્ડાઢ્યઃ કમણ્ડલુલસત્કરઃ ।
ગુરુભૂમણ્ડલાચાર્યો ભગવત્પાદસંજ્ઞકઃ

વ્યાસસંદર્શનપ્રીતઃ ઋષ્યશૃઙ્ગપુરેશ્વરઃ ।
સૌન્દર્યલહરી મુખ્ય બહુસ્તોત્ર વિધાયકઃ

ચતુષ્ષષ્ટિકલાભિજ્ઞો બ્રહ્મરાક્ષસપોષકઃ ।
શ્રીમન્મણ્ડનમિશ્રાખ્યસ્વંભૂજયસન્નુતઃ

તોટકાચાર્યસમ્પૂજ્ય પદ્મપાદર્ચિતાઙ્ઘ્રિકઃ ।
હસ્તામલયોગિન્દ્ર બ્રહ્મજ્ઞાનપ્રદાયકઃ

સુરેશ્વરાખ્ય સચ્છિષ્ય સન્યાસાશ્રમ દાયકઃ ।
નૃસિંહભક્તસ્સદ્રત્નગર્ભહેરમ્બપૂજકઃ

વ્યાખ્યસિંહાસનાધીશો જગત્પૂજ્યો જગદ્ગુરુઃ ।
ઇતિ શ્રીમચ્છઙ્કરાચાર્યસર્વલોકગુરોઃ પરમ્

નામ્નામષ્ટોત્તરશતં ભુક્તિમુક્તિફલપ્રદં ।
ત્રિસન્ધ્યં યઃ પઠેદ્ભક્ત્યા સર્વાન્કામાનવાપ્નુયાત્ ॥
॥ ઇતિ શ્રીમચ્છઙ્કરાચાર્યાષ્ટોત્તરશતનામસ્તોત્રમ્ ।