સમાધિસંભારપરિવર્ત · અધ્યાય 1

સમાધિસંભારપરિવર્તઃ
લોકનાથાય નમઃ
બોધિચિત્તં દૃઢં કુર્યાત્ પૂર્વ કારુણ્યશક્તિજમ્ ।
ભવભોગસુખે ઽસક્તઃ પરિગ્રહપરાઙ્મુખઃ

શ્રદ્ધાદિધનસમ્પન્નો ગુરું બુદ્ધસમં ભજેત્ ।
તદ્દિષ્ટસમયાચારં પરિપાલિતુમુદ્યતઃ

કુમ્ભગુહ્યાભેષેકં તુ પ્રસાદાલ્લભતે ગુરોઃ ।
કાયવાક્ ચિત્તસંશુદ્ધઃ સિદ્ધિપાત્રં સ સાધકઃ

સમાધ્યઙ્ગસમુદ્ભૂતસંભારપારિપૂરિતઃ ।
શીઘ્રં સિદ્ધ્યાપ્તિરેવં ચ ગુહ્યમન્ત્રનયસ્થિતિઃ

સમાધ્યઙ્ગચ્યુતૌ તસ્ય વિપક્ષસ્થિતિતસ્તથા ।
જન્મકોટિસહસ્રૈશ્ચ સમાધિર્ન પ્રસિધ્યતિ

તત્સમાધિપ્રસિધ્યર્થ ગુહ્યવૃત્તસ્થયોગવિત્ ।
તદ્ ભિન્નં ચિન્તનં ત્યક્ત્વા દૃઢવીર્યેણ ચોદ્યમેત્

સમાધેર્યાનિ ચાઙ્ગાનિ વિપક્ષસ્તદ્વિનિશ્ચયે ।
સમાધ્યઙ્ગં વિપક્ષશ્ચ સંક્ષેપેણ સમુચ્યતે

શીલસમ્પત્તિયુક્તત્વં ભોગેષુ નિરપેક્ષતા ।
ક્ષાન્તિર્દૃઢપ્રતિજ્ઞા ચ જનસંસર્ગવર્જનમ્

કાયવાક્ ચિત્તકાર્યેષુ સમ્પ્રજન્યસમન્વયઃ ।
બુદ્ધકાયસ્તુતિસ્મૃત્યા કાયાનુસ્મૃતિસંયુતિઃ

યસ્મિન્ કાલે તુ યત્કાર્ય દાર્ઢ્ર્ય તસ્ય હ્યનુસ્મૃતૌ ।
પઞ્ચાવરણહાનિશ્ચ યુક્તકૃદ્ ભક્તમાનતા

સમસ્તલોકધર્મેષુ ચિત્તોપેક્ષા સદા તથા ।
સંલેખો ઽઙ્ગાનિ ચેમાનિ વિપક્ષસ્તદ્વિપર્યયઃ